པར་ཙིར་གྱི་གྲོང་ཁྱེར46ཛ་དྲག་གི་གནས་སུ་སླེབས་པ།

སྒྲིག་སྒྱུར།  སངས་དོན།   ཡོང་ཁུངས།  ཀྲུང་གོ་གསར་འགྱུར་ཁང་།   བཤེར་འབེབས།   རིན་ཆེན་ཚེ་རིང་། 

ས་གནས་དེ་གའི་དུས་ཚོད་ཚེས25ཉིན། པར་ཙིར（巴西）ཧྲེང་པའོ་ལུའོ་ཀྲོའུ（圣保罗州）ཡི་ཀྲོའུ་ཀྲང་ཏེ་ཕུའུ་ལུའེ་ཐ་སིས་ཉེས་གསོག་དོགས་ཅན་གཉིས་ལ་མེ་བཏང་པའི་དོགས་གཞི་ཡོད་པའི་དབང་གིས་འཛིན་བཟུང་བྱས་ཡོད་ཅེས་བཤད་པ་རེད། 

ཚེས25ཉིན་བར། ཧྲེང་པའོ་ལུའོ་ཀྲོའུ་ཡི་གྲོང་ཁྱེར46དུས་ཡུན་ཉིན180ཡི་ཛ་དྲག་གི་རྣམ་པར་སླེབས་ཡོད་པ་རེད། གཟའ་མཇུག་ཏུ་ཧྲེང་པའོ་ལུའོ་ཀྲོའུ་རུ་དྲོད་ཚད་ཆག་པ་དང་ཆར་པ་བབས་པའི་གནམ་གཤིས་བྱུང་ཞིང་།  ཡ་མ་སུན（亚马逊）ས་ཁུལ་དང་ཧྲེང་པའོ་ལུའོ་ཀྲོའུ་རུ་མེ་སྐྱོན་ཐོན་པའི་དབང་གིས་གནམ་གཤིས་སྡེ་ཚན་གྱིས་སྔོན་དཔག་བྱས་ན་ས་ཁུལ་དེར་མེ་སྐྱོན་རྐྱེན་བྱས་པའི་དུ་སྨུག་མཉམ་བསྲེས་ཀྱི“ཆར་བ་ནག་པོ”འབབ་སྲིད་ཅེས་བཤད་པ་རེད། 

པར་ཙིར་རྒྱལ་ཁབ་བར་སྣང་ཞིབ་འཇུག་ཁང་གི་གྲངས་གཞིར་གཞིགས་ན། ཧྲེང་པའོ་ལུའོ་ཀྲོའུ་ལ་ཚེས22ཉིན་དང་ཚེས23ཉིན་གྱི་ཉིན་གཉིས་ནང་མེ་སྐྱོན2300ལྷག་ཙམ་བྱུང་ནས་རྒྱལ་ཡོངས་ཀྱི་ཟིན་ཐོ་ལས་བརྒལ་འདུག ཚེས24ཉིན་སླར་ཡང་མེ་སྐྱོན་ཐེངས305བྱུང་བ་རེད། ད་ལོའི་ལོ་མགོ་ནས་ཟླ་འདིའི་ཚེས24ཉིན་བར་ཀྲོའུ་དེར་རིམ་རྩིས་བྱས་ན་མེ་སྐྱོན་ཐོན་པའི་གྲངས་འབོར་དེ་གོང་གི་ལོ་གཉིས་ཀྱི་སྡོམ་འབོར་ལས་བརྒལ་ཡོད་པ་རེད།