ཐོལ་བྱུང་། ཐའེ་ཅུ་ཏེན་བཟོ་གྲྭའི་ཁུལ་དུ་འབར་མདེལ་པང་སྟོང་སྔོག་པ།

སྒྲིག་སྒྱུར།   སངས་དོན།      ཡོང་ཁུངས།   ཀྲུང་གོ་གསར་འགྱུར་ཁང་།     བཤེར་འབེབས།   རིན་ཆེན་ཚེ་རིང་།

ཐའེ་དབན་གྱི“ཀྲུང་ཧྲི་གསར་འགྱུར་དྲ་བ”སོགས་སྨྱན་སྦྱོར་གྱིས་གནས་ཚུལ་སྤེལ་བར་གཞིགས་ན། ཟླ8པའི་ཚེས26ཉིན་གྱི་སྔ་དྲོར། ཐའེ་ཅུ་ཏེན（台积电）ཀའོ་ཞུང（高雄）རྡོ་སྣུམ་བཙོ་སྦྱང་བཟོ་གྲྭའི་ནུབ་ཁུལ་དུ་ཨར་ལས་བྱེད་སྐབས་ལྗིད་ཚད་པང་སྟོང་(སྟོང་ཁེ453དང་མཚུངས)ཟིན་པའི་འབར་གས་མེད་པའི་འབར་མདེལ་ཞིག་སྔོག་འདོན་བྱས་པ་དང་། ལས་དོན་མི་སྣས་ཉེན་རྟོག་ཕྱོགས་དང་ཐའེ་དབན་དམག་དཔུང་ཕྱོགས་ལ་འཕྲལ་དུ་བརྡ་ཐོ་བཏང་ནས་ཡུལ་དངོས་ནས་ལྟ་ཞིབ་བྱས་པ་རེད། 

གནས་ཚུལ་སྤེལ་བར་གཞིགས་ན། འབར་གས་མ་བྱུང་བའི་འབར་མདེལ་དེ་ནིAN/M65རྟགས་ཅན་གྱི་འབར་མདེལ་ཡིན་པ་དང་ཐའེ་དབན་དམག་དཔུང་ཕྱོགས་ཀྱིས་ཐག་གཅོད་ཚོགས་ཆུང་མངགས་ནས་འབར་མདེལ་ལ་མེ་རྟ་མེད་པ་དང་། ཕྱི་ཚུལ་ལ་རུལ་བསླད་ཚབས་ཆེ་བ། ཉེན་ཁ་མེད་པ་བཅས་ཀྱི་གསལ་འབྱེད་རགས་ཙམ་བྱས་ནས་ཐའེ་དབན་དམག་དཔུང་ཕྱོགས་ཀྱི་མཛོད་ཁང་དུ་གནས་སྐབས་ཉར་ཚགས་བྱེད་པར་བསྐྱལ་ཡོད་ཅེས་འཁོད་ཡོད་པ་རེད། 

ཀའོ་ཞུང་གྲོང་ཁྱེར་བཟོ་དོན་ཅུས་བརྡར་ཤ་བཅད་དོན། འབར་མདེལ་ནི་རི་པིན་གྱིས་བཟུང་བའི་དུས་སྐབས་སུ་འཕངས་པའི་འབར་མདེལ་གྱི་ཤུལ་ལུས་ཡིན་པ་དང་། དོན་དག་དང་འབྲེལ་བ་ཡོད་པའི་ས་ཁོངས་ནི་དེ་སྔ་རི་པིན་མཚོ་དམག་གི་སྣུམ་མཛོད་ཡིན་པ་དང་ཨ་རིའི་དམག་གིས་རྟག་ཏུ་འབར་མདེལ་འཕེན་གྱི་ཡོད་པ་རེད།