ཀྲུང་གོ་དང་ཨ་རིའི་དམག་དཔུང་གི་འཐབ་ཁུལ་མགོ་ཁྲིད་ཀྱིས་ཁ་པར་གླེང་མོལ་བྱས།

སྒྲིག་སྒྱུར།  སངས་དོན།    ཡོང་ཁུངས།  རྒྱལ་སྲུང་པུའི་སྐད་འཕྲིན་སྤྱི་སྟེགས།      བཤེར་འབེབས།  རིན་ཆེན་ཚེ་རིང་།

“རྒྱལ་སྲུང་པུའི་ཁྱབ་བསྒྲགས”ཞེས་པའི་སྐད་འཕྲིན་སྤྱི་སྟེགས་ཐོག་ཚེས10ཉིན་སྤེལ་བའི་གནས་ཚུལ་ལྟར་ན། ཀྲུང་གོ་དང་ཨ་རི་རྒྱལ་ཁབ་གཉིས་ཀྱི་གཙོ་བདག་ཅིའུ་ཅིན་ཧྲན་ཞལ་འཛོམས་ཀྱི་ཐུན་མོང་ངོས་འཛིན་གཞི་བཟུང་ནས་ཟླ9པའི་ཚེས10ཉིན་གྱི་སྔ་དྲོར། ཀྲུང་གོ་མི་དམངས་བཅིངས་འགྲོལ་དམག་ལྷོ་རྒྱུད་འཐབ་ཁུལ་གྱི་སི་ལིང་ཡོན་ཝུའུ་ཡ་ནན་དང་ཨ་རིའི་དམག་དཔུང་གི་རྒྱ་གར་དང་ཞི་བདེ་རྒྱ་མཚོ་ཆེན་མོ་ཁུལ་གྱི་སྤྱི་ཁྱབ་པུའི་སི་ལིང་ཕ་ཕ་ལུའོ་ཡིས་བརྙན་ལམ་ཐོག་ནས་གླེང་མོ་བྱས་ནས་ཕྱོགས་གཉིས་པོས་ཐུན་མོང་ཐོག་དོ་ཁུར་བྱེད་པའི་གནད་དོན་ཐད་བསམ་འཆར་བརྗེ་རེས་གཏིང་ཟབ་བྱས།