ཨ་རི་དང་དབྱིན་ཇིས་མཁའ་རྒོལ་བྱས་པ།

སྒྲིག་སྒྱུར།  སངས་དོན།   ཡོང་ཁུངས།  ཀྲུང་གོ་གསར་འགྱུར་དྲ་བ།    བཤེར་འབེབས།   རིན་ཆེན་ཚེ་རིང་།

གསར་འགོད་པས་ཤེས་རྟོགས་བྱས་པར་གཞིགས་ན། ས་གནས་དེ་གའི་དུས་ཚོད་ཟླ10ཚེས17ཉིན་གྱི་ཐོ་རེངས་སུ་ཨ་རི་དང་དབྱིན་ཇིས་ཡེ་མེན་གྱི་ཧུའུ་སའེ་དྲག་ཆས་ཀྱིས་ཚོད་འཛིན་བྱེད་པའི་རྒྱལ་ས་ས་ན་དང་བྱང་རྒྱུད་ཀྱི་ས་ཏ་ཞིང་ཆེན་ལ་མཁའ་རྒོལ་བྱས་པ་རེད།

ན་ནིང་གི་ཟླ10པར་རེས་སྐོར་གསར་པའི་ཕ་ལེ་སི་ཐན་དང་དབྱི་སི་རལ་དབར་གྱི་གདོང་ཐུག་ཐོན་པ་ནས་བཟུང་། ཧུའུ་སའེ་ཡིས་དྲག་ཤུགས་ལ་བརྟེན་ནས་མི་མེད་གནམ་གྲུ་དང་འཕུར་མདེལ་སྤྱད་དེ་རྒྱ་མཚོ་དམར་པོ་དང་ཡ་ཏིང་དབན་གྱི་ཆུ་ཁོངས་སུ་འཇབ་རྒོལ་བྱས་ནས་དབྱི་སི་རལ་གྱིས་ཕ་ལེ་སི་ཐན་གྱི་ཅ་ཧྲ་ས་ཁུལ་གྱི་དམག་དོན་བྱ་སྤྱོད་སྤེལ་མཚམས་འཇོག་དགོས་པའི་བླང་བྱ་བཏོན་པ་རེད། ད་ལོའི་ཟླ1པོའི་ཚེས12ཉིན་ནས་བཟུང་། ཨ་རི་དང་དབྱིན་ཇིས་ཧུའུ་སའེ་དྲག་ཆས་དམིགས་ཚད་ལ་མཁའ་རྒོལ་ཐེངས་མང་བྱས་པས་མི་སྣ་ཤི་རྨས་བྱུང་། རྒྱལ་ཁབ་ཁག་གཅིག་གིས་ཨ་རི་དང་དབྱིན་ཇི་རྒྱལ་ཁབ་གཉིས་ཀྱི་བྱ་སྤྱོད་ལ་རྒོལ་གཏམ་བཏང་ནས་དེ་ནི་ཡེ་མེན་གྱི་བདག་དབང་ལ་བཙན་གནོད་བྱས་པ་ཞིག་ཡིན་པས་ས་ཁུལ་གྱི་དུས་བབ་ཛ་དྲག་ཏུ་འགྲོ་སྲིད་པར་འདོད་ཀྱིན་ཡོད།