ཨུ་རུ་སུའི་དམག་དོན་མཛོད་ཁང་ལ་འབར་གས་བྱུང་འདུག

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མི་དམངས་དྲ་བ། བཤེར་འབེབས། རིན་ཆེན་ཚེ་རིང་། 

ཉེ་ཆར། ཨུ་རུ་སུའི་ཛ་དྲག་གནས་འཕྲིན་པུ་ནས་གནས་འཕྲིན་སྤེལ་བར་གཞིགས་ན། ཨུ་རུ་སུའི་ཧྥུ་ལ་ཏི་མེ་ཨེར་ཁུལ་གྱི་ཨུ་རུ་སུའི་རྒྱལ་སྲུང་པུའུ་ཡི་གོ་མཚོན་མཛོད་ཁང་ཨང51པར་འབར་གས་ཀྱི་དོན་རྐྱེན་ཐོན་ནས་མི3ལ་རྨས་སྐྱོན་བྱུང་ཡོད་པ་རེད། རྫས་མདེལ་བསྟུད་གས་བྱུང་བའི་དབང་གིས་ཉེ་འགྲམ་གཞུང་ལམ་གྱི་ལམ་དུམ་ཁག་གཅིག་གི་འགྲིམ་འགྲུལ་གནས་སྐབས་བཀག་སྡོམ་བྱས་པ་རེད། ད་ལྟའི་བར་དུ། མི2000ལྷག་ཙམ་ཉེན་ཁའི་ས་ཁོངས་ནས་ཕྱིར་འཐེན་བྱས་པ་རེད།