ཨ་རིའི་མངའ་སྡེ24ཡིས་ཁྲོམ་ཕུ་སྲིད་གཞུང་ཞུ་གཏུག་བྱས་པ།

སྒྲིག་སྒྱུར། ཀླུ་མོ་མཚོ།  ཡོང་ཁུངས། ཀྲུང་གོ་གསར་འགྱུར་དྲ་བ།   བཤེར་འབེབས། རིན་ཆེན་ཚེ་རིང་།

ཀྲུང་གོ་གསར་འགྱུར་དྲ་བའི་ཟླ3ཚེས6ཉིན་གྱི་གློག་འཕྲིན་ལྟར་ན། ཨ་རིའི་ཁོ་ལོམ་པི་ཡའི་རླུང་འཕྲིན་སྤྱི་གཉེར(CBS) གྱིས་གནས་ཚུལ་སྤེལ་བར་གཞིགས་ན། ས་གནས་དེ་གའི་དུས་ཚོད་ཚེས5ཉིན་ཨ་རིའི་མངས་སྡེ24ཡིས་ཁྲོམ་ཕུ་སྲིད་གཞུང་ཞུ་གཏུག་བྱས་ནས། ཨ་རིའི་ཙུང་ཐུང་ཁྲོམ་ཕུས་ཆེས་མཐོའི་ཁྲིམས་ཁང་དུ2025ལོར་བཏོན་པའི་ཛ་དྲག་ནང་འདྲེན་སྒོ་ཁྲལ་རྩིས་མེད་དུ་བཏང་རྗེས་དབང་ཚད་ལས་བརྒལ་ནས་གོ་ལ་ཧྲིལ་པོའི་སྒོ་ཁྲལ་གསར་པ་ལག་བསྟར་བྱས་ཡོད་པར་ཉེས་འཛུགས་བྱས།

དཔྱད་གཞིའི་པར་རིས། ཁྲོམ་ཕུ།

གནས་ཚུལ་སྤེལ་བར་གཞིགས་ན། མངའ་སྡེའི་ཞིབ་དཔྱོད་དཔོན་དང་མངའ་སྡེའི་དཔོན་གྱིས་མནའ་འབྲེལ་གྱིས་བཏོན་པའི་གཏུག་བཤེར་དེ་ཁྲོམ་ཕུ་སྲིད་གཞུང་གིས་ཉེ་ཆར1974ལོའི《ཚོང་དོན་བཅའ་ཁྲིམས》ཀྱི་དོན་ཚན122གཞིར་བཟུང་ལག་བསྟར་བྱས་པའི་སྒོ་ཁྲལ10%ལ་དམིགས་པ་རེད། ཁྲོམ་ཕུས་རྗེས་སུ་སྒོ་ཁྲལ་དེ15%བར་མཐོ་རུ་གཏོང་རྒྱུ་ཡིན་ཞེས་བཤད་ཅིང་། མངའ་སྡེ་ཁག་གིས་སྒོ་ཁྲལ་དེ་དག་རྩ་ཁྲིམས་ལས་འགལ་བར་ངོས་འཛིན་བྱེད་ཀྱི་ཡོད།

2026ལོའི་ཟླ2པར། ཆེས་མཐོའི་ཁྲིམས་ཁང་གིས6བསྡུར3གྱི་ཁྲུན་གཅོད་ཐོག་ནས་ཁྲོམ་ཕུར1977ལོའི《རྒྱལ་སྤྱིའི་ཛ་དྲག་དཔལ་འབྱོར་དབང་ཆའི་བཅའ་ཁྲིམས》གཞིར་བཟུང་སྒོ་ཁྲལ་བསྡུ་བའི་དབང་ཆ་མེད་པ་ཐག་བཅད།

མངའ་སྡེ་ཁག་གིས་གཏུག་བཤེར་ཁྲོད་ཁྲོམ་ཕུས་སླར་ཡང་རང་ཉིད་ལ་མེད་པའི་སྒོ་ཁྲལ་གྱི་དབང་ཆ་སྤྱད་དེ་རྩ་ཁྲིམས་ཀྱི་སྒྲིག་ལམ་རྩ་སློག་བཏང་ནས་གོ་ལ་ཧྲིལ་པོའི་དཔལ་འབྱོར་ལ་ཟིང་ཆ་བཟོས་ཡོད་ཅེས་བཤད་ཡོད།