མཚོ་བྱང་ཁུལ་མི་དམངས་སྲིད་གཞུང་དང་མཚོ་སྔོན་ཞིང་ཆེན་གྱི་ཞིང་ཆེན་ཐད་གཏོགས་ལས་ཁུངས་ལས་དོན་དོ་དམ་ཅུ་གཉིས་ཀྱིས་འཐབ་ཇུས་མཉམ་ལས་སྒྲོམ་གཞིའི་གྲོས་མཐུན་ལ་མིང་རྟགས་བཀོད་པ།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། ཁུལ་ཐད་གཏོགས་ལས་ཁུངས་ལས་དོན་དོ་དམ་ཅུ།  བཤེར་འབེབས། རིན་ཆེན་ཚེ་རིང་། 

ཟླ7ཚེས7ཉིན། མཚོ་བྱང་ཁུལ་མི་དམངས་སྲིད་གཞུང་དང་མཚོ་སྔོན་ཞིང་ཆེན་གྱི་ཞིང་ཆེན་ཐད་གཏོགས་ལས་ཁུངས་ལས་དོན་དོ་དམ་ཅུ་གཉིས་ཀྱིས་འཐབ་ཇུས་མཉམ་ལས་སྒྲོམ་གཞིའི་གྲོས་མཐུན་ལ་མིང་རྟགས་འགོད་པའི་མཛད་སྒོ་རྡུལ་ཕྲན་གྲོང་དྲན་གསོ་ཁང་དུ་འཚོགས། ཞིང་ཆེན་སྲིད་གཞུང་གཞུང་དོན་ཐིང་གི་རིམ་པ་གཉིས་པའི་སྐོར་ཞིབ་པ་དང་། ཞིང་ཆེན་ཐད་གཏོགས་ལས་ཁུངས་ཀྱི་ལས་དོན་དོ་དམ་ཅུའི་ཏང་ཨུའི་ཧྲུའུ་ཅི་གཞོན་པའམ་སྒྲིག་ཨུའི་ཧྲུའུ་ཅི་དབྱང་ཅི་ལིན། མཚོ་བྱང་ཁུལ་མི་དམངས་སྲིད་གཞུང་གི་ཁུལ་དཔོན་གཞོན་པ་ཚོ་ཅི་ཆང་བཅས་གན་རྒྱ་འཇོག་པའི་མཛད་སྒོར་ཞུགས་ཏེ་ཤིས་ཚིག་ཕུལ། མཚོ་བྱང་ཁུལ་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་གཞོན་པ་ལི་ཞུས་ཀྲེན་ཚོགས་འདུར་ཞུགས།

ཚོ་ཅི་ཆང་གིས་ཁུལ་ཨུ་དང་ཁུལ་སྲིད་གཞུང་གི་ཚབ་བྱས་ཏེ། ཞིང་ཆེན་ཐད་གཏོགས་ལས་ཁུངས་ཀྱི་ལས་དོན་དོ་དམ་ཅུ་ཡིས་དུས་ཡུན་རིང་པོའི་ནང་མཚོ་བྱང་ལ་དོ་ཁུར་དང་རྒྱབ་སྐྱོར་གནང་བར་ཐུགས་རྗེ་ཆེ་ཞུས། ཁོང་གིས་མཚོ་བྱང་ཁུལ་གྱི་གསར་བརྗེའི་ཐོན་ཁུངས་ཀྱི་དགེ་མཚན་ཆེ་བ་དང་། མི་ཆོས་ལོ་རྒྱུས་གཏིང་ཟབ་པས་འཕེལ་རྒྱས་ཀྱི་བར་སྟོང་ཤིན་ཏུ་ཡངས། ད་ཐེངས་ཀྱི་འཐབ་ཇུས་མཉམ་ལས་ཀྱི་སྒྲོམ་གཞིའི་གྲོས་མཐུན་ལ་མིང་རྟགས་བཀོད་པ་དེས་ཕྱོགས་གཉིས་ལ་ཕན་པ་དང་། ཐུན་མོང་དུ་འཕེལ་རྒྱས་འགྲོ་བའི་ལེའུ་གསར་པ་ཞིག་གི་མགོ་བརྩམས་པ་མ་ཟད། མཚོ་བྱང་གི་ལས་ཁུངས་དོ་དམ་ལས་དོན་གྱི་ལེའུ་གསར་པ་ཞིག་གི་མགོ་ཡང་བརྩམས། ཕྱོགས་གཉིས་ཀས་ད་ཐེངས་ཀྱི་གྲོས་མཐུན་གྱི་གོ་སྐབས་དམ་འཛིན་བྱས་ཏེ། ཕྱོགས་ཡོངས་ཀྱི་འཐབ་ཇུས་མཉམ་ལས་ཀྱི་འབྲེལ་བ་དམ་ཟབ་འཛུགས་པ་དང་། མཉམ་ལས་ཀྱི་རྒྱ་ཇེ་ཆེ་དང་གཏིང་ཇེ་ཟབ་ཏུ་བཏང་སྟེ།  མཚོ་བྱང་གི་ལས་ཁུངས་དོ་དམ་གྱི་བྱ་གཞག་དེ་གོམ་སྟབས་གསར་པ་ཞིག་ཏུ་སྤོ་རྒྱུར་སྐུལ་འདེད་གཏོང་རྒྱུའི་རེ་བ་ཡོད་ཅེས་གསུངས།

དབྱང་ཅི་ལིན་གྱིས་བསྟན་དོན། འཐབ་ཇུས་མཉམ་ལས་ཀྱི་སྒྲོམ་གཞིའི་གྲོས་མཐུན་ལ་མིང་རྟགས་བཀོད་པ་ནི་མཚོ་བྱང་ཁུལ་གྱི་རིམ་པ་ཁག་གི་མགོ་ཁྲིད་ཀྱི་ཡིད་ཆེས་དང་རྒྱབ་སྐྱོར། མཚོ་བྱང་ཁུལ་གྱི་རིགས་སོ་སོའི་མི་དམངས་མང་ཚོགས་ཀྱི་རེ་སྒུག་དང་། ཞིང་ཆེན་དང་ཁུལ་རིམ་པ་གཉིས་ཀྱི་ལས་ཁུངས་ལས་དོན་ཅུ་ཡི་གཞོགས་འདེགས་དང་སྐུལ་འདེད་ལས་བྱུང་བ་རེད། མཉམ་ལས་སྒྲོམ་གཞིའི་གྲོས་མཐུན་གྱིས“སྤྱི་ཡོངས”སྟངས་འཛིན་བྱས་ཡོད་པ་དང་། མིང་རྟགས་བཀོད་པ་ནི“བདེན་དོན”ཡིན་ལ། ཇུས་འགོད་བྱས་པ་ནི“ཇུས་ཆེན”ཡིན་ཞིང་། སྐུལ་འདེད་བཏང་བ་ནི“དོན་ཆེན”ཡིན། ཞིང་ཆེན་ཐད་གཏོགས་ལས་ཁུངས་ཀྱི་ལས་དོན་དོ་དམ་ཅུ་ཡིས་ལས་ཁུངས་ཀྱི་ལས་དོན་འགན་ནུས་འདོན་སྤེལ་གང་ལེགས་བྱས་ཏེ། ནུས་རྒྱུ་གྲོན་ཆུང་དོ་དམ་དང་། གཞུང་འཁོར་དོ་དམ། གཞུང་གཏོགས་ཁང་པའི་དོ་དམ། ཤེས་ལྡན་མི་སྣའི་དཔུང་ཁག་འཛུགས་སྐྱོང་སོགས་ཀྱི་ཐད་དུ་ལག་རྩལ་གྱི་རྒྱབ་སྐྱོར་དང་། སྲིད་ཇུས་ཀྱི་མཛུབ་ཁྲིད་བྱས་ཏེ་མཚོ་བྱང་གིས་སྐྱེ་ཁམས་ཀྱི་“མཐོ་ས”དང་། ཐོན་ལས་ཀྱི་“གནས་བཞི”འཛུགས་པར་སྐུལ་འདེད་བཏང་སྟེ།  ཀྲུང་གོའི་རྣམ་པ་ཅན་དང་དེང་རབས་རྣམ་པ་ཅན་གྱི་མཚོ་སྔོན་གྱི་ལེའུ་གསར་པ་ཞིག་འཛུགས་པར་ཧུར་ཐག་གིས་འབད་པ་བྱེད་དགོས།

མིང་རྟགས་འགོད་པའི་མཛད་སྒོའི་ཐོག་ཚོ་ཅི་ཆང་དང་དབྱང་ཅི་ལིན་གཉིས་ཀྱིས《ལས་ཁུངས་ལས་དོན་གྱི་འཐབ་ཇུས་མཉམ་ལས་སྒྲོམ་གཞིའི་གྲོས་མཐུན》ལ་ཐུན་མོང་གིས་མིང་རྟགས་བཀོད་པ་དང་། མཚོ་སྔོན་ཞིང་ཆེན་གྱི་ཞིང་ཆེན་ཐད་གཏོགས་ལས་ཁུངས་ཀྱི་ལས་དོན་དོ་དམ་ཅུའི“རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞིའི”སྒོ་བྱང་བཀལ། ཞིང་ཆེན་ཐད་གཏོགས་ལས་ཁུངས་ལས་དོན་དོ་དམ་ཅུའི་འབྲེལ་ཡོད་འགན་འཁུར་བློ་མཐུན་དང་། མཚོ་བྱང་ཁུལ་སྲིད་གཞུང་དང་ཁུལ་སྲིད་གྲོས་ཀྱི་འབྲེལ་ཡོད་དྲུང་ཆེན་གཞོན་པ། ཁུལ་སྲིད་གཞུང་གི་སྡེ་ཚན་ཁག་གི་འགན་འཁུར་བློ་མཐུན་བཅས་མིང་རྟགས་འགོད་པའི་མཛད་སྒོར་ཞུགས།