མཚོ་སྔོན་ཞིང་ཆེན་གྱིས་དགེ་རྒན2717བསྡུ་རྒྱུ་རེད།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར།  བཤེར་འབེབས། རིན་ཆེན་ཚེ་རིང་།

2024ལོའི་ཞིང་ཆེན་ཡོངས་ཀྱི་དོན་ལས་ལས་ཁུངས་ཀྱི་མི་སྣ་ལས་བསྡུའི་བྱ་བའི་ཇུས་གཞི་གཞིར་བཟུང་། ད་ལོ་མཚོ་སྔོན་ཞིང་ཆེན་གྱི་སློབ་གྲྭ་ཆུང་འབྲིང(དམིགས་བསལ་སློབ་གསོའི་སློབ་གྲྭ་དང་བྱིས་སྙོར་ཁང་བསྡུ）གིས་སྤྱི་ཚོགས་ཡོངས་ལ་ཁ་ཕྱོགས་ཡོངས་བསྒྲགས་ངང་དགེ་རྒན་བསྡུ་བའི་འཆར་གཞི་གཏན་འཁེལ་བྱས་ཟིན་ལ། ཁྱོན་དགེ་རྒན2717བསྡུ་རྒྱུ་རེད།
      དྲ་ཐོག་མིང་ཐོ་འགོད་པའི་ཆུ་ཚོད། 2024ལོའི་ཟླ3པའི་ཚེས27ཉིན་གྱི་ཆུ་ཚོད9ནས2024ལོའི་ཟླ3པའི་ཚེས31ཉིན་གྱི་ཆུ་ཚོད18བར།

དྲ་ཐོག་ཆ་འཕྲིན་བཟོ་བཅོས་རྒྱག་པའི་ཆུ་ཚོད། 2024ལོའི་ཟླ3པའི་ཚེས27ཉིན་གྱི་ཆུ་ཚོད9ནས2024ལོའི་ཟླ4པའི་ཚེས1ཉིན་གྱི་ཆུ་ཚོད12བར།

དྲ་ཐོག་བཤེར་འབེབས་ཆུ་ཚོད། 2024ལོའི་ཟླ3པའི་ཚེས27ཉིན་གྱི་ཆུ་ཚོད9ནས2024ལོའི་ཟླ4པའི་ཚེས1ཉིན་གྱི་ཆུ་ཚོད18བར།

དྲ་ཐོག་སྒོར་མོ་སྤྲོད་པའི་ཆུ་ཚོད། 2024ལོའི་ཟླ3པའི་ཚེས27ཉིན་གྱི་ཆུ་ཚོད9ནས2024ལོའི་ཟླ4པའི་ཚེས1ཉིན་གྱི་ཆུ་ཚོད23དང་སྐར་མ30བར།

དྲ་ཐོག་སྙོམ་སྒྲིག་ཆུ་ཚོད། 2024ལོའི་ཟླ4པའི་ཚེས2ཉིན་གྱི་ཆུ་ཚོད9ནས་ཆུ་ཚོད18བར། 

རྒྱུགས་ལེན་དཔང་ཡིག་དཔར་པའི་ཆུ་ཚོད། 2024ལོའི་ཟླ4པའི་ཚེས15ཉིན་གྱི་ཆུ་ཚོད9ནས2024ལོའི་ཟླ4པའི་ཚེས20ཉིན་བར།ཡིག་རྒྱུགས་ལེན་པའི་ཆུ་ཚོད། 2024ལོའི་ཟླ4པའི་ཚེས20ཉིན་ལེན་རྩིས་ཡོད།

ཡིག་རྒྱུགས་སྐར་འབྲས་སྒྲོག་པའི་ཆུ་ཚོད། 2024ལོའི་ཟླ5པའི་ཚེས10ཉིན་གྱི་སྔོན་སྒྲོག་རྩིས་འདུག