པའེ་ཏེང་གིས་ཨ་རིའི་ཙུང་ཐུང་འདེམས་བསྐོ་ལས་ཕྱིར་འཐེན་བྱ་རྒྱུའི་ཁྱབ་བསྒྲགས་བྱས།

སྒྲིག་སྒྱུར།   སངས་དོན།    ཡོང་ཁུངས།  ཀྲུང་གོ་གསར་འགྱུར་དྲ་བ།     བཤེར་འབེབས།   རིན་ཆེན་ཚེ་རིང་།

ས་གནས་དེ་གའི་དུས་ཚོད་ཟླ7པའི་ཚེས21ཉིན་ཨ་རིའི་ཙུང་ཐུང་པའེ་ཏེང་གིས2024ལོའི་ཙུང་ཐུང་འདེམས་བསྐོ་ཆེ་མོ་ནས་ཕྱིར་འཐེན་བྱ་རྒྱུའི་ཁྱབ་བསྒྲགས་བྱས་པ་རེད། 

པའེ་ཏེང་གིས་དེ་ཉིན་རང་ཉིད་ཀྱི་སྤྱི་ཚོགས་འབྲེལ་འདྲིས་སྨྱན་སྦྱོར་གྱི་འཕྲིན་ཡིག་ཅིག་གི་ནང་བསྟན་དོན། ཁོར་མ་གཞི་ཡང་བསྐྱར་ཙུང་ཐུང་གི་འགན་ཁུར་བའི་བསམ་ཚུལ་ཡོད། འོན་ཀྱང་།　དམངས་གཙོ་ཏང་དང་ཨ་རིའི་ཁེ་ཕན་གྱི་ཆེད་དུ་ཁོང་གིས་ཙུང་ཐུང་འདེམས་བསྐོའི་འགྲན་བསྡུར་ལས་ཕྱིར་འཐེན་བྱ་རྒྱུའི་ཐག་བཅད་པ་དང་འབྲེལ་ཁོང་གི་འགན་འཁུར་ཡུན་ནང་གི་ཙུང་ཐུང་གི་འགན་འཁྲི་ལེགས་སྒྲུབ་བྱ་རྒྱུར་བློ་རྩེ་གཅིག་ཏུ་གཞོལ་རྒྱུ་ཡིན་ཞེས་འཁོད་ཡོད་པ་རེད། པའེ་ཏེང་གིས་བཤད་རྒྱུར། ཁོས་གཟའ་འཁོར་འདིའི་ཕྱི་ཙམ་དུ་རྒྱལ་ཡོངས་ལ་ཁོའི་ཐག་གཅོད་འདི་གསལ་བཤད་ཞིབ་ཕྲ་བྱ་རྒྱུ་ཡིན་ཟེར། 

འདེམས་བསྐོ་ཕྱིར་འཐེན་བྱ་རྒྱུའི་ཁྱབ་བསྒྲགས་བྱས་རྗེས། པའེ་ཏེང་གིས་ཨ་རིའི་ཙུང་ཐུང་གཞོན་པ་ཧ་ལི་སིར་དམངས་གཙོ་ཏང་གི་ཙུང་ཐུང་འོས་མིའི་མིང་འདོན་ཐོབ་རྒྱུར་ནུས་ཤུགས་ཡོད་རྒུས་རྒྱབ་སྐྱོར་དང་ཁས་ལེན་བྱ་རྒྱུ་ཡིན་ཞེས་བཤད་པ་རེད།