མདའ་བཞི་རྫོང་གིས་རྒྱལ་ཁབ་ལོ་རྒྱུས་རིག་གནས་གྲགས་ཅན་གྱི་མཁར་གྲོང་གསར་འཛུགས་བྱས་པ།

རྩོམ་སྒྲིག  སངས་དོན།   ཡོང་ཁུངས།  མདའ་བཞི་རྫོང་མི་རིགས་སྐད་ཡིག་ལས་དོན་ལྟེ་གནས།    བཤེར་འབེབས།   རིན་ཆེན་ཚེ་རིང་།

མདའ་བཞི་རྫོང་ནི་ཀྲུང་གོའི་ཐོག་དང་པོའི་རྡུལ་ཕྲན་མཚོན་ཆ་ཞིབ་བཟོ་བྱས་པའི་གནས་གཞི་ཡིན་ལ། ཀྲུང་གོའི“རྡུལ་ཕྲན་མཁར”ཞེས་པའི་མཚན་སྙན་ཡོད་པ་མ་ཟད། “འབར་མདེའུ་གཉིས་དང་སྲུང་སྐར་གཅིག”གི་སྙིང་སྟོབས་འབྱུང་ཡུལ་ཡིན། ཉེ་བའི་ལས་ཤས་རིང་། མདའ་བཞི་རྫོང་གིས་རྒྱལ་ཁབ་ལོ་རྒྱུས་རིག་གནས་ཀྱི་ཁྱད་ཆོས་ལྡན་པའི་མཁར་གྲོང་འཛུགས་བསྐྲུན་བྱེད་པའི་ལམ་ཁ་རུ་གྲུབ་འབྲས་གཡུར་ཏུ་ཟ་བ་བླངས་ཡོད། 

མདའ་བཞི་རྫོང་དུ“221”རྟེན་གཞིའི་གནས་རྙིང་མང་པོ་ཡོད་པ་དང་། དེ་དག་རྒྱལ་ཡོངས་ཀྱི་གཙོ་གནད་རིག་དངོས་སྲུང་སྐྱོང་སྡེ་ཚན་གྱི་ཁྱབ་ཁོངས་སུ་བཅུག་ཡོད། དེར་ཡན་ལག་བཟོ་གྲྭ་དང་པོ་དང་གཉིས་པ། གསུམ་པ། བཟོ་གྲྭ་བཞི་པ། འགད་གཏོར་ཚོད་ལྟའི་ར（ཡན་ལག་བཟོ་གྲྭ་དྲུག་པ། ཡན་ལག་བཟོ་གྲྭ་བདུན་པ། 221བཟོ་གྲྭའི་སྤྱི་ཁྱབ་བཀོད་འདོམས་པུ། དྲན་གསོའི་རྡོ་རིང་སོགས་གནས་རྙིང22འདུས་ཡོད། གཏིང་ཟབ་པའི་གསར་བརྗེའི་རིག་གནས་ཀྱི་རྨང་གཞི་དང་ཕུན་སུམ་ཚོགས་པའི་ཤུལ་བཞག་རིག་དངོས་ཡོད་པས། རྒྱལ་ཡོངས་ཀྱི་གསར་བརྗེའི་སློབ་གསོ་རྟེན་གཞི་གལ་ཆེན་དང་མིང་དུ་གྲགས་པའི་གནས་སྐོར་ཡུལ་གྲུ་ཞིག་ཏུ་གྱུར་ཡོད། 2021ལོ་ནས་བཟུང་། མདའ་བཞི་རྫོང་གིས་ཁྱད་ཆོས་ལྡན་པའི་མཁར་གྲོང་གསར་འཛུགས་ཀྱི་ལས་དོན་ཧུར་ཐག་གིས་བསྒྲུབས་ནས་སྐོར་ཁག་དང་པོའི་ཞིང་ཆེན་རིམ་པའི་ལོ་རྒྱུས་རིག་གནས་ཁྲོམ་སྲང་ཞུ་འབུལ་ལེགས་འགྲུབ་བྱུང་བ་དང་། 2023ལོར། ཞིང་ཆེན་རིམ་པའི་ལོ་རྒྱུས་རིག་གནས་ཀྱི་མཁར་གྲོང་གསར་འཛུགས་ལེགས་འགྲུབ་བྱུང་པ་མ་ཟད། 2024ལོའི་ཟླ3པར་རྒྱལ་ཁབ་རིམ་པའི་ལོ་རྒྱུས་རིག་གནས་གྲགས་ཅན་མཁར་གྲོང་གསར་འཛུགས་བྱེད་མགོ་བརྩམས། 

མཁར་གྲོང་གསར་འཛུགས་ལས་དོན་ལ་སྐུལ་འདེད་གཏོང་ཆེད། མདའ་བཞི་རྫོང་གིས་མཐོ་རིམ་ཇུས་འགོད་ལ་ཤུགས་སྣོན་རྒྱག་པ་སོགས་ཀྱི་བྱེད་ཐབས་ནུས་ལྡན་རབ་དང་རིམ་པ་སྤྱད་དེ། སྤྱི་ཆིང6.5ཡོད་པའི་ལོ་རྒྱུས་རིག་གནས་སྲུང་སྐྱོང་ཁྲོམ་སྲང་ཁུལ་གཏན་འབེབས་བྱས་ཏེ། རིག་དངོས་སྲུང་སྐྱོབ་ཀྱི་བྱ་བ་ལེགས་པར་བསྒྲུབས།  སྔ་རྗེས་སུ་ཁྱོན་སྡོམ་མ་དངུལ་སྒོར་དུང་ཕྱུར9.67བཏང་ནས་ཡན་ལག་བཟོ་གྲྭ་གཉིས་པ་དང་གསུམ་པ། འགད་གཏོར་ཚོད་ལྟ་བྱེད་གནས། མདེལ་འཇོག་ས་ཚིགས། བཟོ་གྲྭ་བཞི་པ། ས་འོག་བཀོད་འདོམས་ལྟེ་གནས་སོགས་རིག་དངོས་སྲུང་སྐྱོང་སྡེ་ཚན་གལ་ཆེན་ཉམས་གསོ་བྱས་ཤིང་། ནུས་ཤུགས་ཡོད་ཚད་ཀྱིས་དེ་སྔའི་བཟོ་སྐྲུན་གྱི་བཀོད་པ་དང་ལོ་རྒྱུས་ཀྱི་རྣམ་པ་སླར་གསོ་གང་ཐུབ་བྱས་ནས་གསར་སྐྲུན་ལས་དོན་ལ་རྨང་གཞི་བརྟན་པོ་བཏིང་། གསར་བརྗེའི་གནས་སྐོར་བྱ་བར་སྐུལ་འདེད་གཏོང་ཆེད་མ་དངུལ་སྒོར་དུང་ཕྱུར4.4བཏང་ནས་རིག་གནས་གནས་སྐོར་ལས་གཞི33ལག་བསྟར་བྱས་པ་དང་། རྫོང་རིམ་པའི་མ་དངུལ་སྒོར་ཁྲི1840གཅིག་སྡུད་བྱས་ཏེ། གསེར་དངུལ་ཐང་དང་རྡུལ་ཕྲན་མཁར་མཛེས་ལྗོངས་ཁུལ་གྱི་རྨང་གཞིའི་སྒྲིག་བཀོད་སྒྱུར་བཀོད་ལེགས་པོ་བྱས། མཚོ་སྔོན་པོ་དང་རྡུལ་ཕྲན་མཁར། གསེར་དངུལ་ཐང་། སྨོན་ལམ་མཐོན་པོ་སོགས་དགེ་མཚན་ལྡན་པའི་མཛེས་ལྗོངས་ཁུལ་དང་སྤུས་རྟགས་ཀྱི་ཕན་འབྲས་བེད་སྤྱོད་གང་ལེགས་བྱས་ཏེ། རྟེན་གཞིའི་གནས་རྙིང་གི་ཡན་ལག་བཟོ་གྲྭ་དང་པོ་དང་མདེལ་འཇོག་ས་ཚིགས།  དྲན་གསོ་རྡོ་རིང་། མཁའ་དམག་གི་སྲུང་གནས་བཅས་གསར་བརྗེའི་ཞིབ་འཇུག་སློབ་སྦྱོང་བྱེད་གནས31བཏོན་པ་དང་། ད་ལྟའི་བར་དུ་རྫོང་ཡོངས་ཀྱིས་གནས་སྐོར་བ་མི་ཐེངས་ཁྲི42.6སྣེ་ལེན་ཞུས་པ་དང་། དེ་ལོ་གོང་མའི་དུས་མཉམ་དང་བསྡུར་ན22.4%འཕར་ཡོད། གནས་སྐོར་ཕྱོགས་བསྡུས་ཡོང་འབབ་སྒོར་དུང་ཕྱུར1.3ཡིན་པ་དང་། ལོ་གོང་མའི་དུས་མཉམ་དང་བསྡུར་ན17.6% འཕར་ཡོད།