མཚོ་བྱང་གི་དབུལ་ཐར་མི་གྲངས9161གིས་ངལ་རྩོལ་ལས་ཞུགས་མངོན་འགྱུར་བྱུང་།

རྩོམ་སྒྲིག སངས་རྒྱས་སྐྱིད། ཡོང་ཁུངས། ཀྲུང་གོ་བོད་ཀྱི་དྲ་བ། བཤེར་འབེབས། རིན་ཆེན་ཚེ་རིང་།

སྔར་ལས་ལྷག་པའི་སྒོ་ནས་དབུལ་ཐར་མཁྲེགས་གཏོར་གྲུབ་འབྲས་དེ་གྲོང་གསེབ་དར་སྤེལ་དང་ཕན་ནུས་ལྡན་པའི་སྦྲེལ་མཐུད་སྲ་བརྟན་རྒྱ་བསྐྱེད་གཏོང་ཆེད། མཚོ་བྱང་ཁུལ་གྱིས་རྣམ་པ་མང་པོ་དང་། བྱེད་ཐབས་སྣ་མང་སྤྱད་དེ་དབུལ་ཐར་མང་ཚོགས་ཀྱི་ལས་ཞུགས་ལ་སྐུལ་འདེད་བཏང་། ད་ལོའི་རིང་ལ། གྲོང་གསེབ་དར་སྤེལ་སྡེ་ཁག་དང་མཉམ་འབྲེལ་སྒོས་ཁུལ་ཡོངས་ཀྱི་ལས་ཞུགས་རོགས་སྐྱོར་འཁོར་ཁང58དུ་ལས་ཞུགས་མི་སྣ1317བསྡུ་ལེན་བྱས་པ་དང་། འཕེལ་རྒྱས་བཅོས་བསྒྱུར་སྡེ་ཁག་དང་མཐུན་འགྲིག་སྒོས་སྲིད་གཞུང་གི་རོགས་སྐྱོར་སྲིད་ཇུས་ལས་གཞི1ལག་བསྟར་བྱས་ནས། ས་གནས་ངལ་རྩོལ་ནུས་ཤུགས་མི31བསྡུ་ལེན་བྱས་པ་དང་། ངལ་རྩོལ་གླ་ཆ་སྒོར་ཁྲི12.4བྱིན་ཞིང་། མཚོ་བྱང་ཁུལ་གྱིས་བདེ་བླག་ངང་དབུལ་ཐར་མི་གྲངས9161གི་ལས་ཞུགས་མངོན་འགྱུར་བྱུང་།

མཚོ་བྱང་ཁུལ་གྱིས་རྫོང་སོ་སོའི་ས་ཁོངས་ཁྱད་ཆོས་དང་མང་ཚོགས་ཀྱི་ཁྱད་ཆོས་ཟུང་འབྲེལ་སྒོས། ཁྱད་ལྡན་ཅན་གྱི་གསོ་སྦྱོང་གི་རྣམ་པ་ལ་སྐུལ་འདེད་བཏང་བ་དང་། “མང་ཚོགས་ཀྱིས་ཐོ་འགོད་དང་སྡེ་ཁག་གིས་ཐོ་འགོད་དང་ལེན”བྱེད་པའི་རྩལ་ནུས་གསོ་སྦྱོང་སྐུལ་འདེད་བཏང་བ་དང་། གསོ་སྦྱོང་གཟའ་འཁོར་ཐུང་བ། སློབ་པ་དང་ཤེས་སླ་བ། དབུལ་ཐར་ཡོང་སྒོ་བཙལ་མགྱོགས་པའི་གསོ་སྦྱོང་རྣམ་གྲངས་ལག་བསྟར་བྱས་པ་དང་། “སྲིད་གཞུང་གི་ཉོ་སྒྲུབ་དང་། མང་ཚོགས་ཀྱིས་ཐོ་འགོད། དགོས་མཁོ་ལྟར་གསོ་སྦྱོང་སྒྲུབ་པ། རྩལ་གཅིག་གསོ་སྦྱོང་གཅིག”གི་རྣམ་པས། “གསོ་སྦྱོང་མི་གཅིག་དང་། ལས་ཞུགས་མི་གཅིག དུད་ཁྱིམ་གཅིག་གཏན་འཇགས”ཀྱི་གསོ་སྦྱོང་རྣམ་པ་འཁོར་རྒྱུག་བྱས། ད་ལྟའི་བར་དུ། མཚོ་བྱང་ཁུལ་གྱིས་དབུལ་ཐར་ངལ་རྩོལ་ནུས་ཤུགས་མི་ཐེངས1060ལ་ཆེད་ལས་རྩལ་ནུས་གསོ་སྦྱོང་བྱས།

དྲ་ཐོག་ནས་རེ་ཞུ་ཞིབ་བཤེར་ཆོག་མཆན་དང་། ཡུལ་དངོས་དང་གནས་ཚད་ཡོངས་ནས་ལས་སྒྲུབ་དང་ལེན་གྱི་རྣམ་པ་ཟུང་འབྲེལ་སྒོས། ལས་སྒྲུབ་གོ་རིམ་ཇེ་ལེགས་སུ་བཏང་བ་དང་། ཞིང་ཆེན་བརྒལ་བའི་ལས་ཞུགས་ཀྱི་ཐེངས་གཅིག་རང་བཞིན་གྱི་འགྲིམ་འགྲུལ་ཁ་གསབ་སྲིད་ཇུས་དོན་འཁྱོལ་བྱས། ད་ལྟའི་བར་དུ། མཚོ་བྱང་ཁུལ་གྱིས་ཞིང་ཆེན་བརྒལ་བའི་ལས་ཞུགས་ལས་སྐྲུན་པ1034ལ་ཟླ3རིང་གི་དབུལ་ཐར་མི་གྲངས་ཀྱི་ཐེངས་གཅིག་རང་བཞིན་གྱི་འགྲིམ་འགྲུལ་ཁ་གསབ་སྒོར་ཁྲི103.4བྱིན། ཞིང་ཆེན་ནང་ཁུལ་གྱི་ངལ་རྩོལ་ཁ་གསབ་སྲིད་ཇུས་ལག་བསྟར་བྱས་ཏེ། འཇུ་ལག་ནས་ཡིན་པའི་དབུལ་ཐར་ངལ་རྩོལ་བ1124ལ་ངལ་རྩོལ་ཁ་གསབ་སྒོར་ཁྲི110.62བྱིན། དུས་མཚུངས་སུ། སྤྱི་ཕན་རང་བཞིན་གྱི་ལས་གནས་དཀའ་ཁག་ཡོད་པའི་དབུལ་ཐར་ངལ་རྩོལ་བའི་འགན་སྲུང་གསར་སྤེལ་བྱས་ཤིང་། ད་ལོའི་རིང་ལ། ནགས་རྩྭ་དང་ཞིང་ཕྱུགས་སོགས་སྡེ་ཁག་གིས་དབུལ་ཐར་མི་གྲངས་ཀྱི་སྡེ་བ་རིམ་པའི་སྤྱི་ཕན་ལས་གནས3511གཅིག་གྱུར་གསར་སྤེལ་བྱས།