2024ལོའི་ཀྲུང་གོའི་སློབ་ཆེན་སློབ་མའི་རྩིས་འཕྲུལ་འགྲན་རྩོད་འགྲན་སྡུར་མཚོ་སྔོན་མི་རིགས་སློབ་ཆེན་དུ་སྤེལ་མགོ་བརྩམས།

2024-08-06 10:37:18 | 500

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས། བཤེར་འབེབས། རིན་ཆེན་ཚེ་རིང་།

ཉེ་ཆར། 2024ལོའི་ཀྲུང་གོའི་སློབ་ཆེན་སློབ་མའི་རྩིས་འཕྲུལ་འགྲན་རྩོད་འགྲན་སྡུར་དང་ཀྲུང་གོའི་རྩིས་འཕྲུལ་འགྲན་རྩོད་གཟེངས་རྟགས་འགྲན་སྡུར་སྐབས་བཅོ་བརྒྱད་པ་མཚོ་སྔོན་མི་རིགས་སློབ་ཆེན་དུ་སྤེལ་མགོ་བརྩམས།

图片1.png

འགྲན་སྡུར་འདི་ནི་ཀྲུང་གོའི་མིས་བཟོས་རིག་ནུས་སློབ་ཚོགས་ཀྱིས་གཙོ་སྒྲུབ་དང་། མཚོ་སྔོན་མི་རིགས་སློབ་ཆེན་དང་ཁྲུང་ཆིང་རང་བྱུང་བཟོ་སྐྲུན་རིག་པའི་སློབ་ཆེན་གཉིས་ཀྱིས་འགན་སྒྲུབ། ཀྲུང་གོའི་མིས་བཟོས་རིག་ནུས་སློབ་ཚོགས་ཀྱི་འཕྲུལ་ཆས་འགྲན་རྩོད་ཆེད་ལས་ཨུ་ཡོན་ལྷན་ཚོགས་ཀྱིས་རོགས་སྒྲུབ་བཅས་བྱས་པ་ཡིན་ལ། འགྲན་སྡུར་གྱི་བརྗོད་དོན་གཙོ་བོ་ནི་སློབ་ཆེན་སློབ་མའི་སློབ་སྦྱོང་དང་ཞིབ་འཇུག་གི་སྤྲོ་སེམས་ཡར་སྐྱེད་དང་། སློབ་ཆེན་སློབ་མའི་རྩིས་འཕྲུལ་འགྲན་རྩོད་ཀྱི་ཆུ་ཚད་མཐོར་འདེགས། མིས་བཟོས་རིག་ནུས་ཀྱི་དངོས་འཐབ་རྩལ་ནུས་གསོ་སྐྱོང་། བག་ལ་ཉལ་བའི་གསར་གཏོད་ཀྱི་ནུས་པ་སྐུལ་སྤེལ། ཚན་རིག་གི་བྱང་ཚད་དང་ཆེད་ལས་ལག་རྩལ་གྱི་ནུས་པ་མཐོར་འདེགས་བཅས་བཏང་ནས། མིས་བཟོས་རིག་ནུས་ཀྱི་ཕུལ་བྱུང་ཤེས་ལྡན་མི་སྣ་སྐྱེད་སྲིང་བྱེད་པར་ཕན་ནུས་ལྡན་པའི་ཆ་རྐྱེན་བསྐྲུན་རྒྱུ་དེ་རེད།

图片2.png

མཚོ་སྔོན་མི་རིགས་སློབ་ཆེན་གྱི་སློབ་གཙོ་གཞོན་པ་ཀྲའོ་ཧེའེ་ཞིང་།

图片3.png

ཀྲུང་གོའི་མིས་བཟོས་རིག་ནུས་སློབ་ཚོགས་ཀྱི་ལས་འཛིན་མགོ་གཙོ་གཞོན་པ་དང་ཁྲུང་ཆིང་དགེ་འོས་སློབ་ཆེན་གྱི་སློབ་གཙོ་ཝང་ཀུའོ་དབྱིན་གྱིས་དྲ་ལམ་བརྒྱུད་ནས་གཏམ་བཤད་སྤེལ་བ།

图片4.png

རྩིས་འཕྲུལ་འགྲན་རྩོད་འགྲན་སྡུར་ཆེད་དོན་ཨུ་ཡོན་ལྷན་ཚོགས་ཀྱི་ཀྲུའུ་རིན་ཨུ་ཡོན་ཀྲང་ཞའོ་ཁྲོན།

མཚོ་སྔོན་མི་རིགས་སློབ་ཆེན་གྱི་སློབ་གཙོ་གཞོན་པ་ཀྲའོ་ཧེའེ་ཞིང་གིས་ཚོགས་ཞུགས་མི་སྣ་ཡོངས་ལ་ཕེབས་བསུའི་གཏམ་བཤད་སྤེལ་ཞིང་། མཚོ་སྔོན་མི་རིགས་སློབ་ཆེན་རིག་ནུས་ཚན་རིག་དང་བཟོ་སྐྲུན་སློབ་གླིང་གི་ཏང་ཨུའི་ཧྲུའུ་ཅི་ཙན་ཧྥིང་པིའོ་ཡིས་མགོ་རྩོམ་མཛད་སྒོ་ལ་གཙོ་སྐྱོང་བྱས། ཀྲུང་གོའི་མིས་བཟོས་རིག་ནུས་སློབ་ཚོགས་ཀྱི་ལས་འཛིན་མགོ་གཙོ་གཞོན་པ་དང་ཁྲུང་ཆིང་དགེ་འོས་སློབ་ཆེན་གྱི་སློབ་གཙོ་ཝང་ཀུའོ་དབྱིན་གྱིས་དྲ་ལམ་བརྒྱུད་ནས་གཏམ་བཤད་སྤེལ་བར་མ་ཟད། ཐེངས་འདིའི་རྩིས་འཕྲུལ་འགྲན་རྩོད་འགྲན་སྡུར་བདེ་བླག་ངང་སྤེལ་མགོ་ཚུགས་པ་ལ་རྟེན་འབྲེལ་ཞུས། གཞན་འགྲན་སྡུར་རྩ་འཛུགས་ཨུ་ཡོན་ལྷན་ཚོགས་ཀྱི་ཀྲུའུ་ཞི་དང་རྩིས་འཕྲུལ་འགྲན་རྩོད་འགྲན་སྡུར་ཆེད་དོན་ཨུ་ཡོན་ལྷན་ཚོགས་ཀྱི་ཀྲུའུ་རིན་ཨུ་ཡོན་ཀྲང་ཞའོ་ཁྲོན་དང་། འགྲན་སྡུར་འདིར་རྒྱབ་སྐྱོར་གནང་མཁན་ཞུའེ་ཏ་སློབ་གསོ་ཚན་རྩལ་ལྷན་ཚོགས་ཀྱི་འཐུས་ཚབ་པ་དབྱང་ཆང་གཉིས་མཛད་སྒོར་ཞུགས་ཤིང་གཏམ་བཤད། འགྲན་སྡུར་གྱི་ཤན་འབྱེད་པའི་འཐུས་ཚབ་པ་ཆིའུ་ཧོང་ཁུན་དང་འགྲན་ཞུགས་སློབ་མའི་འཐུས་ཚབ་པ་མཚོ་སྔོན་མི་རིགས་སློབ་ཆེན་གྱི་སློབ་མ་བདེ་སྐྱིད་འཚོ་གཉིས་ཀྱིས་གཟབ་ནན་ངང་དམ་བཅའ་བསྒྲགས།

图片5.png

ཙན་ཧྥིང་པིའོ།（གཡོན）མཚོ་སྔོན་མི་རིགས་སློབ་ཆེན་རིག་ནུས་ཚན་རིག་དང་བཟོ་སྐྲུན་སློབ་གླིང་གི་ཏང་ཨུའི་ཧྲུའུ་ཅི།

图片6.png

དབྱང་ཆང་།（གཡས）ཞུའེ་ཏ་སློབ་གསོ་ཚན་རྩལ་ལྷན་ཚོགས་ཀྱི་འཐུས་ཚབ་པ།

图片7.png

ཆིའུ་ཧོང་ཁུན（གཡོན）འགྲན་སྡུར་གྱི་ཤན་འབྱེད་པའི་འཐུས་ཚབ་པ།

图片8.png

བདེ་སྐྱིད་འཚོ།（གཡས）འགྲན་ཞུགས་སློབ་མའི་འཐུས་ཚབ་པ།

མགོ་རྩོམ་མཛད་སྒོ་མཇུག་རྫོགས་རྗེས། བོད་འགྲིག་དང་རྒྱ་འགྲིག རྒྱལ་སྤྱིའི་འགྲིག་སོགས་མི་དང་རྩིས་འཕྲུལ་གྱི་སྲོལ་རྒྱུན་འགྲིག་རིགས་འགྲན་སྡུར་དང་ཐན་ཁེ་འགྲན་སྡུར་སོགས་རིག་ནུས་ཐབས་ཇུས་འགྲན་སྡུར་གྱི་རྣམ་གྲངས་སོ་སོ་ཛ་དྲག་ངང་སྤེལ། རྒྱུས་ལོན་བྱུང་བ་ལྟར་ན། ཐེངས་འདིའི་འགྲན་སྡུར་ལ་དྲ་ངོས་དང་ཡུལ་དངོས་ཀྱི་རྣམ་པ་གཉིས་ཡོད་ཅིང་། འགྲན་སྡུར་ལ་ཞུགས་མཁན་གྱི་སློབ་ཆེན100ལྷག་དང་འགྲན་ཞུགས་རུ་ཁག2000ལྷག་བྱུང་ནས། འགྲན་སྡུར་འདིའི་ཟིན་ཐོ་གསར་བ་བཏོད་ཡོད།

ཐེངས་འདིའི་འགྲན་སྡུར་བརྒྱུད་ནས་རང་རྒྱལ་གྱི་རྩིས་འཕྲུལ་འགྲན་རྩོད་འགྲན་སྡུར་ཁྱབ་ཁོངས་ཀྱི་འཕེལ་རྒྱས་ལ་གསོན་ཤུགས་གསར་བ་སྩོལ་ཐུབ་པར་མ་ཟད། གྲངས་ཉུང་མི་རིགས་ས་ཁུལ་གྱི་སློབ་མའི་རྩིས་འཕྲུལ་འགྲན་རྩོད་འགྲན་སྡུར་ཐད་ཀྱི་དགའ་ཕྱོགས་སྐྱེད་སྲིང་བྱས་ཏེ། ཚན་རྩལ་གསར་གཏོད་ཀྱི་ཁོར་ཡུག་ལེགས་པོ་ཞིག་ཀྱང་བསྐྲུན་ཐུབ་ངེས་རེད།

图片9.png

图片11.png

图片10.png
图片12.png

སྐབས་སྔོན་མ། 2024ལོའི་མཚོ་བྱང་ཁུལ་མི་རིགས་མཐུན་སྒྲིལ་ཡར་ཐོན་དྲིལ་སྒྲོག་ཟླ་བའི་བྱེད་སྒོའི་མགོ་རྩོམ་མཛད་སྒོ་སྤེལ།

སྐབས་རྗེས་མ། དེ་རིང་ཉིན་གུང་གི་ཆུ་ཚོད1:30ཡི་སྟེང་འགྲན་སྡུར་མགོ་བརྩམ་རྒྱུ་རེད། ཆོས་དབྱིངས་སྐྱིད་ཤུགས་རྒྱོབ།