རྩོམ་སྒྲིག ཁོན་ཐར་ཚེ་རིང་། ཡོང་ཁུངས། ཀྲུང་གོ་བོད་ཀྱི་དྲ་བ། བཤེར་འབེབས། རིན་ཆེན་ཚེ་རིང་།
ཞིན་ཧྭ་གསར་འགྱུར་ཁང་གི་གློག་འཕྲིན་ལྟར་ན། ཟླ4པའི་ཚེས13ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་དང་ཧིན་རྡུ་ཉི་ཞི་ཡའི་ཙུང་ཐུང་ཕུའུ་ལཱ་པའོ་ཨའོ་གཉིས་ཀྱིས་ཕན་ཚུན་ལ་རྟེན་འབྲེལ་གློག་འཕྲིན་བཏང་ནས། ཀྲུང་གོ་དང་ཧིན་རྡུ་ཉི་ཞི་ཡའི་བར་འབྲེལ་བ་བཙུགས་ཏེ་ལོ་འཁོར75ལོན་པར་རྟེན་འབྲེལ་ཞུས།
ཞི་ཅིན་ཕིང་གིས་བསྟན་དོན། ཀྲུང་གོ་དང་ཧིན་རྡུ་ཉི་ཞི་ཡ་ནི་རྒྱ་མཚོས་ཆོད་པའི་ཁྱིམ་མཚེས་བཟང་པོ་དང་ལས་དབང་མཉམ་འབྲེལ་གྱི་ཟླ་གྲོགས་བཟང་པོ་ཡིན། འབྲེལ་བ་བཙུགས་པའི་ལོ་ངོ75ཡི་རིང་ལ། ཕྱོགས་གཉིས་ཀྱིས་སྐྱིད་སྡུག་མཉམ་མྱོང་དང་ཟོལ་མེད་མཉམ་ལས་བྱས་པས་རྒྱལ་ཁབ་གཉིས་ཀྱི་འབྲེལ་བ་ཡུན་རིང་འཕེལ་རྒྱས་བྱུང་བ་དང་། ཀྲུང་གོ་དང་ཧིན་རྡུ་ཉི་ཞི་ཡའི་མཛའ་བརྩེ་མིའི་སེམས་གཏིང་དུ་སིམ་ཡོད། ན་ནིང་། ང་དང་སྐུ་ཞབས་ཙུང་ཐུང་གིས་ཐུག་འཕྲད་ཐེངས་གཉིས་བྱས་པ་དང་། ཕན་ཚུན་བར་རྒྱལ་ཁབ་འཕེལ་རྒྱས་ཀྱི་འདུན་པ་ལ་བློ་བརྟན་འགྱུར་མེད་ཀྱིས་རྒྱབ་སྐྱོར་བྱེད་པ་དང་། ལག་གདང་སྦྲེལ་ནས་རང་སོ་སོའི་དེང་རབས་ཅན་གྱི་བགྲོད་ལམ་སྟེང་ལེགས་པར་བསྐྱོད་པ། ས་ཁུལ་དང་གོ་ལ་ཧྲིལ་པོའི་ཤུགས་རྐྱེན་ལྡན་པའི་ཀྲུང་གོ་དང་ཧིན་རྡུ་ཉི་ཞི་ཡའི་ལས་དབང་གཅིག་མཐུན་ཚོགས་པ་བསྐྲུན་ནས་ཕྱོགས་གཉིས་ཀྱི་འབྲེལ་བ་སླར་ཡང་སྐས་རིམ་གསར་པ་ཞིག་ཏུ་སླེབས་པར་སྣེ་ཁྲིད་བྱེད་པའི་མོས་མཐུན་བྱུང་།
ཞི་ཅིན་ཕིང་གིས་ནན་གྱིས་བསྟན་དོན། ཀྲུང་གོ་དང་ཧིན་རྡུ་ཉི་ཞི་ཡ་ནི་འཕེལ་རྒྱས་སུ་འགྲོ་བཞིན་པའི་རྒྱལ་ཁབ་ཆེན་པོ་དང"འཛམ་གླིང་ལྷོ་ཕྱོགས"ཀྱི་སྟོབས་ཤུགས་གལ་ཆེན་ཡིན་པས། ཕྱོགས་གཉིས་ཀྱི་མཉམ་ལས་ལ་འཐབ་ཇུས་ཀྱི་དོན་སྙིང་དང་གོ་ལ་ཧྲིལ་པོའི་ཤུགས་རྐྱེན་ལྡན། ངས་ཀྲུང་གོ་དང་ཧིན་རྡུ་ཉི་ཞི་ཡའི་འབྲེལ་བ་འཕེལ་རྒྱས་གཏོང་བར་ཚད་མཐོའི་མཐོང་ཆེན་གནང་བཞིན་ཡོད་ལ། སྐུ་ཞབས་ཙུང་ཐུང་དང་མཉམ་དུ་འབད་བརྩོན་བྱས་ཏེ་རྒྱལ་ཁབ་གཉིས་བར་འབྲེལ་བ་བཙུགས་ནས་ལོ་འཁོར75ལོན་པ་རྟེན་འབྲེལ་ཞུ་བ་གོ་སྐབས་སུ་བརྩིས་ནས། རྒྱལ་ཁབ་གཉིས་ཀྱི་ཁྱོན་ཡོངས་ཀྱི་འཐབ་ཇུས་མཉམ་ལས་སྔར་ལས་གཏིང་ཟབ་ཏུ་གཏོང་བ་དང་། ཕྱོགས་མང་འཐབ་ཇུས་མཐུན་སྦྱོར་ལ་ཤུགས་སྣོནཔ། ཀྲུང་གོ་དང་ཧིན་རྡུ་ཉི་ཞི་ཡའི་ལས་དབང་གཅིག་མཐུན་ཚོགས་པའི་དུས་རབས་ཀྱི་ནང་དོན་རྒྱུན་ཆད་མེད་པར་ཕུན་སུམ་ཇེ་ཚོགས་སུ་གཏོང་བ། འཕེལ་རྒྱས་སུ་འགྲོ་བཞིན་པའི་རྒྱལ་ཁབ་ཆེན་པོའི་ཟོལ་མེད་མཐུན་སྒྲིལ་གྱི་དཔེ་མཚོན་དང་། མཉམ་དུ་འཕེལ་རྒྱས་འགྲོ་བའི་མིག་དཔེ། འཕེལ་རྒྱས་སུ་འགྲོ་བཞིན་པའི་རྒྱལ་ཁབ་བར་གྱི་མཉམ་ལས་ཀྱི་གདོང་ལེན་བཅས་བཏོད་ནས། མཉམ་དུ་མིའི་རིགས་ཡར་ཐོན་གྱི་བྱ་གཞག་ལ་སྐུལ་འདེད་གཏོང་འདོད་ཡོད།
ཕུའུ་ལཱ་པའོ་ཨའོ་ཡིས་རྟེན་འབྲེལ་གློག་འཕྲིན་ནང་བསྟན་དོན། ཐེངས་འདིའི་ཀྲུང་གོ་དང་ཧིན་རྡུ་ཉི་ཞི་ཡའི་བར་འབྲེལ་བ་བཙུགས་ནས་ལོ་འཁོར75ལོན་པའི་སྐབས་འདིར། ངས་ཧིན་རྡུ་ཉི་ཞི་ཡའི་སྲིད་གཞུང་དང་མི་དམངས་ཀྱི་ཚབ་བྱས་ཏེ་ཀྲུའུ་ཞི་ཞི་ཅིན་ཕིང་དང་ཀྲུང་གོའི་མི་དམངས་ལ་ལྷག་བསམ་རྣམ་དག་གིས་རྟེན་འབྲེལ་ཞུས་པ་ཡིན། ཧིན་རྡུ་ཉི་ཞི་ཡ་དང་ཀྲུང་གོའི་མཛའ་བརྩེའི་རྒྱུན་རིང་བ་དང་། རྒྱལ་ཁབ་གཉིས་ཀྱི་གྲོགས་པོའི་འབྲེལ་བ་གཏིང་ཟབ་ཅིང་གསོན་ཤུགས་ལྡན། ཕྱོགས་གཉིས་ཀྱིས་ཆབ་སྲིད་དང་དཔལ་འབྱོར། མི་གཞུང་། མཚོ་ཐོག བདེ་འཇགས་བཅས"འདེགས་སྐྱོར་ཆེན་པོ་ལྔའི"མཉམ་ལས་ལ་རྒྱུན་མཐུད་དང་མགྱོགས་མྱུར་ངང་སྐུལ་འདེད་གཏོང་དགོས། ངས་རྒྱལ་ཁབ་གཉིས་ཀྱི་མཉམ་ལས་མུ་མཐུད་དུ་གཏིང་ཟབ་ཏུ་གཏོང་བ་དང་། རྒྱལ་ཁབ་གཉིས་ཀྱི་མི་དམངས་ཀྱི་མཛའ་བརྩེའི་སྦྲེལ་ཐག་ཇེ་དམ་དུ་བཏང་ནས། འཛམ་གླིང་གི་ཞི་བདེ་བརྟན་འཇགས་ཐད་བྱས་རྗེས་འཇོག་པར་སེམས་གཏིང་ནས་རེ་སྒུག་བྱེད་བཞིན་ཡོད། །
| དྲ་ཚིགས་པར་དབང་། | མཚོ་བྱང་ཁུལ་མི་རིགས་སྐད་ཡིག་ལས་དོན་ལྟེ་གནས། |  |
| འབྲེལ་གཏུག་ཁ་པར། | 0970--8642108 | |
| ཡིག་ཟམ། | E-mail:2602505168@qq.com | |
| དྲ་ཚིགས་དཔང་རྟགས། | 青ICP备09000102号-6 | |
| མཚོ་སྔོན་སྤྱི་བདེ་དྲ་རྒྱའི་བདེ་འཇགས་ཐོ་འགོད་དཔང་རྟགས 63222302000108 | ||