དེ་རིང་ནི2025ལོའི་ཟླ12པའི་ཚེས01ཡིན།
མདུན་ངོས། མགོ་ཁྲིད། གསར་འགྱུར། སྲིད་དོན། ཕ་ཡུལ། རིག་གནས། ལོ་ཙཱ། རྒྱུན་ཤེས། བརྙན་ཟློས།

ཤ་བོ་སྐྱབས་ཀྱིས་མདའ་བཞི་རྫོང་དུ་ཏང་གི་སྐབས20པའི་ཀྲུང་ཨུ་ཚང་འཛོམས་གྲོས་ཚོགས་ཐེངས4པའི་དགོངས་དོན་སྒྲོག་འགྲེལ་གནང་།

2025-11-28 09:17:35   |   195

རྩོམ་སྒྲིག   སངས་དོན།     ཡོང་ཁུངས།   མདོ་ལ་བོད་ཡིག་ཚགས་པར།    བཤེར་འབེབས།   རིན་ཆེན་ཚེ་རིང་།


ཉེ་ཆར། ཁུལ་ཨུའི་ཧྲུའུ་ཅི་ཤ་བོ་སྐྱབས་མདའ་བཞི་རྫོང་མཚོ་སྔོན་པོ་ཡུལ་ཚོ་མཐོན་པོ་སྡེ་བར་ཕྱིན་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སྒྲོག་འགྲེལ་གནང་སྐབས་ནན་གྱིས་བསྟན་དོན། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སློབ་སྦྱོང་ལག་བསྟར་གཏིང་ཟབ་བྱེད་དགོས་པ་དང་། ཏང་ཀྲུང་དབྱང་གི་ཐབས་ཇུས་བཀོད་སྒྲིག་དང་། ཞིང་ཆེན་དང་ཁུལ་གྱི་བྱ་བའི་བླང་བྱ་ཕྱོགས་ཡོངས་ནས་དོན་འཁྱོལ་བྱས་ཏེ། དམིགས་འབེན་གཏན་འཁེལ་དང་དཔེ་བསྡུར་བཀོད་སྒྲིག  དངོས་སྒྲུབ་སྔོན་བརྩོན་བཅས་བྱས་ནས། སྤུས་ཚད་མཐོ་བའི་འཕེལ་རྒྱས་ཀྱི་ལམ་བུ་གསར་བ་ཞིག་གཏོད་ནས ལྔ་བཅུ་བཞི”ཕུན་སུམ་ཚོགས་པའི་སྒོ་ནས་མཇུག་སྒྲིལ་བ་དང་། “ལྔ་བཅོ་ལྔའི”མགོ་ཡག་པོ་རྩོམ་རྒྱུར་འགན་ལེན་བྱེད་དགོས་ཟེར།

01.jpg 

མཐོན་པོ་སྡེ་བའི་ཏང་ཡོན་བྱ་འགུལ་ཁང་དུ་ཤ་བོ་སྐྱབས་ཀྱིས་རྫོང་དང་ཡུལ་ཚོ། སྡེ་བ་བཅས་ཀྱི་ཏང་ཡོན་ལས་བྱེད་མང་ཚོགས་ཀྱི་འཐུས་མི་དང་བཞུགས་མོལ་ཚོགས་འདུ་འཚོགས་ཤིང་། ཚང་འཛོམས་གྲོས་ཚོགས་ཀྱི་དགོངས་དོན་སློབ་སྦྱོང་དང་མྱོང་ཚོར་མཉམ་སྤྱོད་སྒོས་མཚོ་བྱང་འཕེལ་རྒྱས་ཀྱི་དོན་དངོས་ལ་གཞི་ཚུགས་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་སྒྲོག་འགྲེལ་བྱས་ནས་བསྟན་དོན། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པ་ནི་ལོ་བརྒྱ་གཉིས་པའི་འབད་འཐབ་དམིགས་འབེན་ཕྱོགས་སུ་དཔུང་སྐྱོད་བྱེད་པའི་བགྲོད་ལམ་གསར་པའི་ཐོག་འཚོགས་པའི་ཚོགས་འདུ་གལ་ཆེན་ཞིག་ཡིན་ཞིང་། མ་འོངས་པའི་ལོ་ལྔའི་འཕེལ་རྒྱས་ལ་རྩེ་རིམ་ཇུས་འགོད་དང་འཐབ་ཇུས་འཆར་འགོད་བྱས་པ་ཞིག་ཡིན། 2035ལོར་སླེབས་སྐབས། རྒྱལ་ཡོངས་ཀྱི་མི་རེའི་ཆ་སྙོམས་ཀྱི་རྒྱལ་ནང་ཐོན་སྐྱེད་སྤྱིའི་རིན་ཐང་དེ་འབྲིང་རིམ་དར་རྒྱས་རྒྱལ་ཁབ་ཀྱི་ཆུ་ཚད་དུ་སླེབས་པའི་དམིགས་འབེན་ཁ་གསལ་བཟོས་ཡོད་ཅིང་། རྒྱ་ཆེའི་གཞི་རིམ་མང་ཚོགས་ཀྱི་ཐོན་སྐྱེད་འཚོ་བ་དང་འབྲེལ་བ་དམ་ཟབ་ཡོད་པས་དོན་སྙིང་གལ་ཆེན་དང་ཤུགས་རྐྱེན་གཏིང་ཟབ་ལྡན་ཡོད། མཚོ་བྱང་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སྐུ་དངོས་སུ་རྟོག་ཞིབ་གནང་བའི་ས་གནས་ཡིན་ལ། “ལྔ་བཅུ་བཞིའི”ཚུན་ཏུ། ཁུལ་ཡོངས་ཀྱི་གོང་འོག་བར་གསུམ་གྱིས་ཏང་གི་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་རེ་རེའི་དགོངས་དོན་དང་དེ་བཞིན་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་དུ་རྟོག་ཞིབ་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཤིང་། “243”འཕེལ་རྒྱས་ཀྱི་བཀོད་པ་དང“ཞིང་ཆེན་ཡོངས་ཀྱི་མདུན་གྲལ་དུ་སྐྱོད་པ་གསུམ”གྱི་འགན་འཁྲིའི་ལས་འགན་ལ་དམིགས་ནས། དཔལ་འབྱོར་དང་སྤྱི་ཚོགས་ཀྱི་བྱ་གཞག་སོ་སོར་འཕེལ་རྒྱས་བྱུང་ཞིང་གྲུབ་འབྲས་མངོན་གསལ་དོད་པོ་བླངས་ཡོད་ལ། “ལྔ་བཅོ་ལྔའི”མགོ་བདེ་བླག་ངང་རྩོམ་རྒྱུར་རྨང་གཞི་བརྟན་པོ་བཏིང་ཡོད་ཟེར།

02.jpg

ཤ་བོ་སྐྱབས་ཀྱིས་ནན་གྱིས་བསྟན་དོན། ཚང་འཛོམས་གྲོས་ཚོགས་ཀྱི་དགོངས་དོན་ལ་སློབ་སྦྱོང་བྱས་པའི་གྲུབ་འབྲས་དེ་ཐོན་ལས་དམ་འཛིན་དང་འཕེལ་རྒྱས་ཇུས་འགོད། བཅོས་སྒྱུར་ལ་སྐུལ་འདེད་བཅས་ཀྱི་ཞིབ་ཕྲའི་བསམ་ཕྱོགས་དང་བྱེད་ཐབས་སུ་ཏན་ཏིག་བསྒྱུར་དགོས་པ་དང་། མིག་སྔའི་གཙོ་གནད་བྱ་བ་སོ་སོར་དམ་འཛིན་ཏན་ཏིག་བྱས་ཏེ་ནུས་ཤུགས་ཡོད་རྒུས་ལོ་འཁོར་མོའི་དམིགས་ཚད་ལས་འགན་ལ་གདོང་མཆོང་བྱེད་དགོས་ཤིང་། གཙོ་གནད་མངའ་ཁོངས་བཅོས་སྒྱུར་གཏིང་ཟབ་ཏུ་གཏོང་བ་དང་ཉེན་ཁ་ཚབས་ཆེན་འགོག་སེལ་ནུས་ལྡན་བྱས་ཏེ། ལས་རིགས་དར་རྒྱས་སུ་གཏོང་བ་དང་རྫོང་སྟོབས་ལྡན་དུ་གཏོང་བ། མི་དམངས་ཕྱུག་པོར་གཏོང་བ་བཅས་གཞི་གཅིག་གི་འཕེལ་རྒྱས་ལ་སྐུལ་འདེད་བཏང་ནས་གྲུབ་འབྲས་གསར་བ་ལེན་དགོས། མཐོན་པོ་སྡེ་བ་ནི་གསེར་དངུལ་ཐང་དུ་གནས་ཤིང་། ལྷོ་ཕྱོགས་མཚོ་སྔོན་པོ་དང་སྨོན་ལམ་མཐོན་པོར་འབྲེལ་ལ། བྱང་ཕྱོགས་ཤྭ་ལུང་ཆུ་ཚན་དང་མདའ་བཞིའི་ཆུ་ཚན་ལ་འབྲེལ་ཡོད་པས། མཐོན་པོ་སྡེ་བའི་གནས་ཡུལ་གྱི་ཐོན་ཁུངས་ལེགས་ཆ་འདོན་སྤེལ་གང་ལེགས་བྱས་ཏེ་མཚོ་བྱང་གི་སྐྱེ་ཁམས་གནས་སྐོར་དང་གསར་བརྗེའི་ཉམས་ཞིབ། ཆུ་ཚན་ཁམས་གསོ། ཕན་མཐོའི་ཕྱུགས་ལས་སོགས་འཕེལ་རྒྱས་གཏོང་བའི་སྲིད་ཇུས་དང་གོ་སྐབས་དམ་འཛིན་བྱས་ཏེ་སྡེ་བ་རིམ་པའི“ཡོད་པ་བཅུའི”བཟོ་སྐྲུན་ལ་སྐུལ་འདེད་གཏིང་ཟབ་བཏང་སྟེ། ཞིང་ཕྱུགས་མཉམ་ལས་ཁང་དང་ཁྱིམ་ཚང་ཞིང་ར། སྣེ་ཁྲིད་ཁེ་ལས་སོགས་གཉེར་སྐྱོང་བྱེད་པོ་གསོ་སྐྱོང་ཧུར་ཐག་བྱེད་དགོས་པ་དང་། གྲོང་གསེབ་ཀྱི་གནས་སྐོར་འཕེལ་རྒྱས་ཤུགས་ཆེན་བཏང་སྟེ་རྟ་ཞོན་དང་རི་འཛེག་སོགས་ངལ་ལས་ཆས་རྟགས་གསར་གཏོད་དང་ཆུ་ཚན་སྡེ་བའི་ཐོན་ལས་འཚོལ་ཞིབ་དང་སྐུལ་འདེད་ཧུར་ཐག་བྱས་ཏེ་ཐབས་བརྒྱ་ཇུས་སྟོང་གིས་མང་ཚོགས་ཀྱི་ཡོང་འབབ་འཕར་བར་བྱེད་དགོས། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་སྣེ་ཁྲིད་དུ་འཛིན་པ་རྒྱུན་འཁྱོངས་བྱས་ཏེ་རྩྭ་ཐང་གི་རིག་གནས་དང་དམངས་སྲོལ་རིག་གནས་ནང་འདུས་པའི་མི་ཆོས་རིག་གནས་ཀྱི་ནང་དོན་སྔོག་འདོན་གཏིང་ཟབ་བྱེད་དགོས་པ་དང་། རང་ཡུལ་གྱི་རིག་གནས་འཇོན་མི་གསོ་སྐྱོང་དང་སྔོག་འདོན་སྒོས་མཚོ་སྔོན་པོར་མཚོ་དར་ཆགས་པའི་གཏམ་རྒྱུད་ཡག་པོར་བཤད་དེ་བརྗོད་དོན་གཙོ་བོ་དང་སྤྱི་ཚོགས་ཀྱི་དྲང་གཞག་སྔར་ལས་དར་སྤེལ་གཏོང་དགོས་ཟེར།

03.jpg   

དེའི་རྗེས། ཤ་བོ་སྐྱབས་མཚོ་སྔོན་པོ་ཡུལ་ཚོ་མཐོན་པོ་སྡེ་བའི་ལུང་ཡའེ་སྐྱེ་ཁམས་ཁོར་ཡུག་སྲུང་སྐྱོབ་ཚན་རྩལ་ཚད་ཡོད་སྤྱི་གཉེར་ཁང་གི་བྱ་རྔ་མོང་གསོ་སྤེལ་རྟེན་གཞི་དང་། མདའ་བཞི་རྫོང་གི་ལྗང་མདོག་སྐྱེ་ལྡན་ཞིང་ཕྱུགས་ཐོན་རྫས་ཕྱིར་གཏོང་བྱ་ཡུལ་གྱི་ལུག་ཁྲི་ཡི་གསོ་སྤེལ་རྟེན་གཞིར་ཕྱིན་ནས་བྱ་རྔ་མོང་གི་ཤ་དང་པགས་པ། སྒོ་ངའི་བརྐོས་རིས་སོགས་ཐོན་སྐྱེད་ཕྱིར་འཚོང་དང་། དེ་བཞིན་ཤྭ་ཁྲ་དང་བོད་ལུག་བལ་དཀར་གསོ་སྤེལ། གཟན་རྩྭ་ལས་སྣོན་སོགས་ཀྱི་གནས་ཚུལ་དང་། སྐྱེ་ཁམས་ཞིང་ཕྱུགས་ལས་ཀྱི“གཅིག་ཅན་དགུའི”བཟོ་སྐྲུན་ལ་སྐུལ་འདེད་བཏང་བའི་གནས་ཚུལ་ལ་ལྟ་སྐུལ་མཛུབ་སྟོན་དང་བརྟག་ཞིབ་གནང་ནས་ཁེ་ལས་ཀྱིས་བྱ་རྔ་མོང་བརྗོད་དོན་ཡིན་པའི་ཟ་ཁང་འཛུགས་རྒྱུར་གྲ་སྒྲིག་བྱེད་པའི་བྱེད་སྟངས་ལ་ཁས་ལེན་གང་ལེགས་གནང་ནས་ནན་གྱིས་བསྟན་དོན། རྨང་གཞིའི་སྒྲིག་བཀོད་བེད་སྤྱོད་ཡག་པོ་བྱས་ཏེ་ཞིང་འབྲེལ་དང་ཞིང་ཁྲིད། ཞིང་ཕན་བཅས་ལ་ཤུགས་བསྣན་ནས་ནུས་ཤུགས་ཡོད་རྒུས“སྐྱེ་ཁམས་གསོ་སྤེལ་དང་ལག་རྩལ་ཞིབ་སྤེལ། ཐོན་རྫས་ལས་སྣོན”བཅས་གཞི་གཅིག་ཡིན་པའི་དེང་རབས་ཅན་གྱི་ཕྱུགས་ལས་ཐོན་ལས་ཕྱོགས་བསྡུས་རྣམ་པ་བསྐྲུན་ཏེ་ཐོན་ལས་ཀྱིས་ཞིང་ལས་དར་སྤེལ་དང་སྐྱེ་ཁམས་སྲུང་སྐྱོབ་བྱེད་པའི་གཉིས་ཕན་སྟོབས་ཤུགས་ལེགས་སྐྱེས་སུ་དབུལ་དགོས། “ལྟ་སྐོར་དང་ཉམས་ལེན། བཟའ་བཏུང་། ཕྱིར་ཚོང”བཅས་གཞི་གཅིག་ཏུ་འདུས་པའི་གསོ་སྤེལ་ཐོན་ལས་གསར་བསྐྲུན་བྱས་ནས་བྱ་རྔ་མོང་དང་ཤྭ་ཁྲ་སོགས་དམིགས་བསལ་གྱི་གསོ་སྤེལ་བྱེད་ཤུགས་ཆེ་རུ་བཏང་ནས་རིག་གནས་ལུས་རྩལ་གནས་སྐོར་གྱི་ལས་རིགས་རྒྱུན་ཆད་མེད་པར་ཕུན་སུམ་ཇེ་ཚོགས་སུ་བཏང་སྟེ་མང་ཚོགས་ཀྱི་ཕྱུག་འགྱུར་འབབ་འཕར་ཡོང་བར་སྐུལ་ཁྲིད་བྱེད་དགོས་ཟེར།

04.png

ཁུལ་གྱི་མགོ་ཁྲིད་ཚོ་ཅི་ཆང་གིས་ཕེབས་རོགས་བྱས།


མཉམ་སྤྱོད།