མཚོ་བྱང་ཁུལ་གྱི2025ལོའི་དགུན་དུས་གནས་སྐོར་མགོ་རྩོམ་མཛད་སྒོའམ་ཁྲི་ཤོར་རྒྱལ་མོའི་མཚོ་དར་དུས་ཆེན་དང་མདོ་ལ་རིང་མོའི་གངས་འཁྱག་དུས་ཆེན་གྱི་སྨྱན་སྦྱོར་བཅར་འདྲིའི་བྱེད་སྒོ་དངོས་སུ་མགོ་བརྩམས།

རྩོམ་སྒྲིག    སངས་དོན།     ཡོང་ཁུངས།   མཚོ་བྱང་མདོ་ལ་བོད་ཡིག་ཚགས་པར།      བཤེར་འབེབས།    རིན་ཆེན་ཚེ་རིང་།

ཟླ12པའི་ཚེས6ཉིན། མཚོ་བྱང་ཁུལ་ཨུ་དང་ཁུལ་སྲིད་གཞུང་གིས་གཙོ་སྒྲུབ་བྱས་པའི་མཚོ་བྱང་ཁུལ་གྱི2025ལོའི་དགུན་དུས་གནས་སྐོར་མགོ་རྩོམ་མཛད་སྒོའམ་ཁྲི་ཤོར་རྒྱལ་མོའི་མཚོ་དར་དུས་ཆེན་དང་མདོ་ལ་རིང་མོའི་གངས་འཁྱག་དུས་ཆེན་གྱི་སྨྱན་སྦྱོར་བཅར་འདྲིའི་བྱེད་སྒོ་མཚོ་སྔོན་པོ་སྨོན་ལམ་མཐོན་པོ་སྒར་འདེབས་རྟེན་གཞིར་དངོས་སུ་མགོ་བརྩམས། མཚོ་སྔོན་ཞིང་ཆེན་སྲིད་གྲོས་ཀྱི་ཀྲུའུ་ཞི་གཞོན་པ་ཝང་ཞོན་དང་། ཁུལ་ཨུའི་ཧྲུའུ་ཅི་ཤ་བོ་སྐྱབས། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན། གཙང་གསུམ་མགོ་ཁུངས་སྐྱེ་ཁམས་སྲུང་སྐྱོབ་ཐེབས་རྩ་ལྷན་ཚོགས་ལྟ་ཞིབ་ལྷན་ཚོགས་ཀྱི་ལྟ་ཞིབ་དཔོན་ཧི་པི་པོ། 《ཀྲུང་གོ་རྒྱལ་ཁབ་ས་ཁམས》དུས་དེབ་ཁང་གི་ཧྲེ་ཀྲང་གཞོན་པའམ་སྨྱན་སྦྱོར་གསར་པའིCEOཡི་ཚའེ་ཧྭ་ཡེ། ཁུལ་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རིན་ཆན་གོ་ཆིན། ཁུལ་སྲིད་གྲོས་ཀྱི་ཏང་ཙུའུ་ཡི་ཧྲུའུ་ཅིའམ་དང་ཀྲུའུ་ཞི་ཀྲུང་ཀྲི་ཅུན། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གཞུང་ལས་ཐིན་གྱི་ཀྲུའུ་རིན་གཞོན་པ་སུན་ཡེ་དང་། མཚོ་སྔོན་པོ་ལྗོངས་ཁུལ་སྲུང་སྐྱོབ་བེད་སྤྱོད་དོ་དམ་ཅུའི་ཅུ་ཀྲང་གཞོན་པ་འཇིགས་བྱེད། ཞིང་ཆེན་རྒྱང་སྒྲོག་བརྙན་འཕྲིན་ཅུའི་ཅུ་ཀྲང་གཞོན་པ་ཀྲིག་མིན། 《ཀྲུང་གོ་རྒྱལ་ཁབ་ས་ཁམས》དུས་དེབ་ཁང་གི་སྨྱན་སྦྱོར་གསར་བའི་སྤྱི་གཉེར་བ་གཞོན་པ་དབྱང་དབྱིན། ཟི་ལིང་གྲོང་ཁྱེར་མི་དམངས་སྲིད་གཞུང་གི་གྲོང་གཙོ་གཞོན་པ་ཀྲའོ་ཧྲུའུ་ལན། ཁུལ་ཨུའི་རྒྱུན་ཨུའམ་འཐབ་ཕྱོགས་གཅིག་གྱུར་པུའི་པུ་ཀྲང་སངས་རྒྱས་སོགས་མགོ་ཁྲིད་མཛད་སྒོར་ཞུགས། ཝང་ཞོན་གྱིས་བྱེད་སྒོ་སྤེལ་མགོ་བརྩམས་པ་ཁྱབ་བསྒྲགས་བྱས་ཤིང་། ཀྲང་ཧྲིང་ཡོན་དང་ཚའེ་ཧྭ་ཡེ་གཉིས་ཀྱིས་སོ་སོར་ཤིས་ཚིག་ཕུལ། ཁུལ་ཨུའི་རྒྱུན་ཨུའམ་དྲིལ་སྒྲོག་པུ་ཡི་པུ་ཀྲང་ཀྲང་ཐའོ་ཡིས་སྨྱན་སྦྱོར་བཅར་འདྲི་བྱེད་སྒོའི་དར་ཆ་སྤྲད་པ་དང་། ཁུལ་དཔོན་གཞོན་པ་མ་རུའུ་ཞང་གིས་མགོ་རྩོམ་མཛད་སྒོ་གཙོ་སྐྱོང་གནང་།

མགོ་རྩོམ་མཛད་སྒོའི་ཐོག ཚའེ་ཧྭ་ཡེ་ཡིས《ཀྲུང་གོ་རྒྱལ་ཁབ་ས་ཁམས》དུས་དེབ་ཁང་གི་ཚབ་བྱས་ཏེ་མཚོ་བྱང་ལ“ཀྲུང་གོ་རྒྱལ་ཁབ་ས་ཁམས། ཆེས་མཛེས་པའི་ཡུལ་ལྗོངས་ལམ་ཐིག”ཅེས་པའི་མཚན་སྙན་བྱང་བུ་སྤྲད་པ་དང་། ཁུལ་ཨུའི་རྒྱུན་ཨུའམ་ཁུལ་དཔོན་གཞོན་པ་ཀྲའོ་ཧའེ་ཕིང་གིས་མཚོ་བྱང་ཁུལ་གྱི་ཚབ་བྱས་ཏེ་བྱང་བུ་དང་ལེན་བྱས། ཐེངས་འདིར་བྱང་བུ་དེ་སྤྲད་པའི་དམིགས་ཡུལ་ནི《ཀྲུང་གོ་རྒྱལ་ཁབ་ས་ཁམས》ཆས་རྟགས་ཀྱི་ཤུགས་རྐྱེན་ཆེན་པོ་དང་ཁྱབ་སྤེལ་སྟེགས་བུར་བརྟེན་ནས་མཚོ་བྱང་གི་དགུན་དུས་ཀྱི་མཛེས་སྡུག་དེ་སྔར་ལས་རྒྱ་ཆེ་བའི་ཁྲོམ་རར་སྐུལ་འདེད་གཏོང་ཆེད་ཡིན་པ་རེད། མཚོ་བྱང་གི་རིག་གནས་གནས་སྐོར་ངོ་སྤྲོད་མཁན་གྱིས་དགུན་དུས་གནས་སྐོར་གྱི་སྤུས་ལེགས་ལམ་ཐིག8དངོས་སུ་ཁྱབ་བསྒྲགས་བྱས་ལ། དེར་གངས་འཁྱག་རོལ་རྩེད་དང་ཆུ་ཚན་ཁམས་གསོ། དམངས་སྲོལ་འགྲེམས་འཁྲབ། གསར་བརྗེའི་ཉམས་ཞིབ་སོགས་ལས་རྣམ་སྣ་མང་ཚུད་ཡོད་པས་རྒྱ་ཆེའི་གནས་སྐོར་བ་ཚོར་དགུན་དུས་གནས་སྐོར་ལ་འགྲོ་བའི་གདམ་ག་ཕུན་སུམ་ཚོགས་པ་མཁོ་འདོན་བྱས་ཡོད།

ཀྲང་ཧྲིང་ཡོན་གྱིས་ཤིས་ཚིག་ཁྲོད་བཅར་འདྲིའི་བྱེད་སྒོར་ཕེབས་པའི་མགོ་ཁྲིད་དང་སྐུ་མགྲོན། སྨྱན་སྦྱོར་གྲོགས་པོ་རྣམས་ལ་དགའ་བསུ་ཞུས་པ་དང་དུས་ཡུན་རིང་པོའི་ནང་མཚོ་བྱང་འཕེལ་རྒྱས་ལ་ཐུགས་ཁུར་དང་རྒྱབ་སྐྱོར་གནང་མཁན་གྱི་སྤྱི་ཚོགས་ལས་རིགས་སོ་སོའི་མི་སྣར་ཐུགས་རྗེ་ཆེ་ཞུས་པར་མ་ཟད་མཚོ་བྱང་གི་ས་ཁམས་ཁོར་ཡུག་དང་རིག་གནས་ཐོན་ཁུངས་ཀྱི་ལེགས་ཆ་ངོ་སྤྲོད་བྱས་ཏེ་བཤད་རྒྱུར། ཉེ་བའི་ལོ་འགའི་རིང་ལ། མཚོ་བྱང་ཁུལ་གྱིས“རྒྱལ་སྤྱིའི་སྐྱེ་ཁམས་གནས་སྐོར་བྱ་ཡུལ་བསྐྲུན་རྒྱུར”གཞི་ཚུགས་ནས་མཚོ་སྔོན་པོའི་མཐའ་འཁོར་གྱི་གནས་སྐོར་རིག་གནས་སྐྱེ་ཁམས་སྲུང་སྐྱོབ་ཚོད་ལྟའི་ཁུལ་ནུས་ཤུགས་ཡོད་རྒུས་བསྐྲུན་པ་དང་། མདོ་ལ་རིང་མོ་དང་མཚོ་སྔོན་པོའི་སྐྱེ་ཁམས་ཀྱི་གཞི་རྩའི་ལེགས་ཆ་འདོན་སྤེལ་གང་ལེགས་བྱས་ནས“གངས་འཁྱག+”དེ་དགུན་དུས་གནས་སྐོར་གྱི་གཞི་རྟེན་གཙོ་བོ་དང་། མདོ་ལ་རིང་མོའི་མེ་ལྷ་གངས་དཀར་རྒྱལ་སྤྱིའི་གངས་ཤུད་རི་འཛེག་མཁས་ཅན་གྱི་འགྲན་སྡུར་དང“གངས་འཁྱག་ལམ་བུ”ཞིང་ཆེན་གསུམ་གྱི་མཉམ་འབྲེལ་འགྲན་སྡུར་སོགས་ཆས་རྟགས་འགྲན་སྡུར་དྲིལ་སྒྲོག་བྱས་ནས་ལུས་རྩལ་དང་རིག་གནས། གནས་སྐོར་བཅས་མཉམ་འདྲེས་གཏིང་ཟབ་ཡོང་བར་སྐུལ་འདེད་བཏང་བས་མཚོ་བྱང་གི་དགུན་དུས་གནས་སྐོར་དེ“གྲང་བའི་ཐོན་ཁུངས”ནས་རིམ་བཞིན“ཚ་བའི་དཔལ་འབྱོར”ལ་བསྒྱུར་ཡོད། ལྷག་པར་དུ་ན་ནིང་ནས་བཟུང་། མཚོ་བྱང་ཁུལ་གྱིས་ཞིང་ཆེན་ཡོངས་ཀྱི་དགུན་དུས་གནས་སྐོར་གྱི“མེ་མདའ་དང་པོ”བདེ་བླག་ངང་བརྒྱབ་པས་སྨོན་ལམ་མཐོན་པོ་དང་མེ་ལྷ་གངས་དཀར། ཤྭ་ལུང་ཆུ་ཚན། ལྷ་ཆབ་ཁུག སྟོང་སོའི་ནགས་ཀློང་སོགས་གངས་འཁྱག་གནས་སྐོར་རྒྱུན་མཐུད་ངང་དར་རྒྱས་ཆེན་པོ་བྱུང་། ད་ལོར། མཚོ་བྱང་ཁུལ་གྱིས་ཁྲི་ཤོར་རྒྱལ་མོའི་མཚོ་དར་དུས་ཆེན་དང་མདོ་ལ་རིང་མོའི་གངས་འཁྱག་དུས་ཆེན་ལ་དམིགས་ནས“ཁྲི་ཤོར་རྒྱལ་མོར་གཡུ་ཡི་མཚོ་དར་ཆགས། མདོ་ལ་རིང་མོས་དངུལ་དཀར་ན་བཟའ་མནབས། གངས་ལྗོངས་མཚོ་བྱང་གནས་སྐོར་སྐྱིད་ལ་མཛེས”ཞེས་པའི་དགུན་དུས་གནས་སྐོར་གྱི་འགྱུར་ཁུག་དབྱངས་ལ་བཀུག་ནས་མཚོ་བྱང་གི་དགུན་དུས་གནས་སྐོར་ལ་མུ་མཐུད་དུ་གསོན་ཤུགས་བསྩལ་ཡོད་ཟེར། ཁོས་བཤད་རྒྱུར། དགུན་ཁ་འདིར་མཚོ་བྱང་ཁུལ་གྱིས《ཀྲུང་གོ་རྒྱལ་ཁབ་ས་ཁམས》དུས་དེབ་ཁང་སོགས་ཞིང་ཆེན་ཕྱི་ནང་གི་སྨྱན་སྦྱོར་མང་པོ་དང་མཉམ་དུ་ལག་གདང་སྦྲེལ་ནས“དག་སྣང་མཚོ་བྱང་། མདོག་ལྔའི་གཡང་སའི”ཐུན་མོང་མ་ཡིན་པའི་ཡིད་དབང་འཕྲོག་ཤུགས་དང་བླ་མེད་ཀྱི་སྐྱེ་སྟོབས་མངོན་ཏེ། ཕྱོགས་བཞིའི་སྐུ་མགྲོན་རྣམས་ལ་མཚོ་བྱང་གི་གངས་འཁྱག་གི་མཛེས་སྡུག་དང་མི་ཆོས་རིག་གནས་ཀྱི་མཛེས་སྡུག་ཁྲ་ལམ་མེར་མཐོང་དུ་འཇུག་རྒྱུ་ཡིན་ཟེར། ཚའེ་ཧྭ་ཡེ་ཡིས་ཤིས་ཚིག་ཁྲོད་བརྩེ་སེམས་ཟབ་མོས་དུས་དེབ་ཁང་དང་མཚོ་སྔོན། མཚོ་བྱང་བཅས་དབར་གྱི་མི་ལོ་ཉི་ཤུ་ལྷག་གི་བརྩེ་བར་ཕྱིར་དྲན་བྱས། ཁོ་མོས་བཤད་རྒྱུར། 2004ལོར་ཐོག་མར་གནས་འདིར་ཡོང་ནས་བཅར་འདྲི་བྱས་པ་ནས་བཟུང་དུས་དེབ་ཀྱིས་གནས་འདིར་དོ་ཁུར་དང་ཟིན་ཐོར་འགོད་པ་གཏན་ནས་མཚམས་བཞག་མ་མྱོང་། མཚོ་སྔོན་པོ“ཀྲུང་གོའི་ཆེས་མཛེས་པའི་མཚེའུ”ལ་བདམས་པ་ནས་བཟུང་རྒྱུན་མཐུད་སྒོས་རྡུལ་ཕྲན་མཁར་དང་མཚོ་སྔོན་པོའི་གསེར་ཉ་ཡར་འགྲོ་སོགས་སྐྱེ་ཁམས་ཀྱི་ཐུན་མོང་མ་ཡིན་པའི་མི་ཆོས་གཏམ་རྒྱུད་སྣ་ཚོགས་འཕྲིན་སྤེལ་བྱས་པས། མཚོ་བྱང་གི་སྣང་བརྙན་སྔ་མོ་ནས་དུས་དེབ་བརྒྱུད་དེ་རྒྱལ་ཡོངས་སུ་ཁྱབ་ཏུ་བཅུག་ཡོད་ཟེར། ཁོ་མོས་ནན་གྱིས་བསྟན་དོན། མཚོ་བྱང་ནི་མཚོ་བོད་མཐོ་སྒང་གི་སྐྱེ་ཁམས་བདེ་འཇགས་ཀྱི་སྲུང་ཡོལ་གལ་ཆེན་ཞིག་དང་། མི་རིགས་མང་བོའི་རིག་གནས་མཉམ་འདྲེས་བྱ་ཡུལ་ཞིག་ཡིན་ལ། གསར་བརྗེའི་སྙིང་སྟོབས་རྒྱུན་འཛིན་བྱེད་པའི་བཙན་ས་ཞིག་ཀྱང་ཡིན་པས། དེའི་ཐོན་ཁུངས་ལ་རྒྱལ་ཁབ་རིམ་པའི་རིན་ཐང་དང་ཐ་ན་འཛམ་གླིང་རིམ་པའི་རིན་ཐང་ལྡན་ཡོད། ཐེངས་འདིའི“ཀྲུང་གོ་རྒྱལ་ཁབ་ས་ཁམས། ཆེས་མཛེས་སྡུག་ལྡན་པའི་ཡུལ་ལྗོངས་ལམ་ཐིག”ཅེས་པའི་མིང་བྱང་དེ“དག་སྣང་མཚོ་བྱང་། མདོག་ལྔའི་གཡང་ས”ཞེས་པའི་མཚོ་བྱང་ལ་སྤྲད་དེ་དབང་གྲགས་རང་བཞིན་དང་ངོས་འཛིན་བྱེད་ཚད་ཆེན་པོ་ལྡན་པའི་ཀྲུང་གོ་རྒྱལ་ཁབ་ས་ཁམས་ཀྱི་མིང་བྱང་དེ་རྒྱུན་མཐུད་སྒོས་ཁྱབ་སྤེལ་བྱེད་པའི་སྒུལ་ཤུགས་སུ་བསྒྱུར་ནས་སྔར་ལས་མང་བའི་གནས་སྐོར་བ་མཚོ་བྱང་ལ་གནས་སྐོར་དུ་ཡོང་བའི་ཡིད་དབང་འགུག་རྒྱུའི་རེ་སྒུག་ཡོད་ཟེར།

བྱེད་སྒོའི་ཡུལ་དངོས་སུ། ངོ་མཚར་བའི་འཁྲབ་སྟོན་གྱིས་ཚང་མའི་མིག་དབང་རབ་ཏུ་འཕྲོག་ལ། མཛེས་སྡུག་ལྡན་པའི་མི་རིགས་ཀྱི་རྒྱན་གོས་འགྲེམས་འཁྲབ་ཀྱིས་མི་སེམས་མགུ་བར་བྱས། ཐང་ག་འགྲེམས་སྟོན་ཁུལ་དང་ཞིང་ཕྱུགས་ཐོན་རྫས་དང་ཁྱད་ལྡན་ཟས་མཆོག་འགྲེམས་ཚོང་བྱེད་སྒོ་ཁུལ་དུ་སྦྲང་རྩི་དང་ནས་ཀྱི་ཐོན་རྫས། ལོག་དཀར་སྣུམ་སོགས་ཞིང་ལས་ཐོན་རྫས་དང་ལུག་ཤ ཤ་སྐམ། འབྲི་ཞོ། ནས་ཀྱི་གོ་རེ། དཀྲུགས་ཇ་སོགས་ཁྱད་ལྡན་ཟས་མཆོག་ལ་ཡུལ་དངོས་ཀྱི་གནས་སྐོར་བ་རྣམས་ཀྱིས་དགའ་བསུ་ཆེན་པོ་ཐོབ་ནས་གཅིག་རྗེས་གཉིས་མཐུད་ངང་ཉོ་སྒྲུབ་བྱས་ཏེ་ཚོང་རྫས་རབ་ཏུ་བྲིན་པོ་བྱུང་།

ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་སློབ་གསོ་ཚན་རིག་རིག་གནས་འཕྲོད་བསྟེན་ཨུ་ལྷན། ཀྲུང་དབྱང་དང་ཞིང་ཆེན་གྱི་སྨྱན་སྦྱོར། མཚོ་སྔོན་མདེལ་གཉིས་སྐར་གཅིག་ལས་བྱེད་སློབ་གླིང་། ཞིང་ཆེན་དགུན་དུས་རྣམ་གྲངས་དང་ཕྱི་རོལ་འགུལ་སྐྱོད་དོ་དམ་ལྟེ་གནས། མཚོ་ལྷོ་ཁུལ་གསེར་ཆེན་རྫོང་མི་དམངས་སྲིད་གཞུང་། སྟོང་སྐོར་རྫོང་རིག་གནས་གནས་སྐོར་ཅུ་བཅས་ཀྱི་འབྲེལ་ཡོད་འགན་འཁུར་བློ་མཐུན་དང་། མཚོ་བྱང་ཁུལ་གྱི་རྫོང་བཞིའི་འབྲེལ་ཡོད་མགོ་ཁྲིད་ལས་བྱེད་པ། ཁུལ་ཐད་གཏོགས་སྡེ་ཁག་སོ་སོ་དང་ལས་ཁུངས་སོ་སོའི་འགན་འཁུར་བློ་མཐུན་གཙོ་བོ་དང་ལས་བྱེད་ལས་བཟོ་བའི་འཐུས་མི། ཁུལ་དང་རྫོང་གི་མཉམ་འདྲེས་སྨྱན་སྦྱོར་ལྟེ་གནས་ཀྱི་ལས་སྒྲུབ་མི་སྣ། དྲ་རྒྱའི་ཐད་གཏོང་མཁན། རང་མོས་སྨྱན་སྦྱོར་གྱི་འཐུས་མི། དེ་བཞིན་གནས་སྐོར་བ་དང་བྱེས་བགྲོད་ལ་དགའ་མཁན་བཅས་བྱེད་སྒོར་ཞུགས།