ཧན་ཀྲེང་གིས་དབྱི་སི་ལན་མཉམ་ལས་རྩ་འཛུགས་ཀྱི་དྲུང་ཆེ་ཐ་ཧ་དང་མཇལ་འཛོམས་གནང་བ།

སྒྲིག་སྒྱུར།    སངས་དོན།     ཡོང་ཁུངས།   ཞིན་ཧྭ་དྲ་བ།     བཤེར་འབེབས།    རིན་ཆེན་ཚེ་རིང་།

ཟླ1པོའིཚེས26ཉིན། རྒྱལ་ཁབ་ཀྱི་ཀྲུའུ་ཞི་གཞོན་པ་ཧན་ཀྲེང་གིས་པེ་ཅིང་དུ་དབྱི་སི་ལན་མཉམ་ལས་རྩ་འཛུགས་ཀྱི་དྲུང་ཆེ་ཐ་ཧ་དང་མཇལ་འཛོམས་གནང་། ཞིན་ཧྭ་གསར་འགྱུར་ཁང་གི་གསར་འགོད་པ། ལིའུ་ཀྲུང་པིན་གྱིས་པར་བླངས།

ཞིན་ཧྭ་གསར་འགྱུར་ཁང་པེ་ཅིང་ནས་ཟླ1པོའིཚེས26ཉིན་འབྱོར་བའི་གློག་འཕྲིན། ཟླ1པོའི་ཚེས26ཉིན། རྒྱལ་ཁབ་ཀྱི་ཀྲུའུ་ཞི་གཞོན་པ་ཧན་ཀྲེང་གིས་པེ་ཅིང་དུ་དབྱི་སི་ལན་མཉམ་ལས་རྩ་འཛུགས་ཀྱི་དྲུང་ཆེ་ཐ་ཧ་དང་མཇལ་འཛོམས་གནང་བ་རེད།

ཧན་ཀྲེང་གིས་ཀྲུང་གོ་དང་དབྱི་སི་ལན་རྒྱལ་ཁབ་དབར་གྱི་འབྲེལ་བར་ལོ་རྒྱུས་ཡུན་རིང་ལྡན་པ་དང་། ཀྲུང་ཧྭའི་ཤེས་དཔལ་དང་དབྱི་སི་ལན་ཤེས་དཔལ་དབར་ཡུན་རིང་སྤེལ་རེས་དང་ཕན་ཚུན་དཔྱད་གཞིར་འཛིན་གྱི་ཡོད། དབྱི་སི་ལན་རྩ་འཛུགས་ནི་ཀྲུང་གོས་དབྱི་སི་ལན་རྒྱལ་ཁབ་དབར་གྱི་འབྲེལ་བ་འཕེལ་རྒྱས་གཏོང་བའི་འབྲེལ་ཟམ་གལ་ཆེན་ཞིག་རེད། 2024ལོར་ཀྲུའུ་ཞི་ཞི་ཅིན་ཕིང་གིས་དམིགས་བསལ་འཐུས་མི་མངགས་ནས་དབྱི་སི་ལན་མཉམ་ལས་རྩ་འཛུགས་ཀྱི་མགོ་གཙོའི་ཚོགས་འདུ་སྐབས15པར་ཞུགས་པ་དང་འབྲེལ་ཚོགས་འདུར་རྟེན་འབྲེལ་གློག་འཕྲིན་བཏང་ནས་ཀྲུང་གོ་དང་དབྱི་སི་ལན་མཉམ་ལས་རྩ་འཛུགས་ཀྱི་འབྲེལ་བ་དུས་མཚམས་གསར་པར་སླེབས་པར་སྣེ་ཁྲིད་བྱས་ཡོད།  དབྱི་སི་ལམ་རྒྱལ་ཁབ་ཀྱིས་ཐའེ་དབན་དང་ཤིན་ཅང་བཅས་ཀྲུང་གོའི་ལྟེ་བའི་ཁེ་ཕན་དང་འབྲེལ་བ་ཡོད་པའི་གནད་དོན་ཐད་མུ་མཐུད་དུ་ཀྲུང་གོ་ཕྱོགས་ལ་རྒྱབ་སྐྱོར་མཐའ་གཅིག་ཏུ་བྱ་རྒྱུའི་རེ་བ་ཡོད་ཅེས་གསུངས་པ་རེད། 

ཐ་ཧ་ཡིས་དབྱི་སི་ལན་མཉམ་ལས་རྩ་འཛུགས་ཀྱིས་ཀྲུའུ་ཞི་ཞི་ཅིན་ཕིང་གིས་ཀྲུང་གོ་དང་དབྱི་སི་ལན་རྒྱལ་ཁབ་དབར་གྱི་མཛའ་གྲོགས་འབྲེལ་བ་འཕེལ་རྒྱས་གཏིང་ཟབ་འགྲོ་རྒྱུར་ཐུགས་ཁུར་དང་སྣེ་ཁྲིད་བྱས་པར་སྙིང་ཐག་པ་ནས་ཐུགས་རྗེ་ཆེ་ཞུས་པ་དང་།  ཀྲུང་གོའི་འཕེལ་རྒྱས་ཀྱིས་གོ་ལ་ཧྲིལ་པོའི་ལྷོ་ཕྱོགས་ལ་མིག་དཔེ་བསྟན་ཡོད། དབྱི་སི་ལན་མཉམ་ལས་རྩ་འཛུགས་ཀྱིས་ཀྲུང་གོ་དང་ཕྱོགས་ཡོངས་ནས་དངོས་སྒྲུབ་མཉམ་ལས་གཏིང་ཟབ་ཏུ་བཏང་ནས་ཐའེ་དབན་དང་ཤིན་ཅང་བཅས་ཀྱི་གནད་དོན་ཐད་ཀྲུང་གོ་ཕྱོགས་ལ་མུ་མཐུད་དུ་རྒྱབ་སྐྱོར་བརྟན་པོ་བྱེད་འདོད་ཡོད་ཅེས་བསྟན་པ་རེད།