མཁལ་རླུང་སེལ་བའི་སུག་སྨེལ་བཅུ་གཉིས་སྦྱོར་ཚད་ངེས་གྲངས་དངོས་དང་ཕན་ནུས་སྐོར།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  སྨན་སྦྱོར་རིག་པ་སྐོར་གྱི་རྒྱུན་ཤེས།  བཤེར་འབེབས།  རིན་ཆེན་ཚེ་རིང་།

མཁལ་རླུང་སེལ་བའི་སུག་སྨེལ་བཅུ་གཉིས། 

སུག་སྨེལ་ཞོ་ལྔ།  སྒ་སྐྱ་སྲང་གང་།  རྒྱམ་ཚྭ་ཞོ་བཞི།  པི་ལིང་ཞོ་ལྔ། སྡིག་སྲིན་ཞོ་བརྒྱད།  ལྕམ་འབྲུ་སྲང་གང་ཞོ་ལྔ།  ཨ་འབྲས་སྲང་གང་།  སྲ་འབྲས་ཞོ་བརྒྱད།  འཇམ་འབྲས་ཞོ་བདུན།  ཛཱ་ཏི་སྲང་གང་།  སྲམ་ཤ་ཞོ་ལྔ།  གླ་རྩི་སྐར་ལྔ་བཅས་གཙང་བཟོས་ཞིབ་བཏགས་ཕྱེ་རིལ་གང་རུང་བཟོ་རྒྱུ། 

ཕན་ནུས།

སུག་སྨེལ་བཅུ་གཉིས་བཟི་མེད་དྲོ་བ་འདིས། མཁལ་མའི་དྲོད་ཤོར་གཅིན་ཁ་སྙི་བ་དང་། ལྒང་བའི་རྡེའུ་སྐྲན་གཅིན་འགག་མཁལ་རླུང་སེལ།  ཐུན་ཚད་ན་ཚོད་ལུས་སྟོབས་བཟི་སོགས་སྦྱོར།