མཚོ་སྔོན་མི་རིགས་སློབ་ཆེན་དུ་མངོན་མིན་རིག་གནས་ཤུལ་བཞག་ཐང་ག་འབྲི་སྟངས་སློབ་ཁྲིད་བྱས་པ།

2024-12-18 15:39:58 | 156

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མི་དམངས་ཉིན་རེའི་ཚགས་པར། བཤེར་འབེབས། རིན་ཆེན་ཚེ་རིང་།

图片1.png

མཚོ་སྔོན་ཞིང་ཆེན་ཟི་ལིང་གྲོང་ཁྱེར་གྱི་མཚོ་སྔོན་མི་རིགས་སློབ་ཆེན་སྒྱུ་རྩལ་སློབ་གླིང་གི་བཟོ་རྩལ་མཛེས་རྩལ（ཐང་ག）གྱི་ཆེད་ལས་སློབ་མ་ཚོས་དགེ་རྒན་གྱི་མཛུབ་ཁྲིད་འོག་ཐང་ག་འབྲི་སྟངས་སྦྱོང་བཞིན་པ།

ཐང་ག་ནི་བོད་ཀྱི་རིག་གནས་ཀྱི་ཐུན་མིན་ཁྱད་ཆོས་ལྡན་པའི་རི་མོའི་སྒྱུ་རྩལ་གྱི་རྣམ་པ་ཞིག་རེད་ལ། མཚོ་བོད་ས་མཐོའི་མཚོན་བྱེད་རང་བཞིན་ཆེ་ཤོས་ལྡན་པའི་མངོན་མིན་རིག་གནས་ཤུལ་བཞག་ཅིག་ཀྱང་རེད། 2001ལོར་མཚོ་སྔོན་མི་རིགས་སློབ་ཆེན་གྱིས་དམངས་ཁྲོད་ཀྱི་སྲོལ་རྒྱུན་བཟོ་རྩལ་ཐང་ག་འབྲི་སྟངས་དེ་མཐོ་རིམ་སློབ་གསོའི་མ་ལག་ནང་བཅུག་པས། ཐང་གའི་འབྲེལ་ཡོད་སློབ་ཚན་ཐེངས་དང་པོ་ཁྲིད་པའི་མཚོ་སྔོན་གྱི་མཐོ་རིམ་སློབ་གྲྭར་གྱུར་ཡོད། ཕྱིས་སུ་ཆེད་ལས་དེ་རྒྱལ་ཁབ་རིམ་པའི་ཁྱད་ལྡན་ཆེད་ལས་སུ་བདམས་རྗེས་དམངས་ཁྲོད་ཀྱི་དགེ་སློབ་ཀྱི་རྒྱུན་འཛིན་བྱེད་སྟངས་ནས་སློབ་གྲྭར་སློབ་ཁྲིད་བྱེད་སྟངས་བར་བསྒྱུར་ཏེ། སྲོལ་རྒྱུན་གྱི་མི་རིགས་རིག་གནས་ལ་ཤེས་ལྡན་པ་འབོར་ཆེན་གསོ་སྐྱོང་བྱས་པས་མངོན་མིན་རིག་གནས་ཤུལ་བཞག་ཐང་ག་རྒྱུན་འཛིན་སྔར་བས་ལེགས་པ་ཐུབ་ཡོད།

图片2.png

འདི་ནི་མཚོ་སྔོན་མི་རིགས་སློབ་ཆེན་སྒྱུ་རྩལ་སློབ་གླིང་གི་བཟོ་རྩལ་མཛེས་རྩལ（ཐང་ག）གྱི་ཆེད་ལས་སློབ་མས་ཐང་ག་འབྲི་བཞིན་པ།

སྐབས་སྔོན་མ། མཚོ་སྔོན་གྱི་རླན་ས་སྲུང་སྐྱོབ་འཆར་འགོད་ཀྱིས“ཀྲུང་ཧྭའི་ཆུ་གསོག་མཐོ་ལྕོག”གི་སྐྱེ་ཁམས་བདེ་འཇགས་ལ་ཁག་ཐེག་བྱེད་པ།

སྐབས་རྗེས་མ། བཙན་པོ་ཁྲི་ལྡེ་གཙུག་བཙན་རིང་གི་བློན་ཆེན་པོ་དབས་ཁྲི་གཟིགས་ཞང་ཉེན་གྱི་ལོ་རྒྱུས་ལ་དཔྱད་པ།