དེ་རིང་ནི2024ལོའི་ཟླ12པའི་ཚེས21ཡིན།
མདུན་ངོས། མགོ་ཁྲིད། གསར་འགྱུར། སྲིད་དོན། ཕ་ཡུལ། རིག་གནས། ལོ་ཙཱ། རྒྱུན་ཤེས། བརྙན་ཟློས། 地名pdf

སྣ་མང་ཕུན་སུམ་ཚོགས་པའི་བོད་ཟས།

2024-09-25 15:04:32   |   628

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་སྔོན་པོ་དྲ་བ། བཤེར་འབེབས། རིན་ཆེན་ཚེ་རིང་།


       བོད་ཟས་ནི་ལོ་རྒྱུས་ཡུན་རིང་ལྡན་ལ་བོད་མི་རིགས་རང་ཉིད་ཀྱི་ཁྱད་ཆོས་མཚོན་པའི་ཟས་རིགས་ཤིག་ཡིན་ཞིང་། དེའང་བོད་ཀྱི་ས་བབ་དང་། གནམ་གཤིས་འཕྲོད་སྦྱོར་སོགས་གང་ཅིའི་ཐད་ནས་མིའི་ལུས་ཁམས་ལ་ཕན་ཞིང་ཐུན་མོང་མ་ཡིན་པའི་ཚལ་རིགས་རོ་བཅུད་ལྡན་ལ་སྣེ་མང་ཕུན་སུམ་ཚོགས་པོ་ཡོད། ཟས་རིགས་ཀྱི་རྒྱུ་ཆ་ཕལ་ཆེ་བ་བོད་ཀྱི་ས་གནས་ཁག་ནས་ཐོན་པ་མ་ཟད། དེར་རྫས་འགྱུར་གྱི་རིགས་ཧ་ཅང་ཉུང་བས་མིའི་ལུས་ཁམས་ལ་འཕྲོད་པ་དང་འཇུ་སྟབས་བདེ་པོ་ཡོད། བོད་རིགས་ཀྱི་རྒྱུན་གཏན་འཚོ་བའི་ནང་རྩམ་པ་དང་། གྲོ་ཞིབ། མར། ཚག་ཤ ལུག་ཤ བོད་ཕག ཇ་ཆང་། འོ་ཞོ། ཕྱུར་བ། དེ་མིན་གྱི་ཚལ་རིགས་སྣ་ཚོགས་བཅས་ཕུན་སུམ་ཚོགས་ལ་སྣ་ཁ་འཛོམས་ཤིང་། དེའང་ལོ་གཅིག་དུས་བཞི་བོ་སོར་ཟས་རིགས་ཀྱི་རོ་བཅུད་དང་། ཁ་དོག སྦྱོར་སྡེབ་བྱེད་སྟངས་ཐད་དབྱེ་བ་མི་འདྲ་བ་ཡོད་པ་དཔེར་ན། དགུན་དུས་དང་དཔྱིད་དུས་ཟ་བའི་ཕྱུར་རུལ་ལ་ཆ་མཚོན་ན་ཕྱུར་བ་རུལ་སྐམ་བཏང་བ་དང་། སུར་པན། གྲོ་ཞིབ་བམ་རྩམ་པ། ཤ་ཚིལ་འདྲེས་མ་སོགས་མཉམ་དུ་བསྐོལ་བ་ཞིག་རེད། དེའི་ཕན་ནུས་ནི་དཔྱིད་ཆུ་ངན་པ་དང་། དགུན་དུས་གནམ་གཤིས་གྲང་ངར་ཆེ་བའི་དུས་སུ་མིའི་ལུས་ཁམས་ལ་ཕན་པ་ཆེ་བ་མ་ཟད། དྲོད་ཁུག་པ་དང་། སྤགས་འདེད་ཐུབ་པ་བཅས་ཀྱི་ཕན་ནུས་མང་པོ་ལྡན།

6dee4eee4f9b4fe7873d59349f6ec018.jpgc5d414dcaed3e1a938ba5edf852c92e0.jpgd0ee44a7aaca23aefff2eb3ab09f18d2.jpg6f593d175cda0115bb5cf335903697f2.jpgbbd9c35db6cabe77272c632a4b35f5b8.jpg


མཉམ་སྤྱོད།