རྒྱལ་ཡོངས་བོད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས22པ་བསྡུས།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། རྔ་བ་ཁུལ་གསར་འགྱུར་སྨྱན་སྦྱོར་ལྟེ་གནས། བཤེར་འབེབས། རིན་ཆེན་ཚེ་རིང་།

རྒྱལ་ཡོངས་བོད་སྐད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉེར་གཉིས་པ་ཟླ9པའི་ཚེས2ཉིན་སི་ཁྲོན་ཞིང་ཆེན་རྔ་བ་ཁུལ་འབར་ཁམས་གྲོང་ཁྱེར་ནས་བསྡུས། པེ་ཅིང་དང་བོད་ལྗོངས། མཚོ་སྔོན། སི་ཁྲོན། ཀན་སུའུ། ཡུན་ནན་སོགས་ཀྱི་སྨྱན་སྦྱོར་ལས་ཁུངས33ནས་ཡོང་བའི་གསར་འགྱུར་ལས་བྱེད་པ70ལྷག་ཚོགས་འདུར་ཞུགས། ཚོགས་འདུ་རྒྱལ་ཡོངས་བོད་སྐད་ཡིག་སྨྱན་སྦྱོར་མཐུན་སྦྱོར་ཚོགས་འདུའི་རྩ་འཛུགས་ཨུ་དང་རྔ་བ་ཁུལ་གསར་འགྱུར་སྨྱན་སྦྱོར་ལྟེ་གནས་ཀྱིས་གཙོ་སྒྲུབ་བྱས་པ་ཡིན་ལ་ཚོགས་ཡུན་ཉིན5ཡིན།

ཚོགས་ཆེན་གྱི་གྲ་སྒྲིག་ཚོགས་འདུའི་ཐོག《རྒྱལ་ཡོངས་བོད་སྐད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉེར་གཉིས་པའི་གསར་འགྱུར་བརྩམས་ཆོས་འོས་འདེམས་ཐབས་ལམ》དང《རྒྱལ་ཡོངས་བོད་སྐད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉེར་གཉིས་པའི་སྨྱན་སྦྱོར་གསར་བའི་གསར་འགྱུར་བརྩམས་ཆོས་འོས་འདེམས་ཐབས་ལམ》《རྒྱལ་ཡོངས་བོད་སྐད་ཡིག་སྨྱན་སྦྱོར་མཐུན་ཚོགས་ཀྱི་ཚོགས་ཞུགས་སྡེ་ཁག་གིས་གཙོ་སྒྲུབ་ས་གནས་ཕྱོགས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་གྲུབ་འབྲས་བཀོད་པའི་གསར་འགྱུར་བརྩམས་ཆོས་ལ་བྱ་དགའ་སྩོལ་བའི་གཏན་འབེབས》སོགས་ལ་གྲོས་འཆམ་བྱུང་།　རྒྱལ་ཡོངས་བོད་སྐད་ཡིག་སྨྱན་སྦྱོར་མཐུན་སྦྱོར་ཚོགས་འདུ་སྐབས་ཉེར་གསུམ་པ་ཁམས་པའི་བརྙན་འཕྲིན་ཁང་ནས་འཚོགས་རྒྱུ་གྲོས་མོལ་བྱས་ནས་གྲོས་ཐག་བཅད།

རྒྱུས་ལོན་པ་ལྟར་ན། ཐེངས་འདིའི་ཚོགས་འདུས2023ལོའི་ཟླ7པའི་ཚེས1ཉིན་ནས2024ལོའི་ཟླ6པའི་ཚེས30ཉིན་བར་རྒྱལ་ཡོངས་བོད་སྐད་ཡིག་སྨྱན་སྦྱོར་ཚགས་པར་དང་རྒྱང་སྒྲོག་བརྙན་འཕྲིན། སྨྱན་སྦྱོར་གསར་བ་བཅས་སུ་བཏོན་པའི་ཕུལ་བྱུང་བརྩམས་ཆས་ལ་དཔྱད་འདེམས་བྱ་རྒྱུ་ཡིན་ལ་བོད་སྐད་ཡིག་སྨྱན་སྦྱོར་ལས་ཁུངས་ནས་བསྡུས་པའི་མིང་བརྡ་གསར་བར་དཔྱད་ཞིབ་དང་གཅིག་གྱུར་བྱ་རྒྱུ་ཡིན།　ཚོགས་འདུའི་སྐབས་སུ་ད་དུང་རྔ་བར་མཇལ་འཛོམས།　རིན་ཆེན་གཏེར་མཛོད་ཀྱི་གནས་མཆོག་འབར་ཁམས་འཚོལ་བ་ཞེས་པའི་ཆེ་གྲས་གསར་འགྱུར་བཅར་འདྲིའི་བྱེད་སྒོ་སྤེལ་རྒྱུ་རེད།  །