ཚན་རིག་པས་མདོ་དབུས་མཐོ་སྒང་ནས་འཛམ་གླིང་གི་ཟིན་ཐོ་གསར་བ་བཏོད།

2024-11-06 09:02:25 | 248

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་སྔོན་ཚན་རྩལ་ཚགས་པར། བཤེར་འབེབས། རིན་ཆེན་ཚེ་རིང་།

ཉེ་ལམ། རང་རྒྱལ་གྱི་ཚན་རིག་པས་བོད་རང་སྐྱོང་ལྗོངས་ནག་ཆུ་གྲོང་ཁྱེར་མཚེའུ་གཉིས་རྫོང་འབུར་ལུགས་གངས་རི་ནས་སའི་གོ་ལའི་འཕྲེད་ཚད་དམའ་འབྲིང་འཁྱགས་ཀླུང་གི་ཆེས་རིང་བའི་འཁྱགས་སྙིང་བླངས་པ་དང་། དེའི་རིང་ཚད་ལ་སྨི324ཡོད་པས་འཛམ་གླིང་གི་ཟིན་ཐོ་གསར་བ་བཏོད་པ་རེད།

图片1.png

ཚན་ཞིབ་རུ་ཁག་འབུར་ལུགས་གངས་རིའི་འཁྱགས་ཀླུང་གི་རྩེ་མོའི་མཚོ་འཕགས་སྨི6100གི་འཁྱགས་གུརCལས་སྒྲུབ་སྒར་ས་རུ་ཡོད་པ།

འབུར་ལུགས་གངས་རིའི་འཁྱགས་ཀླུང་ནི་སའི་གོ་ལའི་ཆེས་ཆེ་བའི་འཕྲེད་ཚད་དམའ་འབྲིང་འཁྱགས་ཀླུང་ཞིག་ཡིན་ལ། མཐུག་ཚད་འཇལ་བ་དང་འཁྱགས་སྙིང་ལེན་པ་སོགས་བརྒྱུད་ནས། འབུར་ལུགས་གངས་རིའི་འཁྱགས་ཀླུང་ལ་ད་ལྟ་འབྱུང་བཞིན་པའི་འགྱུར་ལྡོག་དང་ཟིན་ཐོར་བཀོད་ཟིན་པའི་ཁོར་ཡུག་གི་འགྱུར་ལྡོག་སོགས་ལ་སྔར་ལས་ལྷག་པའི་ཞིབ་ལྟ་བྱས་ཚེ། སའི་གོ་ལའི་ནམ་ཟླ་ཇེ་དྲོར་འགྲོ་བ་ཡིས་འཁྱགས་ཀླུང་ལ་ཐེབས་པའི་ཤུགས་རྐྱེན་ཐད་ཕྱོགས་ཡོངས་ནས་རྒྱུས་ལོན་བྱེད་ཐུབ།

图片2.png

ཚན་ཞིབ་རུ་མིས་འཁྱགས་ཀླུང་འབིགས་བཞིན་པ།

ཐེངས་འདིའི་ཚན་ཞིབ་ཀྱིས་ད་དུང་ས་གནས་གཞན་ཞིག་ནས་ཀྱང་སྨི172ཅན་གྱི་མཐིལ་རྟོལ་འཁྱགས་སྙིང་བླངས་ཡོད། མཐིལ་རྟོལ་འཁྱགས་སྙིང་ནི་འཁྱགས་ཀླུང་གི་ཕྱི་ངོས་ནས་ཐད་ཀར་གཏིང་མཐིལ་གྱི་བྲག་རྡོ་ལ་ཐུག་མཚམས་བར་གྱི་འཁྱགས་སྙིང་ལ་ཟེར་ཞིང་། དེ་ནི་འཁྱགས་ཀླུང་གྲུབ་པའི་ལོ་རབས་དང་གཏིང་རིམ་གྱི་འགུལ་སྐྱོད་གནས་ཚུལ་ལ་རྒྱུས་ལོན་བྱེད་པར་ཧ་ཅང་གལ་ཆེ་བ་ཡིན།

སྐབས་སྔོན་མ། མཚོ་བྱང་ཁུལ་རིག་གནས་ཁང་ལ་རྒྱལ་ཡོངས་ཀྱི་གཟི་བརྗིད་མཚན་སྙན་ཐོབ།

སྐབས་རྗེས་མ། སློབ་སྐྱོར་དངུལ་བུན་གྱི་ཚད་སྤར་ནས་སྐྱེད་ཀ་སྙོམས་སྒྲིག་བྱས་པ།