ཁག་ལྔ་པའི་ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་འོས་སྦྱོར་ཁས་ལེན་གྱི་མིང་ཐོ（མི85）ཡོངས་བསྒྲགས་བྱས།

སྒྲིག་སྒྱུར།   སངས་དོན།     ཡོང་ཁུངས།   མཚོ་སྔོན་ཉིན་རེའི་ཚགས་པར།     བཤེར་འབེབས།   རིན་ཆེན་ཚེ་རིང་།

ཞི་ཅིན་ཕིང་གི་རིག་གནས་བསམ་བློ་དང་དངོས་པོ་མ་ཡིན་པའི་རིག་གནས་ཤུལ་བཞག་སྲུང་སྐྱོང་ལས་ཀའི་སྐོར་གྱི་སྤྱི་ཁྱབ་ཧྲུའུ་ཅི་ཡི་མཛུབ་སྟོན་དང་མཆན་བཀོད་མཛུབ་སྟོན་གལ་ཆེན་གྱི་དགོངས་དོན་ལག་བསྟར་དོན་འཁྱོལ་བྱེད་པ་དང་།    དངོས་པོ་མ་ཡིན་པའི་རིག་གནས་ཤུལ་བཞག་རྒྱུན་འཛིན་པའི་དཔུང་སྡེ་འཛུགས་སྐྱོང་བྱེད་ཤུགས་ཆེ་རུ་གཏོང་བ།    ཞིང་ཆེན་རིམ་པའི་དངོས་པོ་མ་ཡིན་པའི་རིག་གནས་ཤུལ་བཞག་གི་མཚོན་བྱེད་རང་བཞིན་ལྡན་པའི་རྣམ་གྲངས་སྲུང་སྐྱོང་དང་རྒྱུན་འཛིན་ནུས་ལྡན་བཅས་བྱེད་ཆེད།     《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མངོན་མིན་རིག་གནས་ཤུལ་བཞག་གི་བཅའ་ཁྲིམས》དང་།    《མཚོ་སྔོན་ཞིང་ཆེན་གྱི་མངོན་མིན་རིག་གནས་ཤུལ་བཞག་གི་སྲོལ་ཡིག》《མཚོ་སྔོན་ཞིང་ཆེན་གྱི་ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་གཏན་འཁེལ་དང་དོ་དམ་བྱ་ཐབས》བཅས་གཞིར་བཟུང་ནས།    ཞིང་ཆེན་རིག་གནས་དང་གནས་སྐོར་ཐིང་གིས་ཁག་ལྔ་པའི་ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པ་རེ་ཞུ་དང་དཔྱད་ཞིབ་ལས་དོན་སྤེལ་བ་རེད།     གྲོང་ཁྱེར་དང་རང་སྐྱོང་ཁུལ་ཁག་གི་རིག་གནས་གནས་སྐོར་སྲིད་འཛིན་སྡེ་ཚན་དང་ཞིང་ཆེན་ཐད་གཏོགས་རྣམ་གྲངས་སྲུང་སྐྱོང་ཚན་པས་འོས་སྦྱོར་དང་།    ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་དཔྱད་ཞིབ་ལས་དོན་ཨུ་ལྷན་གྱི་ཆེད་མཁས་པས་དཔྱད་ཞིབ།    རེ་ཞུ་བྱེད་མཁན་གྱིས་ཡུལ་དངོས་ནས་རྩོད་ལན་འདེབས་པ།    ཞིང་ཆེན་མངོན་མིན་རིག་གནས་ཤུལ་བཞག་དཔྱད་ཞིབ་ཨུ་ལྷན་དང་ཞིང་ཆེན་རིག་གནས་དང་གནས་སྐོར་ཐིང་གི་ལས་དོན་ཨུ་ལྷན་གྱིས་གྲོས་ཞིབ་བཅས་བྱས་པ་བརྒྱུད།    ཁག་ལྔ་པའི་ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པའི་འོས་སྦྱོར་དང་གཏན་འཁེལ་བྱ་རྩིས་ཡོད་པའི་མིང་ཐོ་ཁྱོན85ཡོད་པ་རེད།     ད་ལྟ་ཁག་ལྔ་པའི་ཞིང་ཆེན་རིམ་པའི་མངོན་མིན་རིག་གནས་ཤུལ་བཞག་གི་མཚོན་བྱེད་རང་བཞིན་གྱི་རྒྱུན་འཛིན་པའི་འོས་སྦྱོར་མིང་ཐོ་སྤྱི་ཚོགས་ལ་ཡོངས་བསྒྲགས་བྱ་རྒྱུ་ཡིན་ཞིང་།    ཡོངས་བསྒྲགས་དུས་ཚོད་དེ་རིང་ནས་2024ལོའི་ཟླ12ཚེས22ཉིན་བར་ཡིན།     གལ་ཏེ་བསམ་འཆར་མི་མཐུན་པ་ཡོད་ཚེ་སྤྱི་བསྒྲགས་དུས་ཡུན་ནང་ཡིག་ཐོག་གི་རྣམ་པའི་ཞིང་ཆེན་རིག་གནས་དང་གནས་སྐོར་ཐིང་ལ་དངོས་མིང་བཀོད་ནས་བསམ་འཆར་ཡར་ཞུ་བྱེད་ཆོག（སྦྲག་ཐམ་མམ་ཡང་ན་སྦྲག་གཏོང་ཚེས་གྲངས་ཚད་གཞིར་འཛིན་རྒྱུ） ཡར་ཞུ་བྱས་པའི་གནད་དོན་ངེས་པར་དུ་བདེན་པ་དང་ཡང་དག་ཡིན་དགོས་པ་དང་།    ནང་དོན་ཞིབ་ཕྲ་ཡིན་དགོས་པ་མ་ཟད།    འབྲེལ་ཡོད་བརྟག་དཔྱད་ཞིབ་བསྡུར་བྱས་པའི་ཁུངས་སྣེ་དང་དཔང་རྟགས་དཔྱད་ཡིག་མཁོ་འདོན་བྱེད་དགོས།     

བདག་སྤྲོད་ཚན་པ།    མཚོ་སྔོན་ཞིང་ཆེན་རིག་གནས་དང་གནས་སྐོར་ཐིང་མངོན་མིན་རིག་གནས་ཤུལ་བཞག་ཁང་།    

འཕྲིན་གཏོང་ས་གནས།    མཚོ་སྔོན་ཞིང་ཆེན་ཟི་ལིང་གྲོང་ཁྱེར་གྲོང་དབུས་བཅིངས་འགྲོལ་ལམ་ཨང12པ། 

འབྲེལ་གཏུག་ཁ་པར།    0971-8239452

གློག་རྡུལ་སྦྲག་སྒམ།    qinghaifeiyichu@163.com 

2024ལོའི་ཟླ12ཚེས3ཉིན།