དེ་རིང་། ཁོང་ཚོས་རྐྱེན་ལམ་དུ་ཤོར་བའི་སྤུན་ཟླ་ཚོར་མྱ་ངན་ཞུས།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། ཤིན་ཧྭ་གསར་འགྱུར་ཁང་། བཤེར་འབེབས། རིན་ཆེན་ཚེ་རིང་།

བོད་ལྗོངས་དིང་རིའི་རིམ་པ6.8ཅན་གྱི་ས་ཡོམ་ལས་རྐྱེན་ལམ་དུ་ཤོར་བའི་སྤུན་ཟླ་རྣམས་ལ་མྱ་ངན་ཞུ་བའི་ཆོ་ག་ཚེས13ཉིན་གྱི་སྔ་དྲོའི་ཆུ་ཚོད9དང་སྐར་མ30ཡི་སྟེང་གནོད་འཚེ་ཐེབས་ཚད་ཚབས་ཆེན་ཡིན་པའི་ཁྲང་སོ་ཡུལ་ཚོ་རུ་སྤེལ། གནོད་སྐྱོབ་ལས་དོན་དུ་ཞུགས་མཁན་བཅིངས་འགྲོལ་དམག་དང་། དྲག་ཆས་ཉེན་རྟོག་པའི་དཔོན་དམག མེ་གསོད་རོགས་སྐྱོབ་མི་སྣ།  སྤྱི་བདེའི་མི་དམངས་ཉེན་རྟོག་པ། སྨན་དོན་མི་སྣ། གཞོན་ནུ་དང་བླངས་པ་དང་འབྲེལ་ཡོད་ཁེ་ལས་ཀྱི་ལས་བཟོ་དང་། ལས་བྱེད་པ། ས་ཡོམ་ཁུལ་གྱི་མང་ཚོགས་ཀྱི་འཐུས་མི་བཅས་མི་གྲངས་བརྒྱ་ཕྲག་ཁ་ཤས་ཀྱིས་ཞྭ་མོ་ཕུད་ནས་གཟབ་ནན་ངང་རྐྱེན་ལམ་དུ་ཤོར་བའི་སྤུན་ཟླ་ཚོར་སྐར་མ་གསུམ་ཡུན་གྱི་མྱ་ངན་ཞུས།