མཚོ་བྱང་ཁུལ་གྱི་ལས་བྱེད་པ756སྡེ་བ214ལ་སོང་ནས་ཡིག་ཆ་ཨང་དང་པོ་སྒྲོག་འགྲེལ་བྱས།

རྩོམ་སྒྲིག   སངས་དོན།     ཡོང་ཁུངས།   མཚོ་བྱང་མདོ་ལ་བོད་ཡིག་ཚགས་པར།     བཤེར་འབེབས།    རིན་ཆེན་ཚེ་རིང་།

ཉེ་ཆར། མཚོ་བྱང་ཁུལ་གྱི2026ལོའི་ལས་བྱེད་པ་གཞི་རིམ་དུ་བསྐྱོད་དེ་ཡིག་ཆ་ཨང་དང་པོ་སྒྲོག་འགྲེལ་བྱེད་པའི་བྱེད་སྒོ་སྤེལ་མགོ་བརྩམས་ཤིང་། མཚོ་བྱང་ཁུལ་གྱིས་གྲོང་གསེབ་དར་སྤེལ་སྦྲེལ་མཐུད་ནུས་ལྡན་བྱེད་པའི་ཧྲུའུ་ཅི་དང་པོ་དང་སྡེ་སྡོད་ལས་སྒྲུབ་མི་སྣ287གཙོ་བོ་ཡིན་ཞིང་། ཐིན་རིམ་པའི་ལས་བྱེད་པ31དང་རྫོང་རིམ་པའི་ལས་བྱེད་པ201གིས་རུ་ཁག་གི་སྣེ་ཁྲིད་དེ། ཁྱོན་ལས་བྱེད་པ756ཁུལ་ཡོངས་ཀྱི་རྫོང4ཡི་ཡུལ་ཚོ་དང་གྲོང་རྡལ30ཡི་སྡེ་བ214རུ་སོང་ནས་ཀྲུང་དབྱང་དང་ཞིང་ཆེན་ཏང་ཨུ། ཁུལ་ཨུ་བཅས་ཀྱི་ཡིག་ཆ་ཨང་དང་པོ་སྒྲོག་འགྲེལ་བྱེད་པའི་བྱ་བ་སྤེལ། 

ཐེངས་འདིའི་བྱེད་སྒོ་དེ་ཟླ2པའི་ཚེས28ནས་མགོ་བརྩམས་ཏེ་ཟླ4པའི་ཚེས4ཉིན་མཇུག་སྒྲིལ་རྒྱུ་རེད། ཉིན36གི་དུས་ཚོད་གང་ལེགས་སྒོས་སྤྱད་དེ། ལས་བྱེད་པ་སྡེ་བ་དང་ཁྱིམ་ཚང་དུ་བསྐྱོད་པ་སྒྲིག་འཛུགས་བྱས་ཏེ། གོ་བདེ་བའི་སྐད་ཆ་དང་གསོན་ཉམས་ལྡན་པའི་དཔེ་མཚོན་ཐོག་ནས་ཀྲུང་དབྱང་དང་། ཞིང་ཆེན་ཏང་ཨུ་དང་ཁུལ་ཨུའི“ཡིག་ཆ་ཨང་དང་པོའི”དགོངས་དོན་དང་། ཀྲུང་དབྱང་གི་དཔལ་འབྱོར་བྱ་བའི་ཚོགས་འདུའི་དགོངས་དོན། ཀྲུང་དབྱང་གི་ཞིང་སྡེའི་བྱ་བའི་ཚོགས་འདུའི་དགོངས་དོན་བཅས་རྒྱ་ཁྱབ་གཏིང་ཟབ་སྒོས་དྲིལ་སྒྲོག་བྱེད་པ་དང་། ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་བཅུ་པ་དང་། ཞིང་ཆེན་ཏང་ཨུའི་ཞིང་སྡེ་འབྲོག་ཁུལ་བྱ་བའི་ཚོགས་འདུ། ཞིང་ཆེན་དང་ཁུལ་གྱི་ཚོགས་ཆེན་གཉིས་ཀྱི་དགོངས་དོན་བཅས་ལག་བསྟར་གཏིང་ཟབ་བྱས་ཏེ་ཏང་གི་ཞིང་དར་ཞིང་ཕན་ཞིང་ཕྱུག་གི་སྲིད་ཇུས་དེ་ཇི་མ་ཇི་བཞིན་ཞིང་སྡེ་འབྲོག་ཁུལ་དང་། ཐོན་སྐྱེད་ཀྱི་འཐབ་ཕྱོགས་དང་པོར་དྲིལ་སྒྲོག་བྱས་ནས་ཞིང་སྡེ་འབྲོག་ཁུལ་གྱི་ལས་བྱེད་མང་ཚོགས་ཀྱིས་གྲོང་གསེབ་དར་སྤེལ་ལ་ཁྱོན་ཡོངས་ནས་སྐུལ་འདེད་གཏོང་བའི་ཡིད་ཆེས་དང་ངར་ཤུགས་ཟམ་མི་ཆད་པར་ཆེ་རུ་གཏོང་རྒྱུ་རེད།

བྱེད་སྒོའི་ཁྲོད། རིམ་པ་སོ་སོའི་ལས་བྱེད་པ་ཞིང་ཕྱུགས་ལས་ཐོན་སྐྱེད་ཀྱི་འཐབ་ས་དང་པོར་བསྐྱོད་དེ་གཞི་རིམ་ལ་གཞོགས་འདེགས་ཀྱིས་དཔྱིད་དུས་ཀྱི་ཐོན་སྐྱེད་དང་ཞིང་ཕྱུགས་ལས་ཀྱི་གེགས་འགོག་གེགས་སེལ་ལ་དམ་འཛིན་ཡག་པོ་བྱེད་པ་དང་འབྲུ་རིགས་བདེ་འཇགས་དང་ཞིང་ལས་ཐོན་རྫས་གལ་ཆེན་མཁོ་སྤྲོད་ལ་ནུས་ཤུགས་ཡོད་རྒུས་འགན་ལེན་བྱེད་པ། གྲོང་གསེབ་ཀྱི་ཁྱད་ལྡན་ཐོན་ལས་སྐྱེད་སྲིང་དང་སྟོབས་ཆེར་གཏོང་བ། "མ་དངུལ་གསུམ"གྱི་དོ་དམ་ཚད་ལྡན་དུ་བཏང་ནས་རོང་འབྲོག་ཁུལ་གྱི་ངལ་རྩོལ་ནུས་ཤུགས་ཀྱི་གནས་ཚུལ་དང་ལས་ཞུགས་ཀྱི་དགོས་མཁོ་གྲལ་བཤེར་བྱེད་པ་སྒྲིག་འཛུགས་བྱས་ནས། ཕྱོགས་སོ་སོའི་ཐོན་ཁུངས་གནད་འཁེལ་སྒོས་སྦྲེལ་མཐུད་དང་། ལས་ཞུགས་ཞབས་ཞུ་དང་རྩལ་ནུས་གསོ་སྦྱོང་ལ་ཤུགས་བསྣན་ཏེ་མང་ཚོགས་ལ་སྔར་ལས་འཐུས་ཚང་དང་སྤུས་ཚད་མཐོ་བའི་ལས་ཞུགས་མངོན་འགྱུར་བྱེད་པར་རོགས་རམ་བྱ་རྒྱུ་རེད།

དེ་དང་ཆབས་ཅིག་རོང་འབྲོག་ཁུལ་གྱི་བཅོས་སྒྱུར་སྲིད་ཇུས་དྲིལ་སྒྲོག་བྱ་རྒྱུ་སྒྲིག་འཛུགས་བྱས་ཏེ། གཞི་རིམ་ལ་བཅོས་སྒྱུར་གྱི་ཐབས་ལམ་འཚོལ་ཞིབ་བྱེད་རོགས་དང་ཐོན་ཁུངས་ཀྱི་རྒྱུ་རྐྱེན་གཙོ་བོ་སྐུལ་སློང་བྱས་ནས་གྲོང་གསེབ་བཅོས་སྐྱོང་གི་ཕན་ནུས་ཆེ་རུ་གཏོང་རྒྱུར་གཞོགས་འདེགས་བྱས་ཏེ། ཉེན་ཁའི་འགལ་བ་གྲལ་བཤེར་དང་སེལ་བ། དཔལ་ཡོན་སྲོལ་གསར་སྐྱེད་སྲིང་བཅས་བྱས་ནས་བརྟན་ལྷིང་གོ་རིམ་ལྡན་པ་དང་གསོན་ཤུགས་ཀྱིས་ཁེངས་པའི་གྲོང་གསེབ་ཀྱི་སྤྱི་ཚོགས་ཁོར་ཡུག་ཅིག་གཏོད་རྒྱུ་རེད།