ཚེས་ཆ་དང་གནམ་གཤིས།

སྒྲིག་སྒྱུར། ཀླུ་མོ་མཚོ།   ཡོང་ཁུངས། མཚོ་སྔོན་གནམ་གཤིས་ལས་ཁུངས།   བཤེར་འབེབས། རིན་ཆེན་ཚེ་རིང་།

སང་ཉིན་གྱི་ཚེས་ཆ།

སང་ཉིན་གྱི་གནམ་གཤིས། 

དེ་རིང་དགོང་མོར། སྐུ་འབུམ་དང་སྟོང་སྐོར། དཔའ་ལུང་། ཡ་རྫི། གཏེར་ལེན་ཁ་གྲོང་ཁྱེར། ཐེམ་ཆེན། གཏེར་ལམ། དབུས་ལམ། གུང་ཧོ། བྲག་དཀར། མང་རྫོང་། འབའ་རྫོང་། རྨ་ཆེན། གཅིག་སྒྲིལ། དགའ་བདེ། པདྨ། རེབ་གོང་། གཅན་ཚ། རྨ་ལྷོ་སོག་རྫོང་། རྩེ་ཁོག་བཅས་ཀྱི་ཡུལ་ཚོ་དང་གྲོང་རྡལ་ཁ་ཤས་སུ་ཁངས་ཆེན་པོ་ནས་ཁངས་དྲག་པོ(སྨི་སྟོང་ཤས5ནས12བར)ཡོད་པ་དང་།     མཚོ་བྱང་གི་ས་ཆ་མང་ཆེ་བ་དང་རྟ་ཐང་། ཧོར་གྲོང་། མིན་ཧོ། ཁྲི་ཀ། དར་ལག རྨ་སྟོད་བཅས་སུ་ཁངས་འབྲིང(སྨི་སྟོང་ཤས2.5ནས4.5བར)འབབ་ཀྱི་ཡོད་ལ།     མང་ཨེ་དང་འཁྱག་མཚོ། རྫ་སྟོད་བཅས་སུ་སྤྲིན་མང་བའམ་ཡང་ན་གནམ་རུབ་རྒྱུ་དང་། ཞིང་ཆེན་ནང་ཁུལ་གྱི་ས་ཁུལ་གཞན་དག་ཏུ་ཁངས་ཆུང་ཆུང(སྨི་སྟོང་ཤས0.1ནས2.4བར)འབབ་རྒྱུ་རེད། 

སང་ཉིན་ཉིན་མོར། ཟི་ལིང་དང་མཚོ་ཤར། མཚོ་ནུབ་ཤར་རྒྱུད། མཚོ་བྱང་། མཚོ་ལྷོའི་ས་ཆ་མང་ཆེ་བ། མགོ་ལོག རྨ་ལྷོ་བཅས་ལ་ཁངས་ཆུང་ཆུང་ངམ་ཐོལ་ཁངས(སྨི་སྟོང་ཤས0.1ནས2.4བར)འབབ་པ་དང་། ཞིང་ཆེན་ནང་ཁུལ་གྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད།  ཞིང་ཆེན་ཡོངས་ཀྱི་ཆེས་མཐོའི་དྲོད་ཚད་མུ་མཐུད་དུ2~4℃མར་ཆག་རྒྱུ་རེད།