ཚེས་ཆ་དང་གནམ་གཤིས།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མཚོ་སྔོན་གནམ་གཤིས་ལས་ཁུངས། བཤེར་འབེབས། རིན་ཆེན་ཚེ་རིང་།

སང་ཉིན་གྱི་ཚེས་ཆ།

སང་ཉིན་གྱི་གནམ་གཤིས།

དེ་རིང་དགོང་མོར། ཟི་ལིང་གི་བྱང་རྒྱུད། མཚོ་ཤར་གྱི་ཤར་རྒྱུད། མཚོ་ནུབ་ཀྱི་ཤར་རྒྱུད། མཚོ་བྱང་གི་ལྷོ་རྒྱུད། ཡུལ་ཤུལ་གྱི་ཤར་རྒྱུད། མགོ་ལོག་གི་ལྷོ་རྒྱུད་བཅས་ཀྱི་ཡུལ་ཚོ་དང་གྲོང་རྡལ་ཁག་ཅིག་ལ་ཆར་ཆུང་ངམ་ཁངས་ཆར་འདྲེས་མ(སྨི་སྟོང་ཤས0.1~7.0) འབབ་རྒྱུ་ཡིན་པ་དང་། ཞིང་ཆེན་ནང་ཁུལ་གྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད།

སང་ཉིན་ཉིན་མོར། ཟི་ལིང་གི་བྱང་རྒྱུད། མཚོ་ཤར་གྱི་ཤར་རྒྱུད། མཚོ་བྱང་གི་ལྷོ་རྒྱུད། རྨ་ལྷོའི་བྱང་རྒྱུད། མཚོ་ལྷོའི་ལྷོ་རྒྱུད། རྨ་སྟོད་ཀྱི་ཡུལ་ཚོ་དང་གྲོང་རྡལ་ཁག་ཅིག་ལ་ཐོལ་ཆར་རམ་ཁངས་ཆར་འདྲེས་མ(སྨི་སྟོང་ཤས0.1~2.0) འབབ་རྒྱུ་ཡིན་པ་དང་། ཞིང་ཆེན་ནང་ཁུལ་གྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད། མཚོ་ནུབ་ཀྱི་ཤར་རྒྱུད། མཚོ་ལྷོའི་ལྷོ་རྒྱུད། རྨ་ལྷོའི་ལྷོ་རྒྱུད། མཚོ་སྔོན་པོའི་མཐའ་སྐོར་དུ་རིམ་པ6ནས7ཅན་གྱི་ནུབ་ཡོའི་རླུང་གཡུག་རྒྱུ་རེད། ཐོལ་རླུང་རིམ་པ8ཡན་ལ་སླེབས་རྒྱུ་རེད། ཟི་ལིང་དང་མཚོ་ཤར་དུ་ས་རྡུལ་འཐིབ་པའི་གནམ་གཤིས་འདུག བྱང་ཕྱོགས་ས་ཁུལ་གྱི་ཉིན་གྱི་ཆེས་མཐོ་བའི་དྲོད་ཚད4~6℃མར་ཆག་རྒྱུ་རེད།