ཚེས་ཆ་དང་གནམ་གཤིས།

སྒྲིག་སྒྱུར། ཀླུ་མོ་མཚོ།   ཡོང་ཁུངས། མཚོ་སྔོན་གནམ་གཤིས་ལས་ཁུངས།   བཤེར་འབེབས། རིན་ཆེན་ཚེ་རིང་།

སང་ཉིན་གྱི་ཚེས་ཆ།

སང་ཉིན་གྱི་གནམ་གཤིས།

དེ་རིང་དགོང་མོར། ཡུལ་ཤུལ་གྱི་ཤར་རྒྱུད་དང་མགོ་ལོག་གི་དབུས་ལྷོ་རྒྱུད། རྨ་ལྷོ། ཙོང་ཁ། སྟོང་སྐོར། དཔའ་ལུང་། གཞོང་ཐང་། ཡ་རྫི། འབའ་རྫོང་། མདོ་ལ། འཇུ་ལག རྫ་སྟོད་ཀྱི་ས་ཁུལ་ཁག་གཅིག་བཅས་སུ་ཆར་ཆུང་ཆུང་ངམ་ཡང་ན་ཐོལ་ཆར་དང་དེའི་ཡན་གྱི་ཆར་ཆུ（ཧའོ་སྨི0.1~17）འབབ་རྒྱུ་ཡིན་ལ། དེའི་ནང་པད་མ་དང་གཅིག་སྒྲིལ། རྨ་ལྷོ་སོག་རྫོང་གི་ས་ཁུལ་ཁག་གཅིག་བཅས་སུ་ཆར་འབྲིང（ཧའོ་སྨི10~17）འབབ་པ་དང་། ཞིང་ཆེན་ནང་ཁུལ་གྱི་ས་ཁུལ་གཞན་དག་ཏུ་གནམ་ཐང་བའམ་ཡང་ན་སྤྲིན་མང་རྒྱུ་རེད། 

སང་ཉིན་ཉིན་མོར། ཟི་ལིང་གི་བྱང་རྒྱུད་དང་མཚོ་བྱང་གི་ས་ཆ་མང་ཆེ་བ། ཡུལ་ཤུལ་གྱི་ཤར་རྒྱུད། མགོ་ལོག་གི་དབུས་ལྷོ་རྒྱུད། རྨ་ལྷོའི་ས་ཆ་མང་ཆེ་བ། དགོན་ལུང་དང་ཡ་རྫིའི་ས་ཁུལ་ཁ་ཤས་བཅས་སུ་ཆར་ཆུང་ཆུང་ངམ་ཡང་ན་ཐོལ་ཆར(ཧའོ་སྨི0.1~4)འབབ་པ་དང་། ཞིང་ཆེན་ནང་ཁུལ་གྱི་ས་ཁུལ་གཞན་དག་ཏུ་གནམ་ཐང་བའམ་ཡང་ན་སྤྲིན་མང་རྒྱུ་ཡིན་ལ། མཚོ་ནུབ་ཀྱི་ཤར་རྒྱུད་དང་མཚོ་བྱང་གི་ས་ཆ་མང་ཆེ་བ། མཚོ་ལྷོའི་བྱང་རྒྱུད་བཅས་སུ་ནུབ་ཡོའི་རླུང་རིམ་པ5~6གཡུག་ཅིང་། ཐོལ་རླུང་རིམ་པ7ཡན་དུ་སླེབས་པ་དང་། ཟི་ལིང་དང་མཚོ་ཤར་ལ་ཤར་ཡོའི་རླུང་རིམ་པ4~5གཡུག་རྒྱུ་རེད།།