ཚེས་ཆ་དང་གནམ་གཤིས།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མཚོ་སྔོན་གནམ་གཤིས་ལས་ཁུངས། བཤེར་འབེབས། རིན་ཆེན་ཚེ་རིང་།

སང་ཉིན་གྱི་ཚེས་ཆ།

སང་ཉིན་གྱི་གནམ་གཤིས།

དེ་རིང་དགོང་མོར། མཚོ་ཤར་གྱི་ལྷོ་རྒྱུད་དང་རྨ་ལྷོའི་ས་ཁུལ་མང་ཆེ་བ། སྟོང་སྐོར། སྐུ་འབུམ། རྨ་སྟོད། རྨ་ཆེན། དགའ་བདེ། གཅིག་སྒྲིལ་བཅས་ཀྱི་ས་ཁུལ་ཁ་ཤས་ལ་ཁངས་ཆུང་ངམ་ཐོལ་ཁངས་དང་དེའི་ཡན་གྱི་ཆར་ཆུ（ཧའོ་སྨི0.1ནས3）འབབ་རྒྱུ་རེད། དེའི་ཁྲོད་ཐུན་རིན་དང་རྩེ་ཁོག་གི་ས་ཁུལ་ཁ་ཤས་ལ་ཁངས་འབྲིང（ཧའོ་སྨི2.5ནས3）འབབ་རྒྱུ་རེད། ཞིང་ཆེན་ནང་ཁུལ་གྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད།

སང་ཉིན་ཉིན་དཀར། རྨ་ལྷོའི་ས་ཁུལ་མང་ཆེ་བ་དང་རྨ་སྟོད། རྨ་ཆེན། དར་ལག འབའ་རྫོང་བཅས་ཀྱི་ས་ཁུལ་ཁ་ཤས་ལ་ཁངས་ཆུང་ནས་ཁངས་ཆར་འདྲེས་མ（ཧའོ་སྨི0.1ནས1）འབབ་རྒྱུ་རེད། ཞིང་ཆེན་ནང་ཁུལ་གྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད།