ཚེས་ཆ་དང་གནམ་གཤིས།

སྒྲིག་སྒྱུར། མཁའ་འགྲོ་མཚོ།  ཡོང་ཁུངས། མཚོ་སྔོན་གནམ་གཤིས་ལས་ཁུངས།  བཤེར་འབེབས། རིན་ཆེན་ཚེ་རིང་།

སང་ཉིན་གྱི་ཚེས་ཆ།

སང་ཉིན་གྱི་གནམ་གཤིས།

དེ་རིང་དགོང་མོར། མཚོ་ལྷོ་དང་ཡུལ་ཤུལ། མགོ་ལོག རྨ་ལྷོ། སྐུ་འབུམ། སྟོང་སྐོར། དཔའ་ལུང་། ཡ་རྫི། དུར་ལམ། དབུས་ལམ། རྐང་ཚ། ན་གོར་མོར་བཅས་ཀྱི་ས་ཁུལ་ཁ་ཤས་སུ་ཁངས་ཆུང་ནས་ཁངས་འབྲིང(ཧའོ་སྨི0.1ནས14བར)འབབ་རྒྱུ་དང་། ཆུ་དམར་ལེབ་དང་ཁྲི་འདུ། རྨ་སྟོད། གཅིག་སྒྲིལ་བཅས་ཀྱི་ས་ཁུལ་ཁ་ཤས་སུ་ཁངས་ཆེན་ནས་ཁངས་ཆགས(ཧའོ་སྨི5ནས14བར)འབབ་རྒྱུ་རེད། ཞིང་ཆེན་ནང་ཁུལ་གྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད།

སང་ཉིན་ཉིན་མོར། ཟི་ལིང་དང་། མཚོ་ཤར། མཚོ་ནུབ་ཀྱི་ཤར་རྒྱུད། མཚོ་ལྷོ། མཚོ་བྱང་། ཡུལ་ཤུལ་གྱི་ས་ཆ་མང་ཆེ་བ། མགོ་ལོག ན་གོར་མོ་བཅས་ཀྱི་ས་ཁུལ་ཁ་ཤས་སུ་ཁངས་ཆུང་ནས་ཁངས་འབྲིང་ངམ་ཁངས་ཆར་འདྲེས་མ(ཧའོ་སྨི0.1ནས15བར)འབབ་རྒྱུ་དང་། དབུས་ཤར་རྒྱུད་ཀྱི་ལུང་གཞུང་དུ་ཁངས་ཆར་འདྲེས་མ(ཧའོ་སྨི1ནས8བར)འབབ་རྒྱུ་རེད། མཚོ་ལྷོའི་ལྷོ་རྒྱུད་དང་། རྨ་ལྷོ། སྐུ་འབུམ། ཡ་རྫི་བཅས་ཀྱི་ས་ཁུལ་ཁ་ཤས་སུ་ཁངས་ཆེན་ནས་ཁངས་ཆགས(ཧའོ་སྨི5ནས15བར)འབབ་རྒྱུ་དང་། ཞིང་ཆེན་ནང་ཁུལ་གྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད། ཡུལ་ཤུལ་ནུབ་རྒྱུད་དུ་རིམ་པ7ནས8ཡན་གྱི་ནུབ་ཡོའི་རླུང་གཡུག་རྒྱུ་དང་ཐོལ་རླུང་རིམ་པ8ཡན་ལ་སླེབས་རྒྱུ་རེད།