ཚེས་ཆ་དང་གནམ་གཤིས།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མཚོ་སྔོན་གནམ་གཤིས་ལས་ཁུངས། བཤེར་འབེབས། རིན་ཆེན་ཚེ་རིང་།

སང་ཉིན་གྱི་ཚེས་ཆ།

སང་ཉིན་གྱི་གནམ་གཤིས།

དེ་རིང་དགོང་མོར། མཚོ་ཤར་གྱི་ས་ཁུལ་མང་ཆེ་བ་དང་། རྨ་ལྷོའི་བྱང་རྒྱུད། རྟ་ཐང་། དར་ལག པད་མ། གཅིག་སྒྲིལ་གྱི་ས་ཁུལ་ཁ་ཤས་བཅས་ལ་ཁངས་ཆུང་ངམ་ཁངས་ཆར་འདྲེས་མ（ཧའོ་སྨི0.1ནས3）འབབ་རྒྱུ་དང་། གཞོང་ཐང་དང་དཔའ་ལུང་གི་ས་ཁུལ་ཁ་ཤས་ལ་ཁངས་འབྲིང（ཧའོ་སྨི2.5ནས3）འབབ་རྒྱུ་རེད། ཞིང་ཆེན་ནང་ཁུལ་གྱི་ས་ཁུལ་གཞན་དག་ལ་གནམ་ཐང་བའམ་སྤྲིན་མང་རྒྱུ་རེད།

སང་ཉིན་ཉིན་དཀར། ཞིང་ཆེན་ཡོངས་ཀྱི་ས་ཁུལ་སོ་སོར་གནམ་ཐང་བའམ་སྤྲིན་མང་རྒྱུ་རེད། ཟི་ལིང་གི་ལྷོ་རྒྱུད་དང་། མཚོ་ནུབ་ཀྱི་ཤར་རྒྱུད། མཚོ་ལྷོ། མཚོ་བྱང་གི་ལྷོ་རྒྱུད། མགོ་ལོག་བཅས་སུ་རིམ་པ6ནས7ཅན་གྱི་ནུབ་ཡོའི་རླུང་གཡུག་རྒྱུ་དང་། ཐོལ་རླུང་གི་རིམ་པ8ཡན་ལ་སླེབས་རྒྱུ་རེད། ཟི་ལིང་གི་བྱང་རྒྱུད་དང་མཚོ་ཤར་གྱི་བྱང་རྒྱུད། རྨ་ལྷོའི་བྱང་རྒྱུད་བཅས་སུ་རིམ་པ5ནས6གི་ནུབ་ཡོའི་རླུང་གཡུག་རྒྱུ་དང་། ཐོལ་རླུང་གི་རིམ་པ7ཡན་ལ་སླེབས་རྒྱུ་རེད།