མཚོ་སྔོན་ཞིང་ཆེན་མི་དམངས་སྲིད་གཞུང་།          དེ་རིང་ནི 2024ལོའི་ཟླ03ཚེས29ཡིན།
རྒྱ་ཡིག    |    汉语
མདུན་ངོས། མགོ་ཁྲིད་སྒེའུ་ཁུང་། གསར་ཐོས་གལ་ཆེན། ཆ་འཕྲིན་གསལ་སྒྲོག བསམ་འཆར་བརྗེ་རེས། དག་སྣང་མཚོ་བྱང་། མི་རིགས་མཐུན་སྒྲིལ། བརྙན་གཟུགས་ལྟེ་གནས། སྲིད་པའི་གཏམ་ཚོགས།

མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་གི་གསོག་འཇོག་རྒྱུ་ནོར་སྔར་བས་གང་འགབ་ཅི་སྤྱོད་བྱས་ནས་ནུས་ལྡན་མ་འཇོག་་རྒྱ་ཆེར་གཏོང་རྒྱུའི་ལས་དོན་ཇུས་གཞི་དཔར་འགྲེམ་བྱས་པའི་སྐོར་གྱི་བརྡ་སྦྱོར།

2023-05-23 11:28:21   |   2424

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་བྱང་སྲིད་དོན་སྤྱི་བསྒྲགས།  བཤེར་འབེབས། རྡོ་རྗེ་བྱམས།


བྱང་སྲིད་ཁང〔2022〕ཨང100པ། 

རྫོང་སོ་སོའི་མི་དམངས་སྲིད་གཞུང་དང་། མཚོ་སྔོན་པོའི་ཞིང་ར། ཁུལ་སྲིད་གཞུང་གི་སྡེ་ཁག་དང་ལས་ཁུངས་སོ་སོར།

《གསོག་འཇོག་རྒྱུ་ནོར་སྔར་བས་གང་འགབ་ཅི་སྤྱོད་བྱས་ནས་ནུས་ལྡན་མ་འཇོག་རྒྱ་ཆེར་གཏོང་རྒྱུའི་སྐོར་གྱི་ལས་དོན་ཇུས་གཞི》ལ་ཁུལ་སྲིད་གཞུང་ཡིད་འཐད་བྱུང་ནས་ད་ལྟ་ཁྱེད་ཚོར་དཔར་འགྲེམ་བྱས་པ་ཡིན་པས་དོན་དངོས་དང་ཟུང་འབྲེལ་བྱས་ཏེ་ལག་བསྟར་དོན་འཁྱོལ་ལ་དམ་འཛིན་ནན་མོ་བྱེད་དགོས།

                      མཚོ་བྱང་ཁུལ་མི་དམངས་སྲིད་གཞུང་གཞུང་ལས་ཁང་།

                                2022ལོའི་ཟླ12ཚེས1ཉིན།


མཚོ་བྱང་ཁུལ་གྱི་གསོག་འཇོག་རྒྱུ་ནོར་སྔར་བས་གང་འགབ་ཅི་སྤྱོད་བྱས་ནས་ནུས་ལྡན་མ་འཇོག་རྒྱ་ཆེར་གཏོང་རྒྱུའི་སྐོར་གྱི་ལས་དོན་ཇུས་གཞི།

ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་ལག་བསྟར་གཏིང་ཟབ་དང་། 《མཚོ་སྔོན་ཞིང་ཆེན་མི་དམངས་སྲིད་གཞུང་གཞུང་དོན་ཐིང་གི་གསོག་འཇོག་རྒྱུ་ནོར་སྔར་བས་གང་འགབ་ཅི་སྤྱོད་བྱས་ནས་ནུས་ལྡན་གྱི་མ་འཇོག་རྒྱ་ཆེར་གཏོང་རྒྱུའི་ལས་དོན་ཇུས་གཞི་དཔར་འགྲེམ་བྱས་པའི་སྐོར་གྱི་བརྡ་སྦྱོར》མཚོ་སྔོན་སྲིད་དོན་གཞུང་ཁང〔2022〕ཨང74པ། གཤམ་དུ《བསམ་འཆར》ཞེས་བསྡུ་རྒྱུདགོངས་དོན་ཕྱོགས་ཡོངས་ནས་དོན་འཁྱོལ་བྱས་ཏེ། དཔལ་འབྱོར་དང་སྤྱི་ཚོགས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྔར་བས་སྐུལ་འདེད་གཏོང་བ་དང་། རང་ཁུལ་གྱི་གསོག་འཇོག་རྒྱུ་ནོར་ཕན་ནུས་ལྡནཔའི་སྒོ་ནས་གང་འགབ་ཅི་སྤྱོད་བྱེད་པ། གསོག་འཇོག་རྒྱུ་ནོར་དང་གསར་འཕར་མ་འཇོག་གི་འཁོར་རྒྱུག་བཟང་པོ་ཆགས་སུ་འཇུག་པ། རྒྱུན་ཆད་མེད་པར་རྨང་གཞི་སྒྲིག་ཆས་འཁོར་སྐྱོད་ཚོང་གཉེར་གྱི་དོ་དམ་ཆུ་ཚད་ཇེ་མཐོར་གཏོང་བ་དང་། ཧུར་ཐག་གིས་སྤྱི་ཚོགས་ཀྱི་མ་གཏོང་ལམ་བུ་རྒྱ་སྐྱེད་པ། འོས་མཐུན་གྱིས་ཕན་ལྡན་མ་གཏོང་རྒྱ་ཆེར་གཏོང་བ། སྲིད་གཞུང་གི་བུན་ལོན་གྱི་ཉེན་ཁ་དང་རྒྱལ་ཁབ་ལ་དབང་བའི་ཁེ་ལས་ཀྱི་བུ་ལོན་ཟུག་ཚད་རིམ་བཞིན་དམའ་རུ་བཏང་ནས། རང་ཁུལ་གྱི་དངོས་ཡོད་ལ་ཟུང་འབྲེལ་བྱས་ཏེ་ཇུས་གཞི་འདི་བཟོས་པ་ཡིན།

གཅིག  སྤྱིའི་བླང་བྱ།

རང་ཁུལ་གྱི་གསོག་འཇོག་རྒྱུ་ནོར་གྱི“ཁྱིམ་སོ”ཕྱོགས་ཡོངས་ནས་མཐིལ་རྟོགས་དང་། རིགས་དང་དབྱེ་བ་ཕྱེ་ནས་གསོག་འཇོག་རྒྱུ་ནོར་ལ་དབྱེ་ཞིབ་དང་ཕན་སྒྱུར་བྱས་ཏེ། རང་ཁུལ་གྱི་ནུས་ལྡན་མ་འཇོག་རྒྱ་ཆེར་གཏོང་བའི་ཁྲོད་གསོག་འཇོག་རྒྱུ་ནོར་གྱི་ནུས་པ་གལ་ཆེན་འདོན་སྤེལ་གང་ལེགས་བྱེད་དགོས།

གཉིས། ལས་དོན་གྱི་རྩ་དོན།  

(གཅིག)ཕྱོགས་ཡོངས་ནས་གཙང་བཤེར་བྱས་ཏེ་ཁྱིམ་སོའི་གནས་ཚུལ་གསལ་རྟོགས་བྱེད་དགོས།“སུས་དོ་དམ་བྱས་ན་དེས་འགན་ཁུར་བའི”བླང་བྱ་གཞིར་བཟུང་ནས། ས་ཁུལ་སོ་སོ་དང་ལས་རིགས་སྡེ་ཁག་སོ་སོས《བསམ་འཆར》གཞིར་བཟུང་ནས་གསོག་འཇོག་རྒྱུ་ནོར་གཙོ་གནད་ཁྱབ་ཁོངས་དང་གཙོ་གནད་ས་ཁུལ། གཙོ་གནད་ཁེ་ལས་བཅས་སུ་གང་འགབ་ཅི་སྤྱོད་བྱས་ཏེ། གསོག་འཇོག་རྒྱུ་ནོར་ཕྱོགས་ཡོངས་ནས་མཐིལ་རྟོགས་དང་གཙང་བཤེར་ཐོ་འགོད་བྱེད་དགོས་ལ། གསོག་འཇོག་རྒྱུ་ནོར་གྱི་གྲངས་འབོར་དང་ད་ཡོད་གནས་ཚུལ་གནད་ལ་འཁེལ་བའི་སྒོ་ནས་ཁོང་དུ་ཆུད་པ་བྱེད་དགོས།

(གཉིས)སྔོན་སླ་རྗེས་དཀའ་དང་རིགས་དབྱེ་གཙང་སེལ་བྱེད་དགོས། གསོག་འཇོག་རྒྱུ་ནོར་གྱི་གཙོ་གནད་ཁ་ཕྱོགས་ལ་གཞིགས་ནས་གལ་ཆེ་ཆུང་དང་དལ་བྲེལ་ཁོང་དུ་ཆུད་པ་དང་། སྔོན་སླ་རྗེས་དཀའ་རྒྱུན་འཁྱོངས་བྱས་ཏེ་དབང་ཆའི་གཏོགས་ཁོངས་གསལ་པོ་ཡོད་རིགས་སྔོན་ལ་གཙང་བཤེར་བྱེད་དགོས། དབང་ཆ་གསལ་པོ་མེད་པ་དང་ལོ་རྒྱུས་ཀྱི་ཤུལ་ལུས་གནད་དོན་ཡོད་རིགས་འབྲེལ་ཡོད་སྡེ་ཁག་དང་མཉམ་དུ་གསེད་བཀྲོལ་གསལ་པོ་བྱས་རྗེས་བསྐྱར་དུ་གཙང་བཤེར་བྱེད་དགོས།

(གསུམ)བཅའ་ཁྲིམས་དང་སྒྲིག་སྲོལ་ལྟར་ཡོངས་བསྒྲགས་གསལ་ཆ་ལྡན་དགོས། རྒྱལ་ཁབ་ཀྱི་འབྲེལ་ཡོད་བཅའ་ཁྲིམས་དང་ཁྲིམས་སྲོལ། སྲིད་ཇུས་ཀྱི་གཏན་འབེབས་ལྟར་ལས་དོན་ལ་སྐུལ་འདེད་ཏན་ཏིག་བྱས་ནས་ལས་དོན་ཁག་ཁྲིམས་མཐུན་ལུགས་མཐུན་དང་། ཡོངས་བསྒྲགས་ཁ་གསལ། ཀུན་གསལ་བཀོལ་སྤྱོད་བཅས་ཡོང་བ་འགན་ལེན་བྱས་ཏེ། མངོན་མེད་རྐྱེན་ངན་མེད་པ་དང་གཞི་ཐིག་ལ་ཕོག་ཐུག་མི་གཏོང་བ་བྱེད་དགོས།

       (བཞི།)གོ་རིམ་ལྡན་པའི་སྒོ་ནས་ལག་བསྟར་བྱས་ཏེ་བརྟན་ལྷིང་འགན་ལེན་བྱེད་དགོས། རང་ས་གནས་དང་རང་ལས་རིགས་སྡེ་ཁག་གི་གསོག་འཇོག་རྒྱུ་ནོར་གྱི་ད་ལྟའི་གནས་ཚུལ་ཕྱོགས་ཡོངས་ནས་གསེད་བཀྲོལ་བྱས་པའི་རྨང་གཞིའི་སྟེང་། ཇུས་གཞིའི་ནང་གཏན་ཁེལ་བྱས་པའི་དུས་ཚོད་ཀྱི་མཚམས་ཚིགས་དང་ལས་དོན་གྱི་གོ་རིམ་གཞིར་བཟུང་ནས་གོམ་སྟབས་དབྱེ་ནས་ལག་བསྟར་དང་བརྟན་པོའི་ངང་སྐུལ་འདེད་གཏོང་དགོས།

 གསུམ། ལས་དོན་གྱི་ལས་འགན།

(གཅིག)ལམ་སྲོལ་བཙུགས་ནས་གསོག་འཇོག་རྒྱུ་ནོར་གང་འགབ་ཅི་སྤྱོད་བྱེད་པའི་ལས་དོན་ལ་སྤྱི་འདོམས་སྐུལ་འདེད་གཏོང་དགོས། ཁུལ་སྲིད་གཞུང་གི་མགོ་ཁྲིད་གཙོ་བོ་ཚོགས་བསྡུ་བྱེད་མཁན་དང་། ཁུལ་དཔོན་གཞོན་པ་རྣམས་ཚོགས་བསྡུ་མཁན་གཞོན་པ། ཁུལ་སྲིད་གཞུང་གི་འབྲེལ་ཡོད་སྡེ་ཁག་དང་རྫོང་སྲིད་གཞུང་གི་འགན་ཁུར་བ་གཙོ་བོ་སོ་སོ་ཁོངས་མིར་བྱས་པའི་གསོག་འཇོག་རྒྱུ་ནོར་ཕན་སྒྱུར་དང་ནུས་ལྡན་ངང་མ་འཇོག་བྱེད་པའི་ལས་དོན་གྱི་མཐུན་སྦྱོར་ལམ་སྲོལ་བཙུགས་ནས། དམིགས་ཚད་ཁ་གསལ་དང་། འགན་འཁྲི་དོན་འཁྱོལ། གཅིག་གྱུར་མགོ་ཁྲིད། སྒྲིག་འཛུགས་མཐུན་སྦྱོར་བཅས་བྱས་ཏེ་གཙང་བཤེར་དང་གང་འགབ་ཅི་སྤྱོད་ཀྱི་ལས་དོན་སྤེལ་དགོས། མཐུན་སྦྱོར་ལམ་སྲོལ་གྱི་ཁོངས་མིའི་ཚན་ཁག་སོ་སོས་ཆ་འཕྲིན་འབྲེལ་གཏུག་དང་སྲིད་ཇུས་སྦྲེལ་མཐུད་ལ་ཤུགས་སྣོན་རྒྱག་པ་དང་། དཀའ་གནད་དང་འགག་གནད་གཅིག་གྱུར་གྱིས་མཐུན་སྦྱོར་བྱེད་པ། ལས་དོན་གྱི་མཉམ་ཤུགས་ཆགས་པ་བཅས་བྱས་ཏེ། གསོག་འཇོག་ཕན་སྒྱུར་ལས་དོན་ལ་ཕྱོགས་ཡོངས་ནས་སྐུལ་འདེད་གཏོང་དགོས། 

(གཉིས)རྩིས་ཁྲ་བཟོས་ནས་གནད་འཁེལ་སྒོས་རྒྱུ་ནོར་གང་འགབ་ཅི་སྤྱོད་ངབཀོད་གཏོང་བྱེད་དགོས་ས། ཞིང་ཆེན་སྲིད་གཞུང་གིས་བཟོས་པའི《བསམ་འཆར》ནང་གཙོ་གནད་ཁྱབ་ཁོངས་དང་གཙོ་གནད་ས་ཁོངས། གཙོ་གནད་ཁེ་ལས་བཅས་ཁ་གསལ་བཟོས་ཡོད་པ་གཞིར་བཟུང་ནས་ས་གནས་སོ་སོ་དང་སྡེ་ཁག་སོ་སོས་རང་ས་གནས་དང་རང་ལས་རིགས་སྡེ་ཁག་གི་རྒྱུ་ནོར་གསོག་འཇོག་གནས་ཚུལ་ཕྱོགས་ཡོངས་ནས་གསེད་བཀྲོལ་བྱས་ཏེ། གང་འགབ་ཅི་སྤྱོད་ཀྱི་ཆ་རྐྱེན་འཛོམས་པའི་རྣམ་གྲངས་ཕྱོགས་བསྡོམས་དང་གདམ་གསེས་བྱས་ནས་ཁུལ་རིམ་པའི་གསོག་འཇོག་རྒྱུ་ནོར་གྱི་རྩིས་ཁྲ་བཟོས་ཏེ་འགུལ་རྣམ་དོ་དམ་བྱེད་དགོས།

(གསུམ)ཐག་གཅོད་བྱེད་པའི་ཐབས་སྟབས་བསྟུན་སྤྱད་དེ་རིགས་མི་འདྲ་བའི་གསོག་འཇོག་རྒྱུ་ནོར་ཕན་སྒྱུར་ནུས་ལྡན་བྱ་དགོས། ས་གནས་སོ་སོ་དང་སྡེ་ཁག་སོ་སོས་རྣམ་གྲངས་ཀྱི་གནས་ཚུལ་དངོས་དང་ཟུང་འབྲེལ་བྱས་ཏེ་བྱེད་ཐབས་མི་འདྲ་བ་སྤྱད་ནས་གང་འགབ་ཅི་སྤྱོད་བྱེད་དགོས། འབྲེལ་ཡོད་ཆ་རྐྱེན་འཛོམས་པའི་རྨང་གཞིའི་སྒྲིག་བཀོད་གསོག་འཇོག་རྣམ་གྲངས་ལ་རྨང་གཞིའི་སྒྲིག་བཀོད་ཁྱབ་ཁོངས་ཀྱི་གཏན་འཇགས་རྒྱུ་ནོར་མ་འཇོག་ཡིད་རྟོན་མངག་བཅོལ་ཐེབས་རྩགཤམ་དུ་རྨང་གཞིའི་སྒྲིག་བཀོད REITsཞེས་བསྡུ་རྒྱུདང་། སྲིད་གཞུང་དང་སྤྱི་ཚོགས་ཀྱི་མ་རྩ་མཉམ་ལསPPPསོགས་ཀྱི་བྱེད་ཐབས་སྤྱད་དེ་གང་འགབ་ཅི་སྤྱོད་བྱེད་ཆོག ཡུན་རིང་བེད་མེད་དུ་བཞག་ཀྱང་གསར་སྤེལ་བེད་སྤྱོད་ཀྱི་རིན་ཐང་ཆེ་ཙམ་ལྡན་པའི་བཟོ་ཁང་རྙིང་པ་དང་། རིག་གནས་ལུས་རྩལ་ཐང་། བེད་མེད་དུ་བཞག་པའི་ས་ཆ་སོགས་ཀྱི་རྒྱུ་ནོར་ལ་རྒྱུ་ནོར་རིམ་སྤོར་སྒྱུར་བཀོད་དང་གནས་ངེས་རིགས་སྒྱུར། ཆེད་ལས་ཅན་གྱི་གཉེར་སྐྱོང་དོ་དམ་ལ་ཤུགས་སྣོན་རྒྱག་པ་སོགས་བྱས་ནས་རྒྱུ་ནོར་གྱི་མངོན་མེད་རིན་ཐང་སྔོག་འདོན་གང་ལེགས་བྱེད་དགོས་ལ། དྲིན་ལན་འཇལ་བའི་ཆུ་ཚད་མཐོ་རུ་གཏོང་དགོས། གསོག་འཇོག་གང་འགབ་ཅི་སྤྱོད་དང་བསྐྱར་སྐྲུན་རྒྱས་སྐྲུན་ཟུང་འབྲེལ་བྱེད་པའི་ཆ་རྐྱེན་འཛོམས་པའི་རྣམ་གྲངས་དང་། གྲོང་ཁྱེར་གྱི་རྒྱུ་ནོར་ཐོན་ཁུངས་རྙིང་པ་དང་ལྷག་པར་དུ་ཁུལ་ཆུང་རྙིང་པ་སྒྱུར་བཀོད་སོགས་ཀྱི་རྣམ་གྲངས་ལ་གནད་འཁེལ་གནས་ཐིག་གཏན་ཁེལ་དང་། སྤུས་ཚད་མཐོ་རུ་གཏོང་བ། སྤྱོད་སྒོ་འཐུས་ཚང་དུ་གཏོང་བ་སོགས་ཀྱི་རྒྱུ་ནོར་གྱི་ནུས་པ་ཕུན་སུམ་ཚོགས་པོ་བརྒྱུད་སྤྱི་ཚོགས་ཀྱི་མ་རྩ་ཞུགས་རྒྱུའི་ཡིད་དབང་འགུག་དགོས། གཞན་ཡང་བདག་དབང་ཚད་ལྡན་ཉོ་ཚོང་དང་། མཉམ་ཉོ་བསྐྱར་སྒྲིག ངན་འགྱུར་རྒྱུ་ནོར་ཉོ་སྒྲུབ་ཐག་གཅོད། དབང་བའི་ལམ་ལུགས་འདྲེས་མའི་སྒྱུར་བཅོས། ཁྲོམ་ར་ཅན་གྱི་བུ་ལོན་མ་རྐང་དུ་བསྒྱུར་བ་སོགས་ཀྱི་བྱེད་ཐབས་བརྒྱུད། གསོག་འཇོག་རྒྱུ་ནོར་གང་འགབ་ཅི་སྤྱོད་བྱས་ནས་གསོག་འབོར་རྒྱུ་ནོར་ལེགས་སྒྱུར་བསྡུ་སྒྲིལ་ལ་ཤུགས་སྣོན་རྒྱག་དགོས།

(བཞི)རིགས་དབྱེ་ནས་གང་འགབ་ཅི་སྤྱོད་ཀྱི་ཆ་རྐྱེན་གཏན་ཁེལ་བྱས་ཏེ། གསོག་འཇོག་རྒྱུ་ནོར་གང་འགབ་ཅི་སྤྱོད་བྱེད་པའི་ཕན་སྒྱུར་གྱི་ཕན་ནུས་ལྡན་པའི་མ་འཇོག་རྒྱ་སྐྱེད་གཏོང་བའི་ལས་དོན་ལམ་སྲོལ་གྱི་ནུས་པ་འདོན་སྤེལ་ཏན་ཏིག་བྱས་ཏེ། ས་གནས་སོ་སོ་དང་སྡེ་ཁག་སོ་སོས་འབྲེལ་གཏུག་མཐུན་སྦྱོར་བྱེད་ཤུགས་ཆེ་རུ་བཏང་ནས། གསོག་འཇོག་རྒྱུ་ནོར་རྣམ་གྲངས་ཀྱི་ཞིབ་ཕྲའི་གནས་ཚུལ་ལ་དམིགས་ནས་རིགས་འབྱེད་དོན་འཁྱོལ་བྱེད་པའི་ཕན་སྒྱུར་ཆ་རྐྱེན་ཁག་དོན་འཁྱོལ་བྱེད་པར་སྐུལ་འདེད་གཏོང་དགོས། རྣམ་གྲངས་ཀྱི་དུས་མགོའི་ལས་དོན་འགྲོ་ལུགས་ཆ་ཚང་པོ་མེད་པའི་རྣམ་གྲངས་ལ་འབྲེལ་ཡོད་ཕྱོགས་ཀྱིས་གཏན་འབེབས་གཞིར་བཟུང་ནས་འབྲེལ་ཡོད་འགྲོ་ལུགས་གསབ་སྒྲུབ་བྱ་རྒྱུར་སྐུལ་འདེད་གཏོང་བ་དང་། ལས་མཇུག་འགྲིལ་བའི་ཞིབ་བཤེར་རྩིས་ལེན་སོགས་ཀྱི་གོ་རིམ་མགྱོགས་མྱུར་དུ་ལག་བསྟར་བྱེད་དགོས། གྲོན་བསྡུའི་ཚད་གཞི་ཁ་གསལ་བཟོ་དགོས་པའི་རྣམ་གྲངས་ལ་རྣམ་གྲངས་ཀྱི་གྲོན་བསྡུའི་ཚད་གཞི་ཞིབ་བཤེར་གཏན་ཁེལ་བྱེད་པ་མགྱོགས་སུ་བཏང་ནས། སྤྱི་བའི་ཞབས་ཞུ་དང་སྤྱི་བའི་ཐོན་རྫས་ཀྱི་རིན་གོང་འགུལ་རྣམ་ལེགས་སྒྲིག་ལམ་སྲོལ་འཐུས་ཚང་དུ་གཏོང་དགོས། ཐོན་དབང་ཁ་གསལ་མེད་པའི་རྣམ་གྲངས་ལ་བཅའ་ཁྲིམས་དང་སྒྲིག་སྲོལ་ལྟར་ཐོན་དབང་གི་འབྲེལ་བ་མཐུན་སྦྱོར་བྱས་ཏེ་ཐོན་དབང་གི་དབྱེ་མཚམས་ལེགས་འགྲུབ་བྱེད་པ་དང་། འབྲེལ་ཡོད་ཐོན་དབང་ཐོ་འགོད་གང་མགྱོགས་སུ་སྒྲུབ་དགོས། འབྲེལ་ཡོད་འཆར་འགོད་དམ་ཡང་ན་ས་ཆའི་སྤྱོད་སྒོ་དངོས་འབྲེལ་ལེགས་སྒྲིག་བྱེད་དགོས་པའི་རྣམ་གྲངས་ལ་འབྲེལ་ཡོད་ཕྱོགས་ཀྱིས་འཆར་འགོད་ལག་བསྟར་དང་དཔྱད་དཔོག་གང་ལེགས་བྱ་རྒྱུར་སྐུལ་འདེད་གཏོང་བ་དང་། ཁྲིམས་སྲོལ་ལྟར་འབྲེལ་ཡོད་གོ་རིམ་ལག་བསྟར་བྱས་ཏེ་ཆ་རྐྱེན་བསྐྲུན་ནས་རྒྱབ་སྐྱོར་ཧུར་ཐག་བྱེད་དགོས། སྤྱི་ཡོངས་ཀྱི་ཡོང་འབབ་ཆུ་ཚད་ཅུང་དམའ་བའི་རྣམ་གྲངས་ལ་རྒྱུ་ནོར་བསྐྱར་སྒྲིག་བྱ་རྒྱུར་མཛུབ་ཁྲིད་བྱས་ཏེ་སྤྱི་ཕན་རང་བཞིན་དང་གཉེར་སྐྱོང་རང་བཞིན་གྱི་རྣམ་གྲངས་ཐུམ་སྒྲིལ་སོགས་ཀྱི་བྱེད་ཐབས་སྤྱད་དེ་རྒྱུ་ནོར་གྱི་ཡིད་དབང་འགུག་ཤུགས་ཆེ་རུ་གཏོང་དགོས།

(ལྔ)མ་དངུལ་བེད་སྤྱོད་ཇེ་མགྱོགས་སུ་བཏང་ནས་གཙོ་གནད་རྣམ་གྲངས་འཛུགས་སྐྲུན་ལ་རྒྱབ་སྐྱོར་བྱེད་དགོས། བསགས་འབོར་རྒྱུ་ནོར་ཚུར་བསྡུའི་མ་དངུལ་བེད་སྤྱོད་བྱས་ཚུལ་ལ་རྗེས་སྙེག་ལྟ་སྐུལ་བྱེད་ཤུགས་ཆེ་རུ་གཏོང་བ་དང་། དུས་བཀག་ལྟར་ཚུར་བསྡུའི་མ་དངུལ་དེ་གཙོ་གནད་ཁྱབ་ཁོངས་ཀྱི་རྣམ་གྲངས་འཛུགས་སྐྲུན་ལ་སྤྱོད་པ་དང་། དངོས་རྫས་ཀྱི་ལས་འབོར་ཆགས་པ་སོགས་ཀྱི་གནས་ཚུལ་བཀོད་གཏོང་བྱས་ཏེ། ཕན་ནུས་ལྡན་པའི་མ་འཇོག་གང་མགྱོགས་ཆགས་པར་སྐུལ་འདེད་གཏོང་དགོས། ཚུར་བསྡུའི་མ་དངུལ་གཏོང་རྩིས་ཡོད་པའི་རྣམ་གྲངས་གསར་པར་རྣམ་གྲངས་ཀྱི་ཞིབ་མཆན་ཐོ་འགོད་སྙན་སེང་དང་། འཆར་འགོད་ས་ཆ་འདེམས་པ། ས་ཆ་སྤྱོད་པ། ཁོར་ཡུག་ལ་ཤུགས་རྐྱེན་ཐེབས་ཚུལ་གདེང་འཇོག བཟོ་སྐྲུན་ཆོག་འཐུས་སོགས་ཀྱི་དུས་མགོའི་ལས་དོན་གྱི་སྐུལ་འདེད་མགྱོགས་སུ་བཏང་ནས། རྣམ་གྲངས་གང་མགྱོགས་ཀྱིས་ལས་མགོ་འཛུགས་རྒྱུར་སྐུལ་འདེད་གཏོང་བ་དང་། ཚུར་བསྡུའི་མ་དངུལ་གྱི་ཕན་འབྲས་གང་མགྱོགས་ཀྱིས་འདོན་སྤེལ་བྱེད་དགོས། ཚུར་བསྡུའི་མ་དངུལ་སྤྱད་ནས་འཛུགས་སྐྲུན་བྱས་པའི་མ་འཇོག་རྣམ་གྲངས་དེ། ཀྲུང་དབྱང་གི་སྔོན་རྩིས་ནང་གི་མ་འཇོག་དང་ས་གནས་སྲིད་གཞུང་གི་མ་འཇོག་མ་དངུལ་བཀོད་སྒྲིག་བྱེད་སྐབས། ཆ་རྐྱེན་གཅིག་མཚུངས་འོག་སྔོན་ལ་རྒྱབ་སྐྱོར་བྱེད་ཆོག་པ་དང་། གཏན་འབེབས་གཞིར་བཟུང་ནས་ས་གནས་སྲིད་གཞུང་གི་ཆེད་དོན་བུན་འཛིན་བརྒྱུད་རྒྱབ་སྐྱོར་ཡང་བྱེད་ཆོག

(དྲུག)ཆ་སྒྲིག་སྲིད་ཇུས་ཀྱི་རྒྱབ་སྐྱོར་བྱེད་ཤུགས་ཆེ་རུ་བཏང་ནས། གསོག་འཇོག་རྒྱུ་ནོར་གང་འགབ་ཅི་སྤྱོད་བྱེད་པར་སྐུལ་འདེད་ཏན་ཏིག་གཏོང་དགོས། མ་འཇོག་དང་མ་དངུལ་མཉམ་འདྲེས་ཀྱི་མཉམ་ལས་སྦྲེལ་མཐུད་ལས་དོན་སྤེལ་སྐབས། གསོག་འཇོག་རྒྱུ་ནོར་གང་འགབ་ཅི་སྤྱོད་བྱ་རྒྱུ་དེ་གཙོ་གནད་ནང་དོན་དུ་བརྩིས་ནས་འབྲེལ་ཡོད་རྣམ་གྲངས་འོས་སྦྱོར་ཧུར་ཐག་བྱེད་དགོས། དངུལ་རྩའི་རྒྱུ་ནོར་དོ་དམ་སྤྱི་གཉེར་དང་། དངུལ་རྩའི་མ་རྩ་མ་འཇོག་སྤྱི་གཉེར། དེ་བཞིན་རྒྱལ་ཁབ་ལ་དབང་བའི་མ་རྩའི་མ་འཇོག་དང་གཉེར་སྐྱོང་སྤྱི་གཉེར་སོགས་གསོག་འཇོག་རྒྱུ་ནོར་གང་འགབ་ཅི་སྤྱོད་བྱེད་པར་ཞུགས་པར་རྒྱབ་སྐྱོར་བྱེད་དགོས། དངུལ་ཁང་སོགས་དངུལ་རྩའི་ལས་ཁུངས་ཀྱིས་ཚོང་ར་ཅན་གྱི་རྩ་དོན་ལྟར་མ་དངུལ་ཕྱིར་བསྡུ་བྱེད་པའི་རྣམ་གྲངས་གསར་པར་མ་དངུལ་བསྡུ་རུབ་ཀྱི་རྒྱབ་སྐྱོར་བྱེད་པར་སྐུལ་མ་གཏོང་དགོས། རང་ས་གནས་ཀྱི་གནས་ཚུལ་དངོས་ལ་ཟུང་འབྲེལ་བྱས་ཏེ། ཡུལ་བབ་དང་བསྟུན་ནས་གསོག་འཇོག་རྒྱུ་ནོར་གང་འགབ་ཅི་སྤྱོད་བྱེད་པའི་བྱེད་ཐབས་ནུས་ལྡན་ཞིབ་འཇུག་དང་གཏན་འབེབས་བྱེད་པར་སྐུལ་མ་གཏོང་བ་དང་། འབྲེལ་ཡོད་ཡིག་ཆ་བཏོན་ཏེ་རང་ས་གནས་ཀྱི་འབྲེལ་ཡོད་ལས་ཁུངས་ཀྱིས་གསོག་འཇོག་རྒྱུ་ནོར་གང་འགབ་ཅི་སྤྱོད་བྱེད་པར་ཧུར་ཐག་དང་། ཕན་ནུས་ལྡན་པའི་མ་དངུལ་འཇོག་རྒྱ་ཆེ་རུ་གཏོང་བར་སྐུལ་འདེད་གཏོང་དགོས་ལ། གསོག་འཇོག་རྒྱུ་ནོར་གང་འགབ་ཅི་སྤྱོད་བྱེད་སྐབས་ཚོང་རའི་བྱེད་པོ་སྣ་ཚོགས་ལ་ཕྱོགས་རིས་མེད་པར་ཁ་གཏད་འཇལ་བ་དང་། དམངས་གཉེར་ཁེ་ལས་ཀྱིས་དོན་དངོས་གནས་ཚུལ་ལ་གཞིགས་ནས་རྒྱལ་ཁབ་ལ་དབང་བའི་གསོག་འཇོག་རྒྱུ་ནོར་གང་འགབ་ཅི་སྤྱོད་བྱེད་པར་ཞུགས་པ་དང་། རང་ངོས་ཀྱི་གསོག་འཇོག་རྒྱུ་ནོར་གང་འགབ་ཅི་སྤྱོད་ཧུར་ཐག་བཅས་བྱས་ཏེ་རྒྱུན་མཐུད་དང་སྐྱོན་བྲལ་ངང་འཕེལ་རྒྱས་ཡོང་བར་སྐུལ་འདེད་གཏོང་དགོས།རྫོང་སོ་སོའི་མི་དམངས་སྲིད་གཞུང་དང་། ཁུལ་ནོར་སྲིད་ཅུ། ཁུལ་ཁྲལ་དོན་ཅུ། ཁུལ་དངུལ་ཁང་འགན་བཅོལ་ལྟ་སྐུལ་ཡན་ལག་ཅུ། མི་དམངས་དངུལ་ཁང་མཚོ་བྱང་ཉིང་ལག་དངུལ་ཁང་སོགས་ཀྱིས་འགན་འཁྲི་ཁག་བགོས་ལྟར་སྣེ་ཁྲིད་པ་དང་། ཁུལ་བཟོ་ལས་ཚོང་དོན་དང་ཆ་འཕྲིན་ཅན་ཅུ་དང་སྡེ་ཁག་སོ་སོས་གཞོགས་འདེགས་བྱེད་དགོས། ལེགས་འགྲུབ་དུས་ཚོད། 2023ལོའི་ཟླ་དང་པོའི་ཟླ་མཇུག་བར་དུ་ཡིན་ལ། ཡུན་རིང་དུ་སྐུལ་འདེད་བྱེད་དགོས།

(བདུན)ཚོད་ལྟའི་དཔེ་སྟོན་བྱས་ནས་དཔེ་མཚོན་གྱོད་དཔེ་ཡི་ཁྲིད་སྟོན་དང་སྐུལ་ཁྲིད་ཀྱི་ནུས་པ་འདོན་སྤེལ་བྱེད་དགོས། ས་གནས་སོ་སོས་ཆ་རྐྱེན་འཛོམས་པའི་རྣམ་གྲངས་འགྲེམས་སྤེལ་གྱི་རྨང་གཞིའི་སྒྲིག་བཀོདREITsལ་སྐུལ་ལྕག་ཧུར་ཐག་གཏོང་བ་དང་། འགྲེམས་སྤེལ་བྱས་པའི་རྨང་གཞིའི་སྒྲིག་བཀོདREITsརྣམ་གྲངས་ཀྱི་ཉམས་མྱོང་དང་བྱེད་ཐབས་དྲིལ་སྒྲོག་དང་ཁྱབ་གདལ་བཏང་ནས། དཔེ་སྟོན་སྣེ་ཁྲིད་ཀྱི་ནུས་པ་འདོན་སྤེལ་བྱས་ཏེ་འབྲེལ་ཡོད་ཕྱོགས་ཞུགས་པའི་ཧུར་སེམས་ལ་སྐུལ་སློང་བྱེད་དགོས། རྣམ་གྲངས་གྲབས་གསོག་ཡག་པོ་བྱས་ནས་གཅིག་གྱུར་བཀོད་སྒྲིག་ལྟར་ཁུལ་གྱིས་ཡིད་དབང་འགུག་ཤུགས་ཆེ་བ་དང་མཚོན་བྱེད་རང་བཞིན་ཆེ་བའི་གསོག་འཇོག་རྒྱུ་ནོར་གྱི་རྣམ་གྲངས་འོས་སྦྱོར་བྱས་ཏེ། འདྲ་བཟོ་བྱེད་ཆོག་པ་དང་ཁྱབ་གདལ་གཏོང་ཆོག་པའི་ཉམས་མྱོང་དང་བྱེད་ཐབས་ཤིག་ཆགས་པ་བྱས་ནས། དཔེ་མཚོན་ཉམས་མྱོང་ཕྱོགས་སྡོམ་དང་ཁྱབ་གདལ་བཏང་སྟེ་ཕྱོགས་སོ་སོའི་གསོག་འཇོག་རྒྱུ་ནོར་གྱི་ཕན་སྒྱུར་བྱེད་ནུས་ཟམ་མི་ཆད་པར་ཆེ་རུ་གཏོང་དགོས། 

(བརྒྱད)དྲིལ་སྒྲོག་ཁྲིད་སྟོན་དང་ལྟ་སྐུལ་ལ་ཤུགས་སྣོན་བྱས་ཏེ་དེའི་ནང་ཞུགས་པའི་ཧུར་སེམས་་ལ་སྐུལ་སློང་གང་ལེགས་བྱེད་དགོས། ས་གནས་སོ་སོ་དང་སྡེ་ཁག་སོ་སོས་དྲིལ་སྒྲོག་ཁྲིད་སྟོན་ལ་ཤུགས་སྣོན་ཏན་ཏིག་བརྒྱབ་ནས། ས་གནས་སྲིད་གཞུང་གི་མངོན་མེད་བུ་ལོན་གྱི་ཉེན་ཁ་སྔོན་འགོག་དང་སེལ་ཐབས་དང་། ཁེ་ལས་ཀྱི་མ་དངུལ་བསྐྱར་འཇོག་ནུས་པ་ཆེ་རུ་གཏོང་བ། རྨང་གཞིའི་སྒྲིག་བཀོད་ཀྱི་གཉེར་སྐྱོང་ལས་ཕྱོད་ཆེ་རུ་གཏོང་བ་སོགས་ཐད་ཀྱི་གསོག་འཇོག་རྒྱུ་ནོར་གྱི་དགེ་མཚན་ལྡན་པའི་ནུས་པ་འདོན་སྤེལ་གང་ལེགས་བྱེད་པར་སྐུལ་འདེད་བཏང་སྟེ། གསོག་འཇོག་རྒྱུ་ནོར་ཕན་སྒྱུར་ནང་ཞུགས་པའི་ཧུར་སེམས་ལ་སྐུལ་སློང་བྱ་དགོས། དུས་ཐོག་ཏུ་ལས་རིགས་དོ་དམ་སྡེ་ཁག་དང་། བསགས་འབོར་རྒྱུ་ནོར་འཛིན་མཁན། དངུལ་རྩའི་སྒྲིག་གཞི་སོགས་སྒྲིག་འཛུགས་བྱས་ནས་ལས་སྒོ་གསོ་སྦྱོང་བྱེད་པ་དང་། འབྲེལ་ཡོད་སྲིད་ཇུས་ཀྱི་གཏན་འབེབས་གསལ་འགྲེལ། གསོག་འཇོག་རྒྱུ་ནོར་གང་འགབ་ཅི་སྤྱོད་བྱེད་པའི་བྱེད་སྟངས་དང་བྱེད་ཐབས་ངོ་སྤྲོད་བྱེད་པ། དཔེ་མཚོན་གྱོད་དཔེ་དྲིལ་སྒྲོག་བཅས་བྱས་ནས་བཀོལ་སྤྱོད་ཆུ་ཚད་མཐོ་རུ་གཏོང་དགོས། ལྟ་སྐུལ་སྐུལ་ལྕག་ལ་ཤུགས་སྣོན་བརྒྱབ་ནས་བྱ་བའི་ཕན་འབྲས་མངོན་གསལ་དོད་པའི་ས་ཁུལ་ལམ་སྡེ་ཁག་ལ་བྱེད་ཐབས་འོས་འཚམ་སྤྱད་དེ་སྐུལ་ལྕག་གཏོང་བ་དང་། རྒྱུ་ནོར་ཡུན་རིང་བེད་མེད་དུ་ལུས་པ་དང་ཕན་སྒྱུར་གྱི་འཕེལ་རིམ་ཡག་པོ་མེད་པར་ལྟ་སྐུལ་བྱེད་ཤུགས་ཆེ་རུ་གཏོང་བ། གསོག་འཇོག་རྒྱུ་ནོར་ཕན་སྒྱུར་གྱི་ལས་དོན་དམ་འཛིན་ཏན་ཏིག་བྱེད་པར་སྐུལ་འདེད་གཏོང་བ་བཅས་བྱས་ཏེ་ནུས་ལྡན་གྱི་མ་འཇོག་རྒྱ་ཆེར་གཏོང་བ་དང་དཔལ་འབྱོར་འཕར་རྒྱུ་བརྟན་པོ་ཡོང་ཆེད་ཧུར་ཐག་གིས་ལེགས་སྐྱེས་འབུལ་དགོས།

བཞི།  ལག་བསྟར་གོ་རིམ།

བཀོད་སྒྲིག་ཚོགས་འདུ་འཚོགས་ནས་དྲིལ་སྒྲོག་སྐུལ་སློང་གི་ལས་དོན་ཡག་པོ་སྒྲུབ་པ་དང་། ཇུས་གཞི་ཞིབ་འཇུག་གཏན་འབེབས་བྱེད་པ། བྱ་བའི་བྱེད་ཐབས་དོན་འཁྱོལ་བྱེད་པ། མཐིལ་རྟོགས་གྲལ་བཤེར་དང་གསོག་འཇོག་རྒྱུ་ནོར་གང་འགབ་ཅི་སྤྱོད་བྱེད་པའི་ལས་དོན་ལ་མཛུབ་ཁྲིད་དང་སྐུལ་འདེད་གཏོང་དགོས། མགོ་ཁྲིད་ཚོགས་ཆུང་གི་ཁོངས་མིའི་ཚན་པ་སོ་སོའི་འགན་འཁྲི་ཁ་གསལ་བཟོས་ནས་བྱ་བའི་མཉམ་ཤུགས་ཤིག་ཆགས་པ་བྱེད་དགོས།

ས་གནས་སོ་སོ་དང་སྡེ་ཁག་སོ་སོས་བྱ་བའི་བླང་བྱ་གཞིར་བཟུང་ནས་བེད་མེད་དུ་སྐྱུར་བའི་ཕན་མེད་བསགས་འབོར་རྒྱུ་ནོར་གྱི་ཞིབ་ཕྲའི་གནས་ཚུལ་དང་། ལོ་རྒྱུས་ཀྱི་ཤུལ་ལུས་གནད་དོན་སོགས་གནད་ལ་འཁེལ་བ་དང་། གོ་རིམ་ལྡན་པ། ནུས་ཆེ་བཅས་ཀྱི་སྒོ་ནས་གཙང་བཤེར་བྱེད་པ་མ་ཟད། གང་འགབ་ཅི་སྤྱོད་ཀྱི་འདོད་བློ་དང་བསམ་འཆར་ཁ་གསལ་བཟོ་དགོས། ས་གནས་སོ་སོ་དང་སྡེ་ཁག་སོ་སོས་ཁུལ་ནོར་སྲིད་ཅུ་དང་། ཁུལ་བཟོ་ལས་ཆ་འཕྲིན་ཅུ། ཁུལ་རྩིས་བཤེར་ཅུ། ཁུལ་ཁྲལ་དོན་ཅུ། ཁུལ་དངུལ་ཁང་འགན་བཅོལ་ལྟ་སྐུལ་ཡན་ལག་ཅུ་སོགས་སྡེ་ཁག་ལ་གཞོགས་འདེགས་བྱས་ནས་བེད་མེད་དུ་བཞག་པའི་ཕན་གོ་ཆོད་པའི་གསོག་འབོར་ལ་ཞིབ་བཤེར་དང་རྒྱུ་ནོར་གཙང་བཤེར་བྱེད་པ་དང་ཆབས་ཅིག་སྡེ་ཁག་གིས་བཏོན་པའི་གཙང་བཤེར་གྱི་འདོད་བློ་དང་བསམ་འཆར་ཐད་འབྲེལ་གཏུག་གྲོས་མོལ་བྱེད་དགོས།

ས་གནས་སོ་སོ་དང་སྡེ་ཁག་སོ་སོས་མཐིལ་རྟོགས་གྲལ་བཤེར་གྱི་གནས་ཚུལ་ལ་གཞིགས་ནས། རང་ས་གནས་དང་རང་ལས་ཁུངས་ཀྱི་གསོག་འཇོག་རྒྱུ་ནོར་གང་འགབ་ཅི་སྤྱོད་ཀྱི་ཇུས་གཞི་ཞིབ་ཕྲ་བཟོས་ནས་འགན་འཁྲི་དང་ལས་འགན་ཁ་གསལ་བཟོས་ཏེ། སྒྲིག་འཛུགས་ལག་བསྟར་གནད་ལ་འཁེལ་བ་འགན་ལེན་བྱེད་དགོས།

ལྔ།  མཐུན་སྦྱོར་ལམ་སྲོལ།

སྤུས་ཚད་མཐོ་བ་དང་ལས་ཕྱོད་ཆེ་བའི་སྒོ་ནས་རང་ཁུལ་གྱི་གསོག་འཇོག་རྒྱུ་ནོར་གང་འགབ་ཅི་སྤྱོད་བྱེད་པའི་འབྲེལ་ཡོད་དོན་གནད་ལ་སྐུལ་འདེད་གཏོང་ཆེད། ཁུལ་རིམ་པའི་གསོག་འཇོག་རྒྱུ་ནོར་གང་འགབ་ཅི་སྤྱོད་བྱས་ནས། ནུས་ལྡན་མ་འཇོག་མཐུན་སྦྱོར་ལམ་སྲོལ་འཛུགས་རྒྱུའི་གཏན་འབེབས་བྱས་པ་དང་ཚོགས་བསྡུ་མི་སྣའི་ཞིབ་ཕྲའི་མིང་ཐོ་གཤམ་གསལ།

 ཤ་བོ་སྐྱབས། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཚབ་མ།

 རུང་ཧུང་ཀྲི། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་གཞོན་པ།

ཨ་ཁྱུང་། ཁུལ་ཨུའི་རྒྱུན་ཨུའམ་རྒྱུན་ལས་ཁུལ་དཔོན་གཞོན་པ།

དབྱིན་མོ་ཝུན་ཁུལ་སྲིད་གཞུང་གི་ཁུལ་དཔོན་གཞོན་པ།

ལི་ཞང་ཏུང་ཁུལ་སྲིད་གཞུང་གི་ཁུལ་དཔོན་གཞོན་པའམ་སྤྱི་བདེ་ཅུའི་ཅུ་ཀྲང་།

ཚོ་ཅི་ཆང་ཁུལ་སྲིད་གཞུང་གི་ཁུལ་དཔོན་གཞོན་པ།

མ་རུའུ་ཞང་ཁུལ་སྲིད་གཞུང་གི་ཁུལ་དཔོན་གཞོན་པ།

ཧ་ཝུན་ཞུག་ཁུལ་སྲིད་གཞུང་གི་ཁུལ་དཔོན་གཞོན་པ།

 མ་ཞོ་ཧྥེང་། འཇུ་ལག་རྫོང་ཨུའི་ཧྲུའུ་ཅི་གཞོན་པའམ་རྫོང་དཔོན།

ཧི་ཧྲེང་ཅེ། མདོ་ལ་རྫོང་ཨུའི་ཧྲུའུ་ཅི་གཞོན་པའམ་རྫོང་དཔོན།

སྟག་ལྷ། རྐང་ཚ་རྫོང་ཨུའི་ཧྲུའུ་ཅི་གཞོན་པའམ་རྫོང་དཔོན།

ཀྲང་ཧྲི་དབྱིན། མདའ་བཞི་རྫོང་ཨུའི་ཧྲུའུ་ཅི་གཞོན་པའམ་རྫོང་དཔོན།

ཏུང་ཀོང་ཧྲུའུ། ཁུལ་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཁང་གི་ཀྲུའུ་རིན།

སུའུ་ཙིན་ཝེ། ཁུལ་ནོར་སྲིད་ཅུའི་ཅུ་ཀྲང་།

ཀྲང་ཆི་ཧྥེང་། ཁུལ་བཟོ་ལས་ཚོང་དོན་དང་ཆ་འཕྲིན་ཅན་ཅུའི་ཅུ་ཀྲང་།

པ་ཐུར། ཁུལ་རང་བྱུང་ཐོན་ཁུངས་ཅུའི་ཅུ་ཀྲང་།

ཀྲོ་ཁྲང་མིང་། ཁུལ་འགྲིམ་འགྲུལ་སྐྱེལ་འདྲེན་ཅུའི་ཅུ་ཀྲང་།

ཧོ་ཏེ་ལུང་། ཁུལ་སྡོད་ཁང་དང་གྲོང་གསེབ་འཛུགས་སྐྲུན་ཅུའི་ཅུ་ཀྲང་།

ཝང་ཆིན། ཁུལ་སྐྱེ་ཁམས་ཁོར་ཡུག་ཅུའི་ཅུ་ཀྲང་།

ཀོན་ཡུས་ཕིན། ཁུལ་ཆུ་བེད་ཅུའི་ཅུ་ཀྲང་།

བློ་བཟང་། ཁུལ་ནགས་ལས་དང་རྩྭ་ཐང་ཅུའི་ཅུ་ཀྲང་།

ཏུང་པོ། ཁུལ་ཞིང་ཕྱུགས་དང་ཚན་རྩལ་ཅུའི་ཅུ་ཀྲང་།

ཚེ་རིང་ནོར་བུ། ཁུལ་གྲོང་གསེབ་དར་སྤེལ་ཅུའི་ཅུ་ཀྲང་།

སྟག་རྩེ་རྒྱལ། ཁུལ་རིག་གནས་ལུས་རྩལ་གནས་སྐོར་རྒྱང་བརྙན་ཅུའི་ཅུ་ཀྲང་།

ཨ་ཧྲིན་ཧྥུའུ། ཁུལ་འཕྲོད་བསྟེན་བདེ་ཐང་ཨུ་ཡོན་ལྷན་ཁང་གི་ཀྲུའུ་རིན།

ལིས་ཀྲིན་ཡེ། ཁུལ་སློབ་གསོ་ཅུའི་ཅུ་ཀྲང་།

ལིས་ཡུས་ཆིང་། ཁུལ་དམངས་སྲིད་ཅུའི་ཅུ་ཀྲང་།

ལིས་པིན། ཁུལ་རྩིས་བཤེར་ཅུའི་ཅུ་ཀྲང་།

མོ་རོང་པོ། ཁུལ་ཁྲལ་དོན་ཅུའི་ཅུ་ཀྲང་།

མེང་ཡོན་ལུང་། ཁུལ་དངུལ་ཁང་སྲུང་སྐྱོང་ལྟ་སྐུལ་ཡན་ལག་ཅུའི་ཅུ་ཀྲང་།

ལིའུ་ལེ། མི་དམངས་དངུལ་ཁང་མཚོ་བྱང་ཁུལ་ལྟེ་བའི་ཉིང་ལག་དངུལ་ཁང་གི་མགོ་གཙོ།

ལི་ཞིན་ཕིང་། ཐོག་དང་པོའི་ཉིང་རྡུལ་མཚོན་ཆ་ཞིབ་བཟོའི་རྟེན་གཞིའི་གནས་རྙིང་སྲུང་སྐྱོང་བེད་སྤྱོད་ལས་དོན་གཞུང་ལས་ཁང་གི་ཀྲུའུ་རིན།

དྲུག རྩ་འཛུགས་འགན་སྲུང་།

 ས་གནས་སོ་སོ་དང་སྡེ་ཁག་སོ་སོས་གསོག་འཇོག་རྒྱུ་ནོར་གང་འགབ་ཅི་སྤྱོད་དང་ནུས་ལྡན་མ་འཇོག་རྒྱ་ཆེར་གཏོང་བའི་དོན་སྙིང་གལ་ཆེན་ལ་གོ་བ་ནན་ཏན་བླངས་ནས། ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི་ཐབས་ཇུས་བཀོད་སྒྲིག་དང་། ཞིང་ཆེན་དང་ཁུལ་ཨུ། སྲིད་གཞུང་གི་ལས་དོན་བཀོད་སྒྲིག་ལག་བསྟར་དོན་འཁྱོལ་གཏིང་ཟབ་བྱེད་པ་དང་། མགོ་ཁྲིད་གཙོ་བོས་དངོས་སུ་དམ་འཛིན་དང་ལས་བགོས་འགན་གཉེར་མགོ་ཁྲིད་ཀྱིས་ཞིབ་ཕྲའི་དམ་འཛིན་བྱས་ཏེ་འགན་འཁྲི་འཁུར་སེམས་ཆེ་རུ་གཏོང་བ་དང་། བྱ་བའི་བྱ་ཐབས་ཞིབ་ཚགས་སུ་གཏོང་བ། འགན་འཁྲི་དང་ལས་འགན་ཁ་གསལ་བཟོ་བ། ལྟ་སྐུལ་མཛུབ་ཁྲིད་ལ་ཤུགས་སྣོན་རྒྱག་པ། ལྷག་པའི་གནད་དོན་དུས་ཐོག་ཏུ་ཤེས་རྟོགས་དང་ཐག་གཅོད་བཅས་བྱས་ནས་ལས་དོན་དོན་ཐོག་ཏུ་འཁྱོལ་ཐུབ་པ་འགན་སྲུང་བྱེད་དགོས།

 རྫོང་བཞིའི་མི་དམངས་སྲིད་གཞུང་དང་། ཁུལ་འཕེལ་རྒྱས་བཅོས་སྒྱུར་ཨུ། ཁུལ་ནོར་སྲིད་ཅུ། ཁུལ་བཟོ་ལས་ཆ་འཕྲིན་ཅུ། ཁུལ་ཁྲལ་དོན་ཅུ། ཁུལ་རང་བྱུང་ཐོན་ཁུངས་ཅུ། ཁུལ་སྡོད་ཁང་འཛུགས་སྐྲུན་ཅུ། ཁུལ་སྐྱེ་ཁམས་ཁོར་ཡུག་ཅུ། ཁུལ་དངུལ་ཁང་འགན་བཅོལ་ལྟ་སྐུལ་ཡན་ལག་ཅུ་སོགས་སྡེ་ཁག་གིས་མཐུན་སྦྱོར་ལམ་སྲོལ་འདོན་སྤེལ་བྱས་ཏེ་ཆ་འཕྲིན་འབྲེལ་གཏུག་དང་སྲིད་ཇུས་སྦྲེལ་མཐུད་ལ་ཤུགས་སྣོན་བརྒྱབ་ནས། དུས་ཐོག་ཏུ་དགོས་མཁོ་དང་ལེན་དང་བྱ་བའི་མཉམ་ཤུགས་ཆགས་པ་བྱས་ཏེ་གསོག་འཇོག་རྒྱུ་ནོར་གྱི་དོན་དག་གལ་ཆེན་དུས་ཐོག་ཏུ་ཁུལ་ཨུ་དང་ཁུལ་སྲིད་གཞུང་ལ་སྙན་སེང་ཞུ་དགོས།

 ས་གནས་སོ་སོ་དང་སྡེ་ཁག་སོ་སོས་རྩ་འཛུགས་ཀྱི་སྒྲིག་ཁྲིམས་ནན་སྲུང་དང་། ཁྲིམས་ལྟར་ཚད་ལྡན་ངང་བཀོལ་སྤྱོད་བྱེད་པ། གཙང་བཤེར་དང་ཕན་སྒྱུར་གྱི་ལས་དོན་ཡག་པོ་སྒྲུབ་པ་བཅས་བྱེད་དགོས། ཁུལ་རིམ་པའི་མཐུན་སྦྱོར་ལམ་སྲོལ་གྱིས་གསོག་འཇོག་རྒྱུ་ནོར་གང་འགབ་ཅི་སྤྱོད་དང་ནུས་ལྡན་མ་འཇོག་ལས་དོན་རྒྱ་ཆེར་གཏོང་བ་མི་འདང་བའི་ས་གནས་དང་སྡེ་ཁག་ལ་ལྟ་སྐུལ་མཛུབ་ཁྲིད་དང་སྐོང་འདྲི་སོགས་ཀྱི་བྱེད་ཐབས་སྤྱད་དེ་ལྟ་སྐུལ་མཛུབ་ཁྲིད་བྱེད་ཤུགས་ཆེ་རུ་གཏོང་དགོས། འགན་འཁྲི་ལག་བསྟར་གནད་ལ་མི་འཁེལ་བའི་ལས་ཁུངས་དང་མི་སྒེར་ལ་བཅའ་ཁྲིམས་དང་སྒྲིག་སྲོལ་ལྟར་འགན་འཁྲི་བདའ་འདེད་བྱེད་པ་མ་ཟད། འབྲེལ་ཡོད་འགན་ཁུར་བའི་འགན་འཁྲི་བདའ་འདེད་བྱེད་དགོས། ས་གནས་སྲིད་གཞུང་གི་བུ་ལོན་ཟུག་ཚད་ཅུང་མཐོ་བའི་ས་ཁུལ་ལ་གཙོ་གནད་དུ་དེས་གསོག་འཇོག་རྒྱུ་ནོར་གང་འགབ་ཅི་སྤྱོད་བྱས་པ་བརྒྱུད། བུ་ལོན་གྱི་ཚད་དམའ་རུ་གཏོང་བ་དང་མ་འཇོག་བསྐྱར་མ་བྱེད་ནུས་ཆེ་རུ་གཏོང་རྒྱུར་སྐུལ་འདེད་གཏོང་དགོས། ལོ་དེར་གཞུང་ཁོངས་རྒྱུ་ནོར་གསོག་འཇོག་གི་འབྲེལ་ཡོད་གནས་ཚུལ་གང་འགབ་ཅི་སྤྱོད་བྱས་ནས་ཁུལ་ཡོངས་ཀྱི་རིམ་པ་སོ་སོའི་སྲིད་གཞུང་གི་ལོ་འཁོར་གྱི་གཞུང་ཁོངས་རྒྱུ་ནོར་སྙན་ཞུའི་ནང་འཇུག་དགོས།

ཇུས་གཞི་འདི་དཔར་འགྲེམས་བྱས་ཉིན་ནས་བཟུང་ལག་བསྟར་བྱ་རྒྱུ་དང་གོ་ཆོད་དུས་ཡུན་ལོ་ལྔ་ཡིན་ལ། 2022ལོའི་ཟླ11པ་ནས2027ལོའི་ཟླ10པའི་བར་ཡིན།




本期证报PDF文件