རོགས་སྐྱོབ་ལྷན་ཚོགས་ཀྱིས་གནས་ཚུལ་སྤེལ་བར་གཞིགས་ན། ལོ10མན་གྱི་བྱིས་པ་ཁྲི13ཙམ་ཅ་ཧྲའི་བྱང་རྒྱུད་དུ་ལུས་ཡོད།

2024-11-25 15:56:00 | 371

སྒྲིག་སྒྱུར། སངས་རྒྱས་སྐྱིད། ཡོང་ཁུངས། ཀྲུང་དབྱང་བརྙན་འཕྲིན་གསར་འགྱུར། བཤེར་འབེབས། རིན་ཆེན་ཚེ་རིང་།

ས་གནས་དེ་གའི་ཚེས25ཉིན། རྒྱལ་སྤྱིའི་བྱིས་པའི་དགེ་སྒྲུབ་རྩ་འཛུགས་ཀྱི་བྱིས་པའི་རོགས་སྐྱོབ་ལྷན་ཚོགས་ཀྱིས་གནས་ཚུལ་སྤེལ་བར་གཞིགས་ན། ལོ10མན་གྱི་བྱིས་པ་ཁྲི13ཙམ་ཅ་ཧྲའི་བྱང་རྒྱུད་དུ་ལུས་ཡོད། ཟླ10པའི་ཚེས6ཉིན་དབྱི་སི་རལ་དམག་དཔུང་གིས་ཅ་ཧྲའི་བྱང་རྒྱུད་ལ་སྐོར་རྒོལ་བྱས་པ་ནས་བཟུང་ས་ཁུལ་དེའི་བྱིས་པའི་བཟའ་བཅའ་དང་། ཆུ། སྨན་རྫས་བཅས་མཁོ་འདོན་བྱེད་མཚམས་ཆད་ཡོད།

དགེ་སྒྲུབ་རྩ་འཛུགས་དེའི་ས་ཁུལ་གྱི་ཀྲུའུ་རེན་ཅེ་ལི་སྨི·སི་ཐོ་ནཱས“ཅ་ཧྲའི་བྱང་རྒྱུད་ཀྱི་དུས་བབ་ལྟར་ན་མིའི་རིགས་འཚོ་གནས་བྱ་མི་ཐུབ། ཡིན་ནའང་ལོ10མན་གྱི་བྱིས་པ་ཁྲི13ཙམ་ཆ་རྐྱེན་དེ་རིགས་འོག་ཉེན་ཁའི་གནས་སུ་གྱར་ཡོད། ཅ་ཧྲར་མི་ཆོས་རིང་ལུགས་ཀྱི་རོགས་སྐྱོར་བྱས་པ་དེ་ལོ་རྒྱུས་ཀྱི་ཆུ་ཚད་དམའ་ཤོས་སུ་ཆག་པ་དང་ཅ་ཧྲའི་བྱང་རྒྱུད་ཀྱི་དུས་བབ་ངན་པ་ནི་འཇིགས་སུ་རུང་བའི་ཚད་དུ་སླེབས་ཡོད། ངེས་པར་དུ་འཕྲལ་མར་བདེ་འཇགས་ཡིན་པའི་མི་ཆོས་རིང་ལུགས་ཀྱི་ཐབས་ལམ་བརྒྱུད་དེ་བྱང་རྒྱུད་ཀྱི་ས་ཁུལ་དུ་ལུས་པའི་མིར་བཟའ་བཅའ་དང་། ཆུ། དགུན་དུས་ཀྱི་དངོས་པོ། སྨན་བཅོས་རོགས་སྐྱོབ་བཅས་མཁོ་འདོན་བྱེད་དགོས།”ཞེས་བཤད།

སི་ཐོ་ནཱས་རྒྱལ་སྤྱིའི་སྤྱི་ཚོགས་ལ་ཁོང་ཚོར་རོགས་རམ་བྱེད་དགོས་པའི་རེ་འབོད་བྱས་པ་དང་འབྲེལ།“འགྲོ་ལམ་མེད་པ་དང་དམག་མཚམས་མ་བཞག་ན་ང་ཚོས་ཕྲུ་གུ་རྣམས་མི་ཡུལ་གྱི་དམྱལ་ཁམས་ནས་འཆི་རུ་འཇུག་རྒྱུ་རེད”ཅེས་བཤད།

སྐབས་སྔོན་མ། ཨ་རིའི་སྨྱན་སྦྱོར་གྱིས་ཚོད་དཔག་བྱས་པ་ལྟར་ན་ཁྲོམ་ཕུ་ལ་ཉུང་མཐར་ཡང་འདེམ་ཤོག270ཐོབ་འདུག

སྐབས་རྗེས་མ། ཨོ་སི་ཁྲུ་ལི་ཡས་ལོ16མན་གྱི་ན་སོ་དར་ལ་མ་བབས་པའི་མིས་འབྲེལ་ལམ་སྨྱན་སྦྱོར་སྤྱོད་མི་ཆོག་པའི་གཏན་འབེབས་བྱས།