ཁྲོམ་ཕུས་ཨ་རིས་ཉིང་ལྷེབ་དང་ཕྱེད་འདྲེན་གཟུགས་ལ་སྒོ་ཁྲལ་གྱི100%བསྡུ་རྒྱུ་ཡིན་ཞེས་བསྒྲགས་པ།

སྒྲིག་སྒྱུར། ཀླུ་མོ་མཚོ།  ཡོང་ཁུངས། ཀྲུང་གོ་གསར་འགྱུར་དྲ་བ།  བཤེར་འབེབས། རིན་ཆེན་ཚེ་རིང་།

ཀྲུང་གོ་གསར་འགྱུར་དྲ་བའི་ཟླ8ཚེས7ཉིན་གྱི་གློག་འཕྲིན། ལུའུ་ཐུའུ་གསར་འགྱུར་ཁང་གིས་གནས་ཚུལ་སྤེལ་བར་གཞིགས་ན། ས་གནས་དེ་གའི་དུས་ཚོད་ཚེས6ཉིན་ཨ་རིའི་ཙུང་ཐུང་ཁྲོམ་ཕུས་ཨ་རིས་ཉིང་ལྷེབ་དང་ཕྱེད་འདྲེན་གཟུགས་ལ་སྒོ་ཁྲལ་གྱི100%བསྡུ་རྒྱུ་ཡིན་ཞེས་བཤད་པ་རེད།

དཔྱད་གཞིའི་པར་རིས། ཁྲོམ་ཕུ།

ཁྲོམ་ཕུས་ད་དུང“ཨ་རིར་ནང་འདྲེན་བྱེད་པའི་ཉིང་ལྷེབ་དང་ཕྱེད་འདྲེན་གཟུགས་ཚང་མར་སྒོ་ཁྲལ100%བསྡུ་དགོས་མོད། འོན་ཀྱང་གལ་ཏེ་ཁྱེད་ཀྱིས（ཨ་རིར）བཟོ་གྲྭ་འཛུགས་པ་ཁས་བླངས་པའམ་ཡང་ན（ཨ་རིར）བཟོ་གྲྭ་འཛུགས་བཞིན་ཡོད་ཚེ། སྤྱི་གཉེར་མང་པོ་དང་འདྲ་བར་སྒོ་ཁྲལ་མེད”ཅེས་བཤད།