ཨུ་རུ་སུས་འཇར་པན་གྱི་སྤྱི་དམངས30མངའ་ཁོངས་སུ་ཡོང་རྒྱུ་བཀག་འགོག་བྱས་ནས་འཇར་པན་ཕྱོགས་ཀྱི་བཀག་སྡོམ་ལ་རྒོལ་ལན་སྤྲད་པ།

2025-11-12 15:50:48 | 45

སྒྲིག་སྒྱུར། སངས་དོན། ཡོང་ཁུངས། ཞིན་ཧྭ་དྲ་བ། བཤེར་འབེབས། རིན་ཆེན་ཚེ་རིང་།

ཞིན་ཧྭ་གསར་འགྱུར་ཁང་མོ་སི་ཁོ་ནས་ཟླ11པའི་ཚེས12ཉིན་འབྱོར་བའི་གློག་འཕྲིན། ཚེས11ཉིན་གྱི་དགོང་མོར། ཨུ་རུ་སུའི་ཕྱི་འབྲེལ་པུས་འཇར་པན་གྱི་སྤྱི་དམངས30དུས་བཀག་མེད་པར་མངའ་ཁོངས་སུ་འཛུལ་མི་ཆོག་པའི་ཁྱབ་བསྒྲགས་བྱས། དེ་ནི་འཇར་པན་གྱིས་ཨུ་རུ་སུར་མུ་མཐུད་དུ་བཀག་སྡོམ་བྱས་པར་རྒོལ་ལན་སྤྲད་པ་ཞིག་རེད།

ཨུ་རུ་སུའི་ཕྱི་འབྲེལ་པུས་ཉིན་དེའི་དགོང་མོར་དྲ་ཚིགས་ཐོག་གསལ་བསྒྲགས་སྤེལ་ནས་ད་ཐེངས་རྒྱལ་མཚམས་ནང་འཛུལ་མི་ཆོག་པའི་འཇར་པན་གྱི་སྤྱི་དམངས་ནང་འཇར་པན་ཕྱི་དོན་ཧྲེང་གི་དཔོན་རིགས་པེ་ཚུན་ཅུན་པོ་ཚུད་ཡོད་པ་དང་། གཞན་པའི་མང་ཆེ་བ་ནི་འཇར་པན་སྨྱན་སྦྱོར་དང་སློབ་གསོའི་ལས་རིགས་ཀྱི་མི་སྣ་རེད།

2022ལོར། ཡུག་རེན་གྱི་ཉམས་ཉེན་ཆེ་རུ་ཕྱིན་རྗེས་འཇར་པན་གྱིས་ཨ་རིའི་རྗེས་སུ་འབྲངས་ནས་ཨུ་རུ་སུར་བཀག་སྡོམ་རྒྱ་ཁྱབ་བྱས་པ་རེད། ལན་སློག་པའི་ངོས་ནས་ཨུ་རུ་སུ་ཕྱོགས་ཀྱིས་འཇར་པན་དེ“མཛའ་གྲོགས་མེད་པའི་རྒྱལ་ཁབ”ཀྱི་མིང་ཐོའི་ནང་བཅུག་ཡོད། ད་ལོའི་ཟླ9པར། འཇར་པན་སྲིད་གཞུང་གིས་ཨུ་རུ་སུའི་ཀུང་སི་དང་མི་སྒེར་ཁག་གཅིག་བཀག་སྡོམ་མིང་ཐོའི་ནང་སླར་ཡང་བཅུག་པ་རེད།

སྐབས་སྔོན་མ། ཨ་རིའི་སྨྱན་སྦྱོར་གྱིས་ཨ་རིའི་ཚོགས་འདུའི་གྲོས་ཁང་གོང་མས་སྲིད་གཞུང་གི“སྒྲིག་མཚམས་འཇོག་པ”མཇུག་འགྲིལ་རྒྱུའི་ཐད་གྲོས་མཐུན་བྱུང་ཡོད་ཅེས་བཤད་པ།

སྐབས་རྗེས་མ། མེད།