འཇར་པན་དུ་མཚན་གུང་ལ་ས་ཡོམ་བྱུང་བ།

སྒྲིག་སྒྱུར། ཀླུ་མོ་མཚོ།  ཡོང་ཁུངས། ཀྲུང་གོ་གསར་འགྱུར་དྲ་བ།   བཤེར་འབེབས། རིན་ཆེན་ཚེ་རིང་།

འཇར་པན་གནམ་གཤིས་ཐིང་གིས་གནས་ཚུལ་སྤེལ་བར་གཞིགས་ན། ཚེས26ཉིན་གྱི་དགོང་མོར་འཇར་པན་ཡན་ཧྲིའུ་རྫོང་གི་ཤར་རྒྱུད་མཚོ་ཁོངས་སུ་ས་ཡོམ་རིམ་པ6.5བྱུང་ཡོད།

འཇར་པན་གནམ་གཤིས་ཐིང་གིས་ས་ཡོམ་དེ་ས་གནས་དེ་གའི་དུས་ཚོད23དང་སྐར་མ18（པེ་ཅིང་གི་དུས་ཚོད22དང་སྐར་མ18）ཡས་མས་སུ་བྱུང་བ་དང་ཡོམ་ལྟེ་དེ་བྱང་གི་འཕྲེད་ཐིག་ཏུའུ39.5དང་ཤར་གྱི་གཞུང་ཐིག་ཏུའུ143.3བར་གནས་པ་དང་། ཡོམ་ཁུངས་གཏིང་ཚད་སྤྱི་ལེ10ཙམ་ཡིན་ཅེས་བཤད་པ་རེད། གནམ་གཤིས་ཐིང་གིས་ས་ཡོམ་རིམ་པ6.4ཡིན་པ་ཁྱབ་བསྒྲགས་བྱས་པ་དང་། རྗེས་སུ་རིམ་པ6.5རུ་ལེགས་སྒྲིག་བྱས་ཡོད།

གནམ་གཤིས་ཐིང་གིས་ཐེངས་འདིའི་ས་ཡོམ་ལས་མཚོ་ངོས་སུ་འཕར་ཆག་ཕྲན་བུ་ཡོང་སྲིད་ཀྱང་གནོད་འཚེར་སེམས་ཁྲལ་བྱེད་དགོས་དོན་མེད་ཚུལ་བཤད།