ཧོ་པིན་གྱིས་ལྗོངས་ཁུལ་འཛུགས་སྐྲུན་གནས་ཚུལ་ལ་བརྟག་ཞིབ་བྱས་པ།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མདོ་ལ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་། 

  ཟླ5བའི་ཚེས29ཉིན། རྫོང་ཨུའི་ཧྲུའུ་ཅི་ཧོ་པིན་མུ་རི་གྲོང་རྡལ་ལྷ་ཡུལ་བླ་མཚོའི་མཛེས་ལྗོངས་ཁུལ་གྱི་འཛུགས་སྐྲུན་གནས་ཚུལ་ལ་བརྟག་ཞིབ་གནང་བར་ཕྱིན། བརྟག་ཞིབ་བྱེད་རིང་། ཧོ་པིན་གྱིས་ཡུལ་དངོས་གཟིགས་ཞིབ་དང་སྙན་ཞུར་ཉན་པ། སྒྲོག་འགྲེལ་བཅས་ཀྱི་བྱེད་ཐབས་བརྒྱུད་ལྗོངས་ཁུལ་ལས་གཞི་འཛུགས་སྐྲུན་འཕེལ་རིམ་གྱི་གནས་ཚུལ་དང་། ལྗོངས་ཁུལ་གྱི་གཉེར་སྐྱོང་དོ་དམ། རིག་གནས་གནས་སྐོར་ཐོན་ལས་ཀྱི་སྣེ་ཁྲིད། ཡུལ་ཁོངས་ཧྲིལ་བོའི་འཆར་འགོད་བཀོད་སྒྲིག མ་དངུལ་གཏོང་བ་སོགས་ཀྱི་གནས་ཚུལ་ལ་ཞིབ་ཕྲའི་རྒྱུས་ལོན་བྱས།

           ཧོ་པིན་གྱིས་མཛེས་ལྗོངས་ཁུལ་འཛུགས་སྐྲུན་བྱེད་པར་སྲུང་སྐྱོང་ཁྲོད་གསར་སྤེལ་དང་གསར་སྤེལ་ཁྲོད་སྲུང་སྐྱོང་མཐའ་འཁྱོངས་བྱེད་དགོས་ཤིང་། གནས་སྐོར་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་ཚོད་འཛིན་བཟོ་བའི་ཞན་ཆ་ཞིབ་འཇུག་ཐག་གཅོད་བྱེད་པ་དང་། རྨང་གཞིའི་སྒྲིག་བཀོད་རྒྱུན་མཐུད་འཐུས་ཚང་དུ་གཏོང་བ། ལེ་ལག་ཚང་བའི་ཞབས་ཞུའི་མཁོ་སྤྲོད་ལེགས་སྒྱུར་བྱས་ནས་གནས་སྐོར་སྣེ་ལེན་ནུས་པ་དང་ཞབས་ཞུའི་ཆུ་ཚད་ཟམ་མི་ཆད་པར་མཐོ་རུ་གཏོང་དགོས། ས་གནས་ཀྱི་ཕུལ་བྱུང་སྲོལ་རྒྱུན་རིག་གནས་སྔོག་འདོན་བྱེད་པ་དང་། ས་གནས་ཀྱི་རིག་གནས་ཤེས་ལྡན་པ་སྐྱེད་སྲིང་ཧུར་ཐག་བྱེད་པ། མང་ཚོགས་ཞུགས་འདོད་པ་དང་ཞུགས་བདེ་བའི་རིག་གནས་བྱེད་སྒོ་རྒྱ་ཁྱབ་ངང་སྤེལ་བ། མདོ་ལའི་མི་རིགས་ཁག་གི་སྲོལ་རྒྱུན་རིག་གནས་ལ་དུས་རབས་ཀྱི་ནང་དོན་གསར་བ་དང་དུས་བསྟུན་འཕེལ་རྒྱས་ཀྱི་ཕྱིར་མཚོན་རྣམ་པ་རྒྱུན་ཆད་མེད་པར་བསྩལ་ཏེ་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་ཀྱི་གསོན་ཤུགས་དྲག་པོ་འཕེལ་བར་བྱེད་དགོས། མི་རིགས་ཀྱི་ཁྱད་ཆོས་སྔར་བས་མངོན་གསལ་དུ་གཏོང་བ་དང་། ཐུའོ་མའོ་རིགས་ཀྱི་ཁྱད་ལྡན་ཐོན་རྫས་དང་རིག་གནས་ལས་རྣམ་ཕུན་སུམ་ཇེ་ཚོགས་སུ་གཏོང་བ། “བཟའ་སྡོད་འགྲོ་སྐོར་ཉོ་རྩེད་དྲུག”གཞི་གཅིག་ཏུ་འདུས་པའི་གྲོང་གསེབ་དར་སྤེལ་གྱི་དཔེ་སྟོན་ཁུལ་ཧུར་ཐག་གིས་བཏོད་ནས་གནས་སྐོར་བ་ཡོང་ཐུབ་པ་དང་གནས་ཐུབ་པ་བྱེད་དགོས། ལས་གཞིའི་སྒྲིག་བཀོད་དང་ལེ་ལག་ཚང་བའི་འཆར་འགོད་ཇུས་འགོད་ཐད་ཐུན་མོང་མ་ཡིན་པའི་གསར་གཏོད་རང་བཞིན་མངོན་པར་བྱས་ཏེ་སྐྱེ་ཁམས་ཐོན་ཁུངས་དང་རིག་གནས་ཐོན་ཁུངས་ཀྱི་ལེགས་ཆ་དེ་རིག་གནས་གནས་སྐོར་ཐོན་ལས་འཕེལ་རྒྱས་ཀྱི་སྒུལ་ཤུགས་ཆེན་པོར་བསྒྱུར་ནས་མཐའ་འཁོར་མང་ཚོགས་ལ་འབབ་འཕར་ཡོང་བར་སྐུལ་ཁྲིད་བྱེད་དགོས་པའི་བླང་བྱ་བཏོན། 

   ཧོ་པིན་གྱིས་སྡེ་ཁག་སོ་སོ་དང་སྡེ་ཚན་སོ་སོས་མཛེས་ལྗོངས་ཁུལ་དང་སྤྱི་འདོམས་མཐུན་སྦྱོར་ལ་ཤུགས་སྣོན་རྒྱག་པ་དང་། ཞབས་ཞུའི་འགན་ལེན་ལ་ཤུགས་སྣོན་རྒྱག་པ། ཁེ་ལས་དང་འབྲེལ་གཏུག་འབྲེལ་འདྲིས་ལེགས་པོར་བྱེད་པ་བཅས་བྱས་ནས་འཕེལ་རྒྱས་ཀྱི་དཀའ་གནད་སྣ་ཚོགས་དུས་ཐོག་ཏུ་ཐག་གཅོད་བྱེད་དགོས་ཞེས་ནན་བཤད་གནང་། ཁོངས་གཏོགས་ཡུལ་གྲོང་གིས་ཧུར་ཐག་གིས་མདུན་དུ་བསྐྱོད་དེ་སྔོན་ལ་འཆར་འགོད་དང་། སྲིད་ཇུས་ཐག་གཅོད་ཡག་པོ་བྱེད་པ། གནས་སྐོར་གཙོ་གཉེར་སྡེ་ཚན་གྱིས་རང་ངོས་ཀྱི་འགན་འཁྲི་ཏན་ཏིག་འཁུར་ནས་སྤྱི་འདོམས་ཁྲིད་སྟོན་དང་མཐུན་སྦྱོར་འབྲེལ་གཏུག་སོགས་ཀྱི་ནུས་པ་འདོན་སྤེལ་ཡག་པོ་བྱས་ཏེ་སྡེ་ཚན་དབར་རོགས་ལས་དང་། གནས་སྐོར་མཉམ་འགུལ་བྱེད་ཤུགས་ཆེ་རུ་གཏོང་བ། ལྗོངས་ཁུལ་གྱིས་རང་འགུལ་རང་བཞིན་འདོན་སྤེལ་དང་འབྲེལ་གཏུག་ཧུར་ཐག་བྱས་ཏེ་འབྲེལ་མཐུད་མཐུན་སྦྱོར་ཏན་ཏིག་བྱེད་དགོས། ཧོ་པིན་གྱིས་ད་དུང་མུ་རི་གྲོང་རྡལ་གྱི་འབྲེལ་ཡོད་ལས་དོན་གཞན་དག་ལ་བརྟག་ཞིབ་བྱས།