མདོ་ལ་ཤེས་པར་བྱེད་པ་དང་མདོ་ལར་དགའ་བ། མདོ་ལ་དྲིལ་སྒྲོག་ཡག་པོ་བྱེད་པ།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མདོ་ལ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་། 

རྩོམ་སྒྲིག་པའི་གཏམ། མདོ་ལ་ནི་མདོ་ལ་རིང་མོའི་དབང་གིས་མིང་དེ་ལྟར་དུ་ཐོགས་ཤིང་། ཡུལ་གྱི་མཛེས་ལྗོངས་ལྟ་ན་སྡུག་ལ། མི་ཆོས་ཀྱི་དཔལ་ཡོན་རྣམ་པར་བཀྲ། སྐྱེ་ཁམས་གནས་སྐོར་དང་། རང་བྱུང་གི་པང་དུ་ལོག་པ། ལོ་རྒྱུས་དང་མཉམ་འདྲེས། རང་བྱུང་དང་ཁ་ཐག་ཉེ་བ་བཅས་ཀྱི་ས་མཐོའི་དག་ཞིང་སྟེ། གནས་མཆོག་ལྷ་ཡི་ཞིང་ཁམས་ཡིན། མདོ་ལ་ཇི་ལྟར་མཛེས་ཤེ་ན། སྣ་མང་རིག་གནས་ཀྱིས་མཛེས། ཁ་ཡོ་རིག་གནས་དང་ཀྲུང་ཡོན་རིག་གནས་གནས་འདིར་ཤུལ་བཞག་ཏུ་ལུས་ཤིང་། རྩྭ་ཐང་རིག་གནས་དང་ཞིང་ལས་རིག་གནས་གནས་འདིར་ལྷན་ཅིག་འདུས། མི་རིགས་ཁག17གྱི་མི་འབོར་ཁྲི5ལྷག་སྤྱི་ལེ་གྲུ་བཞི་མ་ཁྲི1.4ཡི་གཤིན་ས་རུ་བདེ་བར་འཚོ་ཞིང་ལས་ལ་བརྩོན། མདོ་ལར“ཀྲུང་གོའི་ཤ་སེར་གྱི་ཕ་ཡུལ”དང“ཀྲུང་གོའི་མཛེས་སྡུག་ལྡན་པའི་ཞིང་ར”ཞེས་པའི་མཚན་སྙན་ལྡན་པ་དང་རྒྱལ་ཁབ“སྐྱེ་ལྡན་ཞིང་ལས་དཔེ་སྟོན་རྟེན་གཞི”ཡང་ཡིན། མཐོ་སྒང་གི་ཐུན་མོང་མ་ཡིན་པའི་གནམ་གཤིས་ཆ་རྐྱེན་དང་ས་བཅུད་ཕུན་སུམ་ཚོགས་པའི་ཡུལ་གྲུ་འདིས་མདོ་ལར་ཕུན་སུམ་ཚོགས་པའི་ཕྱུགས་ལས་ཀྱི་ཐོན་ཁུངས་བསྩལ་ཅིང་། མདོག་དྲི་རོ་གསུམ་གཅིག་ཏུ་འཛོམས་པའི་བོད་ལུག་གི་ཤ་དང་སྐམས་ཤ མིག་མདངས་ཅིག་ཅར་འཕྲོག་པའི་རི་སྐྱེས་ཤ་མོའི་རིགས་ཀྱི་བཟའ་བཅའ་དག་ནི་ལྕེ་རྩེའི་མདོ་ལའི་ཆེས་རྗེན་ནེར་མྱོང་ཐུབ་པའི་བྲོ་བ་ཟབ་ཤོས་དེའོ། །མདོ་ལ་ཅི་ལྟར་མཛེས་ཤེ་ན། རི་ཆུའི་རང་བྱུང་གིས་མཛེས། གངས་རི་དང་ནགས་ཚལ། རྩྭ་ཐང་། མཚམས་སྤྲིན་ས་དབྱིབས། ཆུ་བོ། འཁྱགས་རོམ་སོགས་་་་་་་་་་་་་། གནས་འདིར་མཚོ་བོད་མཐོ་སྒང་གི་རབ་ཏུ་མཛེས་པའི་རང་བྱུང་མཛེས་ལྗོངས་མཐའ་དག་གཅིག་ཏུ་བཟླུམས་ཤིང་། གྲ་གྲུ་ཐམས་ཅད་མཛེས་སྡུག་ལྡན་པའི་རང་བྱུང་གི་ལྡེབས་རིས་སུ་གྲུབ་པས། གོམ་པའི་འདེགས་འཇོག་རེའི་བར་ནས་ཀྱང་ཡིད་དབང་ལན་རེར་འཕྲོག་ནུས་པའི་སྒྱུ་འཕྲུལ་གྱི་དྲ་བ་འཁྲིགས། འདི་ནི་རི་རབ་ཀྱི་རྫོང་སྟེ་གཙང་ཆབ་ཀྱི་ཁུངས་ཀྱང་ངོ་། །རི་ཆུ་ནི་མདོ་ལའི་རང་བྱུང་གི་དགེ་མཚན་ཡིན་པ་དང་། “ཀྲུང་གོའི་ཚ་གཡོལ་རི་ཆེན་བརྒྱ”ཡི་གྲས་སུ་གཏོགས་པའི་ཨ་མྱེས་སྟོང་སོ་ནས་གཙང་བོའི་ཕར་ངོགས་སུ་བཅད་པའི་བཙུན་མོ་དམར་ཡག་མའི་བར་དང་། རི་རྩེའི་ཐང་ཤིང་དང་ལྗང་ཕོན། དཀན་གཟར་མཚམས་སྤྲིན་ལྟར་དམར་བ། བར་དམ་ཆུ་བོའི་བྲག་རོང་ཆེན་མོ་བཅས། གཡང་གཟར་གཏིང་ལ་ཟུག་ཅིང་། རྔམ་བརྗིད་དཔལ་དུ་འབར་་་་་་་་་་། མདོ་ལ་ཇི་ལྟར་མཛེས་ཤེ་ན། ལོ་རྒྱུས་ཞབས་རྗེས་ཀྱིས་མཛེས། མཁར་དམར་གནའ་མཁར། རྨ་ནུབ་དོག་ལམ་ཕྱོགས་སུ་བསྐྱོད་པའི་འགྲིམ་འགྲུལ་འགག་གནད་ཅིག་ཏུ་གནས་ཤིང་། གནའ་བོའི“དར་གོས་ཚོང་ལམ”ལྷོ་ལམ་གྱི་སླུངས་ཚིགས་གལ་ཆེན་ཡིན། སྔོན་ཆད་ལམ་རིང་བོར་དཔལ་ཡོན་གྱི་ས་བོན་བཏབ་ཅིང་ལམ་ཧྲིལ་བོར་འབྲས་བཟང་རྣམ་པར་བཞད། དམར་དམག་ནུབ་ལམ་དམག་དང་བཅིངས་འགྲོལ་དམག་དམག་དཔུང་གཉིས་པའི་རྗེས་དྲན་ཁང་ནི་ཞིང་ཆེན་རིམ་པའི་རྒྱལ་གཅེས་རིང་ལུགས་ཀྱི་སློབ་གསོའི་རྟེན་གཞི་ཡིན་ལ། དམར་དམག་ནུབ་ལམ་དམག་གི་གཏམ་རྒྱུད་ལེགས་པོར་འཆད་པའི་ལྟེ་བའི་ཐེག་གནས་ཀྱང་ཡིན། གསར་བརྗེ་ལ་བློ་དཀར་ཞིང་རང་སྲོག་བློས་གཏོང་ཕོད་པའི་ནུབ་ལམ་དམར་དམག་གྲངས་མེད་ཅིག་གིས་མདོ་ལ་ནས་ཁྲག་དྲོན་དང་ཚེ་སྲོག་བཏོན་མྱོང་། གནམ་ས་གཡོ་བའི་དཔའ་བོའི་ལོ་རྒྱུས་བརྩམས་ཡོད། འཇིག་རྟེན་པར་དམར་དམག་ནུབ་ལམ་དམག་གིས་རྨ་ནུབ་གཡུལ་ཆམ་དང་། མདོ་ལ་བརྒལ་བའི་དགའ་སྐྱོའི་ལོ་རྒྱུས་དང་དམག་དཔོན་ཝང་ཀྲིན་གྱིས་དཔུང་ཁག་སྣེ་ཁྲིད་དེ་ཤིན་ཅང་ལ་བསྐྱོད་པ་དང་མདོ་ལ་གླུ་རུ་གྱེར་བའི་དཔའ་ཉམས་མངོན། མདོ་ལ་ཇི་ལྟར་མཛེས་ཤེ་ན། མི་རིགས་མཐུན་སྒྲིལ་གྱིས་མཛེས། ལོ་རྒྱུས་སྟེང་མདོ་ལ་ནི་མི་རིགས་མང་པོ་འགྲོ་འོང་མཉམ་འདྲེས་ཀྱི་བར་ཁྱམས་ཆེན་པོ་ཞིག་ཡིན་ལ། རིག་གནས་སྣ་མང་གི་འོད་སྣང་མཉམ་འདྲེས་དང་། རིགས་ཁག་མང་ཚོགས་མཉམ་ཤོང་གཅིག་ཏུ་གནས། ལོ་འདི་ཤས་རིང་། མདོ་ལས་སྔར་བས་མི་རིགས་མཐུན་སྒྲིལ་ཡར་ཐོན་གྱི་ལེའུ་གསར་བ་བར་མ་ཆད་པར་བརྩམས་ཏེ། “རྒྱལ་ཡོམས་མི་རིགས་མཐུན་སྒྲིལ་ཡར་ཐོན་དཔེ་སྟོན་རྫོང”དང་།  “རྒྱལ་ཡོངས་མི་རིགས་མཐུན་སྒྲིལ་ཡར་ཐོན་དཔེ་བཟང་ཐུན་མོང” “ཞིང་ཆེན་ཡོངས་ཀྱི་མི་རིགས་མཐུན་སྒྲིལ་ཡར་ཐོན་སྔོན་ཐོན་རྫོང”བཅས་ཀྱི་མིང་དོན་དང་མཚུངས་པའི་མཚན་རྟགས་བླངས། དྲག་རླབས་བརྒལ་ནས་གཡོར་མོ་མཐོ་རུ་བཏེགས། མཉམ་གཅིག་ཧུར་གྱིས་བསྐྱོད་པའི་དུས་ལ་བབས། སྔར་བས་མདོ་ལའི“སྙན་ངག་དང་རྒྱང་རིང”མཉམ་སྤྱོད་དང་། འོས་སྦྱོར། འགྲེམས་སྟོན་བྱ་ཆེད། མདོ་ལའི་ཏང་ཨུའི་གཞུང་ལས་ཁང་གི་སྐད་འཕྲིན་སྤྱི་རྟགས་སྟེང“མདོ་ལའི་ཉམས་སྣང”ཆེད་སྒྲིག་ལེ་ཚན་བཙུགས་ནས་ཀློག་པ་པོ་ལ་སྟབས་བདེ་བསྐྲུན་ཡོད།

ཤར་ཕྱོགས་སུའུ་ཙེར་ཆུང་བ་མདོ་ལ། ཧྥུའུ་ལོ།

བཙུན་མོ་སྒང་གི་འཇའ་ཚོན། ཝོའུ་ཙུང་པའོ།

མདོ་ལའི་འཇའ་ཟུང་། ཧྥིན་ཅང་ཧྲིན།

ལྷ་ཁམས་མདོ་ལ། བླ་མ་ཚེ་རིང་།

སྨུག་སྤྲིན་ལང་ལོང་རྒྱུ་ཡང་ལྷོད་ཆགས་སེ། ཧྥང་ཧྥང་།

མདོ་ལ་རིང་མོའི་སྤྲིན་གྱི་རྒྱ་མཚོ། ཀྲོའུ་ཝུན་ཡན།

མདོ་ལའི་ཉི་ཤར། ཧུའུ་ཅན།

སྤྲིན་གྱི་གཙང་ཁྲུས། ཞུས་ཀྲི་རུང་། 

མདོ་ལའི་ཉམས་སྣང་། ཉེ་ཝུན་ཧུའུ།

བཙུན་མོ་དམར་ཡག་མའི་སྤྲིན་གྱི་ལྷ་དར། ཞུས་ཀྲུང་ཏུང་།

གངས་དཀར་དངུལ་གྱི་ཡལ་ག ཚའེ་ཅོན།

མདོ་ལའི་གངས་ཁྲོད་ཀྱི་གླག་རྒོད། ཞའོ་ནན་པུའོ།

རྫ་ལུང་ཆར་ཟིམ།