ཞོགས་པའི་ཇ་ཡུན་གསར་འགྱུར།

སྒྲིག་སྒྱུར།  ཀླུ་མོ་མཚོ།    ཡོང་ཁུངས།   མི་དམངས་ཉིན་རེའི་ཚགས་པར་འཕྲིན་སྟེགས།   བཤེར་འབེབས།  རིན་ཆེན་ཚེ་རིང་། 

གསར་འགྱུར་གལ་ཆེན།

• ཀྲུང་དབྱང་གནམ་གཤིས་ལས་ཁུངས་ཀྱིས་མུ་མཐུད་དུ་དྲོད་ཚད་མཐོ་བའི་ལི་མདོག་གི་ཉེན་བརྡ་བཏང་སྟེ། དེ་རིང་པེ་ཅིང་དང་ཧོ་པེ། ཧོ་ནན།  ཀྲེ་ཅང་། ཧྥུ་ཅན་སོགས་ས་ཁུལ་དུ40℃ཡན་ལ་སླེབས་རྒྱུ་རེད།  

• རྒྱལ་ཁབ་ལྕགས་ལམ་ཚོགས་པས་གནས་ཚུལ་སྤེལ་བར་གཞིགས་ན། ད་ལོའི་ལོ་སྟོད་དུ་རྒྱལ་ཡོངས་ཀྱི་ལྕགས་ལམ་ཐོག་འགྲུལ་པ་མི་ཐེངས་དུང་ཕྱུར17.7སྐྱེལ་འདྲེན་བྱས་ཡོད་པ་རེད།  

• རྒྱལ་ཁབ་ཚོང་ར་རྟོག་དམ་ཅུས་གནས་ཚུལ་སྤེལ་བར་གཞིགས་ན། རང་རྒྱལ་གྱིས་ཐོ་འགོད་བྱས་པའི་དམངས་གཉེར་ཁེ་ལས་ཟླ4པའི་ཟླ་མགོར་དུད་ཚང་ཁྲི5000ལས་བརྒལ་ཡོད་པ་རེད།  

• ཚེས9ཉིན《སྒེར་བསྡུས་མ་འཇོག་ཐེབས་རྩའི་ལྟ་སྐུལ་དོ་དམ་སྲོལ་ཡིག》དངོས་སུ་ཕྱི་ཕྱོགས་སུ་ཁྱབ་བསྒྲགས་བྱས་པ་དེ་ནི་རང་རྒྱལ་གྱི་སྒེར་བསྡུས་མ་འཇོག་ཐེབས་རྩའི་ལས་རིགས་ཀྱི་སྲིད་འཛིན་ཁྲིམས་སྲོལ་ཐོག་མ་དེ་ཡིན།  

• གྲངས་གཞི་གསར་ཤོས་ལས་མངོན་པ་ལྟར་ན། ད་ལོའི་ཟླ་དང་པོ་ནས་ལྔ་པའི་བར་རང་རྒྱལ་གྱི་འཕྲུལ་ཆས་བཟོ་ལས་ལ་རིམ་རྩིས་བྱས་ན་ལས་གཉེར་ཡོང་འབབ་སྒོར་དུང་ཕྱུར་ཁྲི11བྱུང་བ་དེ་དུས་མཚུངས་ལས10.6%འཕར་ཡོད།  

• རྒྱལ་ཁབ་འཕྲོད་བསྟེན་བདེ་ཐང་ཨུ་ལྷན་དང་། རྒྱལ་ཁབ་ནད་ཡམས་ཚོད་འཛིན་ཅུས་ཡིག་ཆ་བཀྲམ་ནས་ལས་རིགས་བདེ་ཐང་ཞིབ་བཤེར་དང་ལས་རིགས་ནད་གཞིར་བརྟག་དཔྱད་བྱེད་པའི་ལས་དོན་སྔར་བས་ཚད་ལྡན་དུ་བཏང་ཡོད།  

• ཀྲུང་གོའི་ཟོག་འགྲེམས་དང་ཉོ་སྒྲུབ་མཉམ་འབྲེལ་ལྷན་ཚོགས་ཀྱིས་གནས་ཚུལ་སྤེལ་བར་གཞིགས་ན། 2022ལོར་རྒྱལ་ཡོངས་ཀྱི་སྤྱི་པའི་ཉོ་སྒྲུབ་སྡོམ་འབོར་སྒོར་དུང་ཕྱུར་ཁྲི48ལས་བརྒལ་ཡོད་པ་རེད།  

  
  

• ཚེས9ཉིན། རང་རྒྱལ་གྱིས་ཅིའུ་ཆོན་སྲུང་སྐར་འཕེན་གཏོང་ལྟེ་གནས་སུ་རྒྱང་སྐྱོད་ཨང་གཉིས་པའི་ག་པའི་སྐྱེལ་འདྲེན་མེ་ཤུགས་འཕུར་མདའི་ཐོག་ནས་སྲུང་སྐར་དྲ་སྦྲེལ་ལག་རྩལ་ཚོད་ལྟའི་སྲུང་སྐར་བདེ་བླག་ངང་འཕེན་གཏོང་བྱས་པ་རེད།  

  
  

• ཚེས9ཉིན། 2023WTTགྲུག་སྐར་གྲགས་ཅན་འགྲན་སློང་འགྲན་སྡུར་ལུའུ་པུར་ཡ་ན་ས་ཚིགས་ཀྱི་མཉམ་བསྲེས་རྟིང་རྩོད་འགྲན་སྡུར་ཁྲོད། ཀྲུང་གོའི་ཚན་སྡེབ་ཝང་ཁྲུའུ་ཆེན་ནམ་སུན་ཡིང་ཧྲ་ཡིས་ཨང་དང་པོ་བླངས་ཡོད།  

སྤྱི་ཚོགས།

• ཚེས8ཉིན། ཧུའུ་པེའི་ཝུའུ་ཧྥེང་རྫོང་དུ་རི་ཉིལ་ནས་མི་སྣ་རྨས་པ་དང་འབྲེལ་བ་ཆད་པ་རེད།  འཚུབ་བསྟུན་དོ་དམ་པུས་ལས་དོན་ཚན་ཆུང་རོགས་སྐྱོབ་བྱ་ཡུལ་དུ་མངག་གཏོང་བྱས། 

   

• ཚེས8ཉིན། འཛམ་གླིང་གི་ཕྱོགས་རྐྱང་པའི“ཚྭ་དང་འོད་ཀྱི་ནུས་པ་གསབ་རེས”རྣམ་གྲངས་ཆེ་ཤོས་ཡིན་པའི་ཧྭ་གློག་ཐེན་ཅིན་ཧའེ་ཅིན་ཆན་ཝ་ཁྲི100ཟིན་པའི“ཚྭ་དང་འོད་ཀྱི་ནུས་པ་གསབ་རེས”གློག་ཁང་གིས་གློག་སྦྲེལ་འདོན་བྱས་པ་རེད།  

• ཀོང་ཏུང་ཞིང་ཆེན་དམངས་ཆེན་རྒྱུན་ལས་ཨུ་ལྷན་གྱི་དེ་སྔའི་ཏང་ཙུའུ་ཡི་ཁོངས་མི་དང་ཀྲུའུ་རེན་གཞོན་པ་ཁྲེན་ཅི་ཞིང་ལ་སྒྲིག་འགལ་ཁྲིམས་འགལ་ཚབས་ཆེན་བྱས་པའི་དོགས་གཞི་ཡོད་པ་དང་། མིག་སྔར་ཀྲུང་དབྱང་སྒྲིག་ཨུ་དང་རྒྱལ་ཁབ་ལྟ་ཞིབ་ཨུ་ལྷན་གྱི་སྒྲིག་ཁྲིམས་ཞིབ་བཤེར་དང་ལྟ་ཞིབ་བརྟག་དཔྱད་དང་ལེན་བྱེད་བཞིན་ཡོད།  

  
  

• ཉིན་ཤས་གོང་ཀྲེ་ཅང་གི་རང་འགུལ་འཁོར་གཏོང་གི་ཨེ་ཤེ་ཡ་ལུས་རྩལ་འགྲན་ཚོགས་ཀྱི་ཆེད་སྐུད་ཐོག་མ་རྒྱུན་རྣམ་ཅན་གྱི་གཉེར་སྐྱོང་བྱེད་མགོ་བརྩམས་ཡོད།  

• ཆེས་གསར་བའི་ཁྱབ་བསྒྲགས་ལྟར་ན། ཝུའུ་དབྱི་ཧྲན་རྒྱལ་ཁབ་སྤྱི་གླིང་ལ་ད་དུང་འབུ་སྲིན་གྱི་རིགས་གསར་བ་ལྔ་བསྣན་ཡོད།  

• ཉེ་ཆར། ཡུན་ནན་དུ་རི་སྐྱེས་འབུ་ཕྲའི་དུག་ཕོག་མཐོ་བ་དང་འབྲིང་བ། དམའ་བ་བཅས་ཀྱི་ཉེན་ཁའི་ཁུལ་ཕྱེས་ཡོད།  

• ཀོང་ཀྲོའུ་ཡི་ཟ་ཁང་ཞིག་ཏུ་གར་ཡོང་གསལ་པོ་མེད་པའི་དངོས་པོ་བཞག་པས་སྐུ་མགྲོན་སྨན་བཅོས་བྱེད་པར་བསྐྱལ་དགོས་བྱུང་བ་དང་།  ཚེས9ཉིན། ཉེན་རྟོག་ཕྱོགས་ཀྱིས་གྱོད་གཞི་དང་འབྲེལ་བ་ཡོད་པའི་ཉེས་གསོག་དོགས་ཅན་ཞུས་ག་གེ་མོ་འཛིན་བཟུང་བྱས་པའི་བརྡ་ཁྱབ་བཏང་ཡོད།  

• ཐང་ཧྲན་མཚོ་དོན་ཅུས་མཚོ་འགྲུལ་ཉེན་བརྡ་བཏང་སྟེ། ཚེས10ནས་ཚེས14ཉིན་བར། པོ་ཧའེ་རྒྱ་མཚོའི་ས་ཁོངས་ཁག་གཅིག་ཏུ་དམག་སྦྱོང་བྱས་ནས་མཚོ་སྐྱོད་གཏན་འགོག་བྱ་རྒྱུ་རེད།  

སྲིད་ཇུས།

• ཁྲུང་ཆིང་གིས་ཡིག་ཆ་བཀྲམ་ནས་མཐོ་སློབ་སློབ་ཐོན་སློབ་མ་དང་ལས་ཤོར་གཞོན་ནུ་ལས་ཞུགས་བརྟན་པོ་བྱེད་པའི་ཁེ་ལས་ལ་མི་རེར་སྒོར2000ཡི་ཚད་གཞི་ལྟར་ཐེངས་གཅིག་ལ་ལས་ཞུགས་བསྡུ་ལེན་བྱེད་པའི་ཁ་གསབ་སྤྲོད་རྒྱུ་ཡིན་པ་རེད།  

• ཧྲན་ཏུང་གིས2023ལོར་གྲོང་ཁྱེར་དང་གྲོང་གསེབ་ཀྱི་མ་མཐའི་འཚོ་བ་འགན་ལེན་ཁྱིམ་ཚང་གི་སློབ་ཆེན་སློབ་མ་གསར་པ་སློབ་ཞུགས་བྱེད་པར་ཐེངས་གཅིག་རང་བཞིན་གྱི་སློབ་མ་གསར་པའི་སློབ་ཞུགས་རོགས་སྐྱོབ་རེ་ཞུ་བྱེད་ཆོག་པ་དང་། མི་རེར་སྤྲོད་ཐེངས་གཅིག་ལ་སྒོར4000ལས་མི་དམའ་བའི་རོགས་སྐྱོབ་བྱེད་ཆོག་ཅེས་ཁ་གསལ་བཏོན་ཡོད།  

• རྒྱལ་ཁབ་རྟེན་མཛོད་ཁང་གིས་ཟླ7ཚེས་16ཉིན་ནས་བཟུང་། རྟེན་མཛོད་ཁང་དུ་འགྲེལ་བཤད་རྒྱག་པའི་བྱེད་སྒོ་སྤེལ་བར་ངེས་པར་དུ་ཉིན5ཡི་གོང་ནས་རེ་ཞུ་བྱེད་དགོས་པ་གསལ་པོར་བཟོས།  

དེ་རིང་གི་གནམ་གཤིས།

• ཧེ་ལུང་ཅང་དང་ཅི་ལིན། ལེའོ་ཉིང་ཤར་རྒྱུད། ཧྲན་ཏུང་བྱང་རྒྱུད། ཅང་སུའུ། ཨན་ཧུའེ། ཀྲེ་ཅང་བྱང་རྒྱུད། ཡུན་ནན་ནུབ་རྒྱུད། བོད་ལྗོངས་ཤར་ལྷོའི་རྒྱུད་སོགས་ས་ཁུལ་ཁག་གཅིག་ཏུ་ཆར་པ་འབྲིང་བ་ནས་ཆེ་བ་འབབ་རྒྱུ་རེད།