ཝུའུ་ཞོ་ཅུན་གྱིས་མཚོ་བྱང་ཁུལ་དུ་རྟོག་ཞིབ་གནང་བ།

རྩོམ་སྒྲིག  དམ་ཆོས་བསམ་འགྲུབ།  ཡོང་ཁུངས། ཀྲུང་གོ་བོད་ཀྱི་དྲ་བ།  བཤེར་འབེབས། རིན་ཆེན་ཚེ་རིང་། 

ཀྲུང་གོ་བོད་ཀྱི་དྲ་བའི་འཕྲིན། ཟླ7པའི་ཚེས9ཉིན། མཚོ་སྔོན་ཞིང་ཆེན་ཏང་ཨུའི་ཧྲུའུ་ཅིའམ་ཧྲིན་ཀྲང་ཝུའུ་ཞོ་ཅུན་གྱིས་མཚོ་བྱང་བོད་རིགས་རང་སྐྱོང་ཁུལ་དུ་དབུལ་ཐར་མཁྲེགས་གཏོར་གྱི་གྲུབ་འབྲས་དེ་གྲོང་གསེབ་དར་སྤེལ་དང་སྦྲེལ་མཐུད་ནུས་ལྡན་བྱེད་པའི་ལས་དོན་ལ་རྟོག་ཞིབ་ལྟ་སྐུལ་གནང་སྐབས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི“ཞིང་གསུམ”ལས་དོན་སྐོར་གྱི་རྣམ་བཤད་གལ་ཆེན་དང་མཚོ་སྔོན་ལ་རྟོག་ཞིབ་མཛད་པའི་གསུང་བཤད་གལ་ཆེན་གྱི་དགོངས་དོན་ལ་སློབ་སྦྱོང་ཟབ་མོ་དང་ལག་བསྟར་མཐའ་འཁྱོལ་བྱེད་པ་དང་། ད་ལྟ་སྤེལ་བཞིན་པའི་བརྗོད་དོན་སློབ་གསོ་དང་ཟུང་འབྲེལ་བྱེད་པ། མི་དམངས་ལ་བདེ་སྐྱིད་སྐྲུན་པའི་སྲིད་བྱས་ལྟ་བ་བརྟན་པོར་འཛུགས་པ། ལས་གཉེར་ལས་གཏོད་ཀྱི་སྤོབས་སེམས་སྐྱེད་པ། དངོས་འབེབས་ནན་མོར་འཛིན་པའི་རྣམ་པ་བཟང་པོ་ཆགས་པར་བྱེད་པ། དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་བ་དེ་གྲོང་གསེབ་དར་སྤེལ་དང་སྦྲེལ་མཐུད་ནུས་ལྡན་བྱེད་པར་མུ་མཐུད་དུ་སྐུལ་འདེད་བཏང་སྟེ། ཐབས་བརྒྱ་ཇུས་སྟོང་གིས་ཞིང་པའི་ཡོང་འབབ་ཇེར་མཐོར་གཏོང་བ་དང་། ཕྱུག་འགྱུར་གྱི་ལམ་ཁ་རྒྱ་སྐྱེད་དེ། བྱེད་ཐབས་མང་པོས་མི་དམངས་ཀྱི་འཚོ་བའི་སྤུས་ཚད་མཐོར་འདེགས་གཏོང་དགོས་ཞེས་ནན་གྱིས་བསྟན། 

འཇུ་ལག་ཧུའེ་རིགས་རང་སྐྱོང་རྫོང་རྡོ་སྔོན་ལ་ཁ་གྲོང་རྡལ་བྲག་དམར་སྡེ་བ་དང་། རྡོ་ནག་སྡེ་བ། སྲིབ་ཞིང་ཡུལ་ཚོ་མཚོ་ལུང་ཐང་སྡེ་བ། གྲེ་མ་ཡུལ་ཚོ་བྲག་དཀར་ལུང་བ་སྡེ་བ། འཇུ་ལག་རྫོང་དེང་རབས་ཞིང་ལས་ཚན་རྩལ་དཔེ་སྟོན་ར་བ་བཅས་ཀྱི་ཡུལ་དངོས་སུ་ཝུའུ་ཞོ་ཅུན་གྱིས་ས་ཡོམ་རྗེས་ཀྱི་བསྐྱར་སྐྲུན་གནས་ཚུལ་དང་། མང་ཚོགས་ཀྱི་འབབ་འཕར་ཕྱུག་འགྱུར་གནས་ཚུལ། ཡུལ་གཞན་གནས་སྤོར་གཅིག་སྡུད་བཀོད་སྒྲིག གྲོང་གསེབ་སྦྲེལ་མཐུད་མ་དངུལ་གྱི་ལས་གཞིའི་འཛུགས་སྐྲུན། གྲོང་གསེབ་དར་སྤེལ་གྱི་ཐོན་ལས་འཕེལ་རྒྱས། རིག་གནས་གནས་སྐོར་ལས་གཞི་འཛུགས་སྐྲུན་གཉེར་སྐྱོང་སོགས་ཀྱི་གནས་ཚུལ་ལ་རྟོག་ཞིབ་གནང་བ་དང་། ཁྱིམ་ཚང་དུ་དངོས་སུ་སོང་སྟེ་མང་ཚོགས་ལ་འཚམས་འདྲི་གནང་། ཁོང་གིས་ནན་གྱིས་བསྟན་དོན། འཕེལ་རྒྱས་ཀྱི་རྣམ་པས་དབུལ་ཐར་མཁྲེགས་གཏོར་གྱི་གྲུབ་འབྲས་སྲ་བརྟན་དང་རྒྱ་སྐྱེད་གཏོང་བ་རྒྱུན་འཁྱོངས་བྱེད་པ་དང་། ཐོན་ལས་དང་ལས་ཞུགས་རོགས་སྐྱོར་བྱེད་ཤུགས་རྒྱུད་མཐུད་ངང་ཇེ་དྲག་ཏུ་གཏོང་བ། ཐོན་ལས་རོགས་སྐྱོར་སྲིད་ཇུས་ལག་བསྟར་ནན་མོ་བྱེད་པ། ཁྱད་ལྡན་ཐོན་ཁུངས་ཀྱི་ལེགས་ཆ་སྔོག་འདོན་ཟབ་མོ་བྱེད་པ། ས་གནས་ཀྱི་ཁྱད་ལྡན་ཐོན་རྫས་གོང་དུ་སྤེལ་བ། ཞིང་འབྲེལ་ཞིང་ཁྲིད་ཀྱི་ཁེ་ཕན་མཉམ་འབྲེལ་གྱི་རྐྱེན་སྲོལ་འཐུས་ཚང་དུ་གཏོང་བ། སྦྲང་ཆར་འཆར་གཞི་དང་ཟུང་འབྲེལ་བྱས་པའི་ལས་ཞུགས་སྐུལ་སྤེལ་འགུལ་སྐྱོད་ལག་བསྟར་བཟང་བོ་བྱས་ནས། འབབ་འཕར་ཕྱུག་འགྱུར་གྱི་ནང་རྐྱེན་སྒུལ་ཤུགས་རྒྱུན་མཐུད་སྒོས་ཇེ་ཆེར་གཏོང་དགོས་ཟེར།

ཁུལ་དང་རྫོང་གི་ཏང་ཨུ་དང་སྲིད་གཞུང་། གྲོང་གསེབ་དར་སྤེལ་ཅུ། འཇུ་ལག་་རྫོང་གི་ཡུལ་ཚོ་དང་གྲོང་རྡལ་སོ་སོ། ཞིང་ཆེན་ཐད་གཏོགས་འབྲེལ་ཡོད་སྡེ་ཁག་བཅས་ཀྱི་བློ་མཐུན་ཞུགས་པའི་བཞུགས་མོལ་ཚོགས་འདུའི་ཐོག ཝུའུ་ཞོ་ཅུན་གྱིས། དཔེ་སྡུར་ཚད་སྡུར་ནན་ཏན་བྱས་ནས། བྱ་བའི་རྨང་གཞི་ཇེ་བརྟན་དུ་བཏང་ནས་གཞི་རྩའི་གྲངས་ཀ་ཡང་དག་པ་དང་། སྲིད་ཇུས་རྒྱུས་ལོན་ཡང་དག་པར་བྱེད་པ། གནད་དོན་ལ་གྲལ་བཤེར་ཡང་དག་པ་བྱེད་པ། བྱེད་ཐབས་ཕན་པ་ལྡན་པ་དང་གནད་ལ་འཁེལ་བའི་སྒོ་ནས་སྤྱོད་པ། མང་ཚོགས་ཀྱི་ཡོང་སྒོ་རྒྱུན་མཐུད་ངང་འཕར་བར་སྐུལ་འདེད་གཏོང་བ། ཕྱིར་དབུལ་བོར་འགྱུར་བར་བཀག་འགོག་བྱེད་པའི་འགུལ་རྣམ་ལྟ་ཞིབ་དང་རོགས་སྐྱོར་ལེགས་པར་སྒྲུབ་པ། “འགན་སྲུང་གསུམ”དང་བཏུང་ཆུའི་བདེ་འཇགས་ཀྱི་གྲུབ་འབྲས་སྲ་བརྟན་དང་མཐོར་འདེགས་གཏོང་བ། ཁྱད་ལྡན་ཐོན་ལས་གསོ་སྐྱོང་དང་དར་སྤེལ་གཏོང་བ། ཡུལ་གཞན་གནས་སྤོར་གྱི་རྗེས་མཐུད་རོགས་སྐྱོར་ལ་སྐུལ་འདེད་གཏོང་བ། མ་དངུལ་དང་ལས་གཞིའི་དོ་དམ་ཚད་ལྡན་དུ་བཏང་སྟེ། གྲོང་གསེབ་དར་སྤེལ་གྱི་ཆུ་ཚད་གསར་པ་ཞིག་ཏུ་སླེབས་པ་དང་ཕན་འབྲས་ལེན་པར་སྐུལ་འདེད་གཏོང་དགོས། རྒྱལ་སྤྱིའི་སྐྱེ་ཁམས་གནས་སྐོར་བྱ་ཡུལ་འཛུགས་སྐྲུན་བྱེད་པའི་ཐད་དུ་མདུན་དུ་བསྐྱོད་པ་དང་། དཔེ་སྟོན་བྱེད་པར་འབད་པ་བྱེད་པ། དཔལ་འབྱོར་གནས་བབ་ལ་དབྱེ་ཞིབ་དང་བཀོད་གཏོང་ནན་མོ་བྱེད་པ། ཞོད་འགོག་གནོད་སྐྱོབ་དང་བདེ་འཇགས་ཐོན་སྐྱེད་ཀྱི་གཙོ་གཞིའི་འགན་འཁྲི་ཕྱོགས་ཡོངས་ནས་ལག་བསྟར་བྱས་ཏེ། མི་དམངས་ཀྱི་ཚེ་སྲོག་རྒྱུ་ནོར་གྱི་བདེ་འཇགས་ལ་ངེས་པ་དོན་གྱིས་འགན་སྲུང་བྱེད་དགོས་ཞེས་ནན་གྱིས་བསྟན། 

ཚེ་རིང་ཐར་གྱིས་རྟོག་ཞིབ་གནང་རོགས་བྱས།