ཞོགས་པའི་ཇ་ཡུན་གསར་འགྱུར།

སྒྲིག་སྒྱུར། སངས་རྒྱས་སྐྱིད། ཡོང་ཁུངས། མི་དམངས་ཉིན་རེའི་ཚགས་པར་འཕྲིན་སྟེགས། བཤེར་འབེབས། རིན་ཆེན་ཚེ་རིང་།

གསར་འགྱུར་གལ་ཆེན།

• མིག་སྔར། ཧང་ཀྲོའུ་ཨེ་ཤེ་ཡའི་ལུས་རྩལ་འགྲན་ཚོགས་ཀྱི་འགྲན་ར54དང་སྦྱོང་བརྡར་ཁང30ལ་ཞིབ་བཤེར་རྩིས་ལེན་བྱས་པ་བརྒྱུད། འགྲན་བསྡུར་ཡོ་བྱད་དང་སྒྲིག་བཀོད་ཚང་མ་གྲ་སྒྲིག་བྱས་པ་ལེགས་ཤིང་། འགྲན་བསྡུར་སྤེལ་བའི་ཆ་རྐྱེན་ཚང་མ་འཛོམས་པ་དང་། འགྲན་བསྡུར་གྱི་སྟ་གོན་ཚང་མ་ལེགས་པར་གྲུབ་འདུག་པའི་ངེས་ལེན་བྱས།

  
  

• ཚེས20ཉིན། ཧང་ཀྲོའུ་ཨེ་ཤེ་ཡའི་ལུས་རྩལ་འགྲན་ཚོགས་སྐབས19པའི་དཔལ་འབར་བརྒྱུད་སྤྲོད་བྱེད་སྒོའི་མཐའ་མའི་ས་ཚིགས་ཧང་ཀྲོའུ་རུ་འཚོགས།

• “རྒྱུད་གཅིག་ལམ་གཅིག”གི་གྲོས་མགོ་བཏོན་ནས་ལོ་བཅུ་སོང་བའི་རིང་། ཀྲུང་གོ་དང་ཡོ་རོབ་ཀྱི་དུས་གཏན་མེ་འཁོར་བདེ་འཇགས་དང་བརྟན་པོའི་ངང་ཤར་གཏོང་ཐུབ་རྒྱུ་རྒྱུན་འཁྱོངས་ཐུབ་ཡོད་དེ། རིམ་རྩིས་བྱས་ན་མེ་འཁོར་ཁྲི7.7ལྷག་ཙམ་བཏང་འདུག

• རྒྱལ་ཁབ་ནུས་རྒྱུ་ཅུའི་གཞི་གྲངས་ལས་མངོན་པ་ལྟར་ན། ཟླ་དང་པོ་ནས་བརྒྱད་པའི་བར་རྒྱལ་ཡོངས་ཀྱི་གསར་སྣོན་གློག་འདོན་འཕྲུལ་འཁོར་གྱི་གློག་ཤོང་ཚད་སྟོང་ཝ་དུང་ཕྱུར1.98ཙམ་ཡིན།

• ཉེ་ཆར། ཀྲུང་དབྱང་སྒྲིག་ཨུ་དང་རྒྱལ་ཁབ་ལྟ་ཞིབ་ཨུ་ལྷན་གྱིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དང་འགལ་བའི་དཔེ་མཚོན་གནད་དོན་བདུན་ཡོངས་བསྒྲགས་ངང་བརྡ་ཁྱབ་བཏང་། ཞིབ་འཕྲིན།

• བཟོ་འཕྲིན་པུས་གནས་ཚུལ་སྤེལ་བར་གཞིགས་ན། ཟླ་དང་པོ་ནས་བརྒྱད་པའི་བར་རང་རྒྱལ་གྱི་ལག་རྩལ་མཐོ་བའི་བཟོ་བའི་ལས་རིགས（制造业）ལ་མ་འཇོག་བྱེད་ཚད་དུས་མཚུངས་ལས་11.2%འཕར་ཡོད།

• ཁྲོམ་རའི་ལྟ་སྐུལ་དོ་དམ་སྤྱི་ཁྱབ་ཅུས་གནས་ཚུལ་སྤེལ་བར་གཞིགས་ན། 2022ལོར་རྒྱལ་ཡོངས་ཁྲོམ་རའི་ལྟ་སྐུལ་དོ་དམ་སྡེ་ཚན་གྱིས་ཚུལ་མིན་འགྲན་རྩོད་ཀྱི་གྱོད་གཞི9069ཞིབ་བཤེར་ཐག་གཅོད་བྱས་པ་དང་། དངུལ་ཆད་དང་གཞུང་བཞེས་བཏང་བའི་དངུལ་གྲངས་སྒོར་དུང་ཕྱུར6.2ཙམ་ཟིན་ཡོད།

• ཉེ་ཆར། ཀྲུང་གོའི་རྒྱལ་ཁབ་རྩིས་འཁོར་ནད་དུག་འཕྲལ་སྡོམ་ཐག་གཅོད་ལྟེ་གནས་ཀྱིས་བརྡ་ཁྱབ་བཏང་དོན། ནུབ་བྱང་བཟོ་ལས་སློབ་ཆེན་ལ་དྲ་རྒྱའི་ཚུར་རྒོལ་ཕོག་པ་ཐག་གཅོད་བྱེད་སྐབས། “ཐེངས་གཉིས་པའི་དུས་ཆད”ཅེས་པའི་གསང་མྱུལ་མཉེན་ཆས་ཀྱི་མ་དཔེ་ཞིག་རྙེད།

  
  

• ཚེས20ཉིན། རང་རྒྱལ་ཞིབ་བཟོ་བྱེད་པའི་ནང་ཞུགས་པའི་གོ་ལ་ཧྲིལ་པོའི་གློག་འཕྲོ་གནམ་དཔྱད་རྒྱང་ཤེལ་ཆེ་ཤོས་ཀྱི་ཟློས་འབྲིང་གནམ་སྐུད་བསྟར་སྒྲིག་ཐོག་མ་དངོས་སུ་དཔྱང་འདེགས་བྱས།

  སྤྱི་ཚོགས།

• མཁའ་རླུང་གྲང་མོའི་ཤུགས་རྐྱེན་ཐེབས་པའི་དབང་གིས། ཚེས21ཉིན་གྱི་མཚན་མོ་ནས་ཚེས23ཉིན་བར་ཤིན་ཅང་དང་ནང་སོག་གི་ནུབ་རྒྱུད་དང་བྱང་ཤར་རྒྱུད་སོགས་ཀྱི་ས་ཁུལ་ཁ་ཤས་ཀྱི་དྲོད་ཚད4~6℃མར་ཆག་རྒྱུ་རེད།

• ཚེས20ཉིན་གྱི་ཆུ་ཚོད24ནས་བཟུང་རྒྱལ་ནང་གི་རླངས་འཁོར་དང་ཁྲའེ་སྣུམ་གྱི་རིན་གོང་ཏུན་རེར་སྒོར385དང་སྒོར370རེ་སྤར་ཡོད།

• ཀྲུང་གོའི་ཁེ་ལས་མཉམ་འབྲེལ་ལྷན་ཚོགས་ཀྱིས་ཚེས20ཉིན“2023ཀྲུང་གོའི་ཁེ་ལས་སྟོབས་ཆེན500”ཡི་མིང་ཐོ་ཁྱབ་བསྒྲགས་བྱས། ཞིབ་འཕྲིན།

  
  

• ཀྲུང་གོའི་སྐྱེས་པའི་སྟར་གྲུག་རུ་ཁག་གིས་ཚེས20ཉིན་ཨེ་ཤེ་ཡའི་ལུས་རྩལ་འགྲན་ཚོགས་ཀྱི་འགྲན་སྡུར་ཐོག་མ་དེ་བསུས་ཤིང་། མཐར་སྐར་གྲངས3：0གི་ཐོག་ནས་ཁེར་གྷི་སི་ཐན་རུ་ཁག་ལས་རྣམ་པར་རྒྱལ་ཞིང་རྟེན་འབྲེལ་གྱི་མགོ་ཡག་པོ་ཞིག་བརྩམས།

  
  

• ས་གནས་དེ་གའི་ཚེས19ཉིན། 2023ལོའི་སྦེ་གའི་འཛམ་གླིང་གཟེངས་རྟགས་འགྲན་བསྡུར་པེར་ཀེ་རེ་ཏེར་དུ་སྤེལ། བུད་མེད་ཀྱི་རང་མོས་རྣམ་པའི་སྤྱི་རྒྱ59རིམ་པའི་འགྲན་བསྡུར་ནང་ཀྲུང་གོའི་འགྲན་ཞུགས་པ་ཀྲང་ཅི་ལ་ཀྲུང་གོའི་སྦེ་ག་རུ་ཁག་གི་སྐབས་འདིའི་འཛམ་གླིང་གཟེངས་རྟགས་འགྲན་བསྡུར་གྱི་གསེར་གྱི་རྟགས་མ་དང་པོ་ཐོབ།

• ཉེ་ཆར། རྒྱལ་ཁབ་ལྕགས་ལམ་ཚོགས་པས་ལྕགས་ལམ12306གིས་ཕྱོགས་གསུམ་པའི་ལས་སྟེགས་གང་ལའང་ལ་མེ་འཁོར་གྱི་སྤ་སེ་འཚོང་རྒྱུའི་དབང་ཆ་སྤྲད་མེད་ཅེས་བཤད།

• ཚེས19ཉིན། ཧྲའན་ཞི་ཞིང་ཆེན་གནའ་རྫས་རྟོག་ཞིབ་ཞིབ་འཇུག་ཁང་ནས་གནས་ཚུལ་སྤེལ་བར་གཞིགས་ན། གནའ་རྫས་རྟོག་ཞིབ་ལས་དོན་པས་ཞན་དབྱང་ནས་ཀྲོའུ་བྱང་མ་འཛུགས་མཁན་གྱི་གོང་མ་ཡུས་ཝུན་ཅུའེ་ཡི་བང་སོ་རྙེད་པ་དང་། རྫ་བཟོས་དུར་རྫས་གྱད་མི་སོགས་དུར་སྦས་ཤུལ་དངོས146（ཚོགས་ཆུང）རྙེད་ཅེས་བསྟན།

• ཡུན་ནན་ཕུའུ་ཨེར་ཉེན་རྟོག་ཕྱོགས་ཀྱིས་སྟབས་བདེ་ཐུག་པའི་ཤོག་ཐུམ་ནང་ཉལ་ཐ་བསྡུས་པའི་གྱོད་གཞི་ཞིག་རྩད་ཆོད་ཅིང་། ཉལ་ཐ་སྤྱི་རྒྱ7.1གཞུང་བཞེས་བཏང་།

• ཀྲེ་ཅང་སློབ་ཆེན་གྱི་ལོ60སོན་པའི་དགེ་རྒན་ཆེ་མོ་བ་ཞིག་རྐང་རྩེད་སྤོ་ལོའི་འགྲན་བསྡུར་ཐོག་གློ་བུར་དུ་སྙིང་ལྡིང་མཚམས་བཞག་པ་དང་། དེ་གར་ཡོད་པའི་དགེ་སློབ་ཚོས་སེམས་རྣལ་དུ་ཕབ་ཅིང120གི་བཀོད་གཏོང་བའི་མཛུབ་ཁྲིད་འོག་མཉམ་དུ་སྐྱོབ་ཐབས་བྱས་མཐར་ནད་པ་བདེ་བླག་ངང་སྐྱོབ་ཐུབ་པ་བྱུང་།

  སྲིད་ཇུས།

• ཅང་ཞི་ཡིས་རང་གཡེངས་ནད（孤独症）ཕོག་པའི་བྱིས་པའི་དྲག་སྐྱེད་སྦྱོང་བརྡར་གྱི་ཁ་གསབ་ཚད་གཞི་དམའ་ཤོས་ནི་མི་རེར་ལོ་རེར་སྒོར་ཁྲི1.5ཡིན་པ་དང་། ཆ་རྐྱེན་དང་མཐུན་པའི་དྲག་སྐྱེད་སྨན་བཅོས་ཀྱི་འགྲོ་གྲོན་དེ་སྨན་བཅོས་འགན་བཅོལ་གྱི་རྩིས་ཞུའི་ཁྱབ་ཁོངས་ནང་འཇུག་རྒྱུ་ཡིན་པ་ཁ་གསལ་བཏོན།

• ཨན་ཧུའེ་ཡིས་ཞིང་ཆེན་ནང་ཁུལ་གྱི་ལས་བཟོའི་སྨན་བཅོས་འགན་བཅོལ་གྱི་ཡུལ་གཞན་གྱི་སྨན་བཅོས་རྩིས་ཞུའི་སྲིད་ཇུས་འཐུས་སྒོ་ཚང་དུ་བཏང་བ་སྟེ། 2024ལོའི་ཟླ1པོའི་ཚེས1ཉིན་ནས་བཟུང་གནས་སྐབས་ཀྱི་ཡུལ་གཞན་གྱི་སྨན་བཅོས་རྩིས་ཞུའི་བསྡུར་ཚད་མང་ཤོས་བརྒྱ་ཆའི་གྲངས20ཆག་ཡོད།

• ཀོང་ཏུང་གིས་བསམ་འཆར་བསྡུ་ལེན་གྱི་མ་ཟིན་ཁྱབ་བསྒྲགས་པ་སྟེ། སློབ་གྲྭ་ཆུང་འབྲིང་གི་མཐའ་འཁོར་གྱི་སྨི200ཡི་ཁྱབ་ཁོངས་ནང་རོལ་རྩེད་བྱ་ཡུལ་འཛུགས་རྒྱུ་གཏན་འགོག་བྱེད་རྩིས་ཡོད།

  དེ་རིང་གི་གནམ་གཤིས།

• ཧུའུ་པེའི་དབུས་ལྷོ་རྒྱུད་དང་། ཁྲུང་ཆིང་གི་དབུས་ཤར་རྒྱུད། སི་ཁྲོན་གྱི་བྱང་ཤར་རྒྱུད་དང་ལྷོ་རྒྱུད། ཀུའེ་ཀྲོའུ་ཡི་དབུས་ཤར་རྒྱུད། ཡུན་ནན་གྱི་བྱང་རྒྱུད། བོད་ལྗོངས་ཀྱི་ཤར་ལྷོའི་རྒྱུད་སོགས་ཀྱི་ས་ཁུལ་ཁག་ཅིག་ཏུ་ཆར་པ་འབྲིང་བ་ནས་ཆེ་བ་འབབ་རྒྱུ་ཡིན་པ་དང་། དེ་དག་ལས་ཧུའུ་པེའི་ལྷོ་ནུབ་རྒྱུད་དང་། ཁྲུང་ཆིང་གི་དབུས་རྒྱུད་དང་ཤར་ལྷོའི་རྒྱུད། ཀུའེ་ཀྲོའུ་ཡི་བྱང་རྒྱུད་སོགས་ཀྱི་ས་ཁུལ་ཁག་ཅིག་ཏུ་དྲག་ཆར་འབབ་རྒྱུ་ཡིན་པ་དང་། ས་ཁུལ་ཁ་ཤས་ལ་དྲག་ཆར་ཆེན་པོ་འབབ་རྒྱུ་རེད།