ཞོགས་པའི་ཇ་ཡུན་གསར་འགྱུར།

སྒྲིག་སྒྱུར། ཀླུ་མོ་མཚོ། ཡོང་ཁུངས། མི་དམངས་ཉིན་རེའི་ཚགས་པར་འཕྲིན་སྟེགས། བཤེར་འབེབས། རིན་ཆེན་ཚེ་རིང་།

གསར་འགྱུར་གལ་ཆེན།

• ཚེས6ཉིན། ཀྲུང་གོའི་རུ་ཁག་ལ་ཧང་ཀྲོའུ་ཡ་གླིང་ལུས་རྩལ་འགྲན་ཚོགས་སྟེང་གསེར་གྱི་རྟགས་མ8དང་། དངུལ་གྱི་རྟགས་མ5དང་། ཟངས་ཀྱི་རྟགས་མ7ཐོབ། མིག་སྔར་ཀྲུང་གོའི་རུ་ཁག་ལ་གསེར་གྱི་རྟགས་མ187ཐོབ་ཡོད།
  

• ཡ་གླིང་ལུས་རྩལ་འགྲན་ཚོགས་ཀྱི་དཔལ་འབར་འཛིན་མཁན་དུང་ཕྱུར1ལས་བརྒལ་བ་མཉམ་དུ་འཛོམས་པའི་ཡ་གླིང་ལུས་རྩལ་ཨང་ཀིའི་དཔལ་འབར་འཛིན་མཁན་ལ་དངོས་སུ་རླབས་གཤག་ཕོ་རྒོད(弄潮儿)ཞེས་པའི་མིང་བཏགས་ཡོད།
  

• མིག་སྔར་ཧང་ཀྲོའུ་ཡི་ཡ་གླིང་ལུས་རྩལ་འགྲན་ཚོགས་ཀྱི་འགྲན་ར་མང་ཆེ་བར་ཕྱོགས་གསུམ་པའི་ལས་གཉེར་སྡེ་ཚན་གཏན་འཁེལ་བྱས་ཡོད། འགྲན་སྡུར་རྗེས་སུ་ཚོང་ར་ཅན་དུ་འགྱུར་བའི་གཉེར་སྐྱོང་ལག་བསྟར་བྱ་རྒྱུ།
  

• ཚེས6ཉིན། ཀྲུང་གོའི་འགྲན་ཞུགས་པ་ལི་ཧྲི་ཧྥེང་དང་ཧྲི་ཡུས་ཆི་གཉིས་སོ་སོ་རིམ་པ་གཉིས་པའི་ཧང་ཀྲོའུ་ཡ་གླིང་ལུས་རྩལ་འགྲན་ཚོགས་ཀྱི་བྱ་སྒྲོའི་སྤོ་ལོའི་སྐྱེས་པའི་རྟིང་རྩོད་འགྲན་སྡུར་ཁྲོད་ཚུད་ཡོད། ཀྲུང་གོའི་རུ་ཁག་གིས་སྔ་སྣུར་དུ་གསེར་དང་དངུལ་གྱི་རྟགས་མ་ཡུག་གཅོད་བྱས་ཡོད།

  
  

• ཚེས6ཉིན། རྒྱལ་ཡོངས་ལྕགས་ལམ་དང་གཞུང་ལམ། ཆུ་ལམ། དམངས་སྤྱོད་མཁའ་འགྲུལ་བཅས་ལ་འགྲུལ་པ་མི་ཐེངས་ཁྲི 5988.6 བྱུང་ཡོད།

• རིག་གནས་གནས་སྐོར་པུའི་གནས་ཚུལ་ལྟར་ན། ཟླ་མཆོད་དུས་སྟོན་དང་རྒྱལ་སྟོན་དུས་ཆེན་གྱི་གུང་གསེང་དུ། རྒྱལ་ནང་གི་གནས་སྐོར་མི་གྲངས་དུང་ཕྱུར8.2ལ་སླེབས་ཡོད། བསྡུར་གཞི་ཡོད་པའི་བསྡུར་གྲངས་ལྟར་ན71. 3%འཕར་ཡོད།
  

• ཚོང་དོན་པུའི་གཞི་གྲངས་ལས་མངོན་པར་གཞིགས་ན། གུང་གསེང་གི་ཉིན་བདུན་གྱི་སྔོན་ལ་རྒྱལ་ཡོངས་ཀྱི་གཙོ་གནད་རྟོག་འཇལ་སིལ་འཚོང་དང་བཟའ་བཏུང་ཁེ་ལས་ཀྱི་ཕྱིར་འཚོང་བྱེད་ཚད་དུས་མཚུངས་ལས9% འཕར་ཡོད།
  

• ཀྲུང་གོའི་དངོས་ཟོག་སྐྱེལ་འདྲེན་དང་ཉོ་སྒྲུབ་མཉམ་འབྲེལ་ལྷན་ཚོགས་ཀྱིས་ཡོངས་བསྒྲགས་བྱས་པའི་གྲངས་གཞི་ལས་མངོན་པར་གཞིགས་ན། ཀྲུང་གོའི་བཟོ་སྐྲུན་ལས་རིགས་ཀྱི་ཉོ་སྒྲུབ་སྤྱི་གཉེར་བའི་སྟོན་གྲངས་དེ་རྒྱ་སྐྱེད་ཀྱི་བར་མཚམས་སུ་སླེབས་པ་དང་། བསྟུད་མར་ཟླ4ལ་འཕར་ཞིང་། ཀྲུང་གོའི་དཔལ་འབྱོར་སླར་གསོའི་རྣམ་པ་མངོན་པར་བྱས་ཡོད།
  

• ཀོ་པའེ་ཉི་གནམ་གཤིས་འགྱུར་ལྡོག་ཞབས་ཞུ་ཅུས་བཤད་རྒྱུར། 2023ལོ་ཟིན་ཐོ་བཀོད་པའི་ཆེས་ཚ་བའི་ལོ་ཞིག་ཏུ་འགྱུར་སྲིད།
  

  སྤྱི་ཚོགས།
  

• རང་བྱུང་ཐོན་ཁུངས་པུ་དང་ཀྲུང་གོའི་གནམ་གཤིས་ཅུས་ཉེན་བརྡ་བཏང་བ་ལྟར་ན། དེ་རིང་ཀོང་ཏུང་དང་སི་ཁྲོན། ཀུའེ་ཀྲོའུ་སོགས་ས་ཁུལ་ཁ་ཤས་སུ་ས་གཤིས་ཀྱི་གནོད་འཚེ་འབྱུང་བའི་གནམ་གཤིས་ཀྱི་ཉེན་ཁ་ཅུང་མཐོ།
  

• མི་སྤྱི་པུ་ཡི་གནས་ཚུལ་ལ་གཞིགས་ན། མིག་སྔར་ཨང་ཀིའི་ལག་རྩལ་བཟོ་བཀོད་པའི་གསོ་སྐྱོང་རྣམ་གྲངས་ཇེ་མགྱོགས་སུ་གཏོང་བཞིན་ཡོད་ལ། ལོ་རེར་ཨང་ཀིའི་ལག་རྩལ་མི་སྣ་ཁྲི8ཡས་མས་གསོ་སྐྱོང་བྱེད་ཀྱི་ཡོད།
  

• སྒྲོན་ལྕོག་ཆེད་ལས་ཀྱི་གཞི་གྲངས་ལྟར་ན། ཚེས6ཉིན་གྱི་ཆུ་ཚོད20ཡི་བར། 2023ལོའི་རྒྱལ་སྟོན་དུས་ཆེན་རིང་གི་སྤྱིའི་འཛིན་ཤོག་གི་ཁང་པ་སྒོར་དུང་ཕྱུར27ལས་བརྒལ་ཡོད།
  

• ཀྲུང་གོའི་དངུལ་ལོར་མཐུན་ཚོགས་ཀྱིས་ཡོངས་བསྒྲགས་བྱས་པའི་གྲངས་གཞི་ལས་མངོན་པར་གཞིགས་ན། 2022ལོའི་ལོ་མཇུག་བར་དུ་རང་རྒྱལ་གྱི་དངུལ་བྱང་རིམ་རྩིས་བྱས་ན་བཀྲམ་ཚད་དུང་ཕྱུར93ལ་སླེབས་ཡོད།
  

• 2024ལོའི་ཕ་རི་སིའི་ཨའོ་རྩལ་འགྲན་ཚོགས་ཀྱི་བུད་མེད་ཀྱི་ལག་རྩེད་སྤོ་ལོའི་འགྲན་སྡུར་ལ་ཞུགས་པའི་ཐོབ་ཐང་མིང་ཐོ་སྒོར་སླེབས་པ་དང་། ཀྲུང་གོའི་ལག་རྩེད་སྤོ་ལོའི་བུད་མེད་རུ་ཁག་འགྲན་སྡུར་ལ་ཞུགས་རྒྱུ་རེད།

  
  

• པེ་ཅིང་གྲོང་ཁྱེར་གནའ་རྫས་རྟོག་ཞིབ་ཞིབ་འཇུག་གླིང་གི་གནས་ཚུལ་ལྟར་ན། པེ་ཅིང་གི་ཅིན་ཀྲུང་ཏུའུ་ཡི་གནའ་ཤུལ་དུ་འཛུགས་སྐྲུན་རྟེན་གཞི་ཆེ་གྲས་ཤིག་རྙེད་པ་དང་། མིག་སྔར་ཅིན་ཀྲུང་ཏུའུ་གནའ་རྫས་རྟོག་ཞིབ་པས་རྙེད་པའི་ཆེས་ཆེ་བའི་གཞུང་གི་རྣམ་པའི་བཟོ་སྐྲུན་ཚོགས་པ་ཡིན།
  

•  གནས་སྐོར་བ་ཁྲུང་ཆིང་གི་ཧུང་ཡ་བྲག་ཕུག་ཏུ་གནས་སྐོར་བྱེད་སྐབས་གྲུ་གཟིངས་ལ་མི་སྡོད་པར་པ་སེ་འཚོང་མཁན་གྱིས་དམའ་འབེབས་བྱས་པས། མིག་སྔར་སྤྱི་བདེ་ལས་ཁུངས་ཀྱིས་ལས་མེད་འགྲུལ་བ་ལུའུ་ག་གེ་མོར་མངོན་གསལ་གྱིས་དམའ་འབེབས་བྱས་པའི་བྱ་སྤྱོད་ལ་སྲིད་འཛིན་ཐོག་གི་ཆད་པ་བཅད་ཡོད།
  

• ཉེ་ཆར། ཧྥུ་ཅན་ཀྲང་ཀྲོའུ་ཡི་གནས་སྐོར་བ་ཞིག་ཆུར་རྐྱལ་སྐབས་ཆུ་ལ་ནུབ་པ་དང་། དམག་འཁྱུར་དམག་མི་ལི་ཅིན་ཆོན་དང་ཁོང་གི་གྲོགས་པོ་ལི་ཧུའེ། ལི་ཞའོ་ཅང་་བཅས་ཐེངས་གསུམ་ལ་ཆུ་ནང་དུ་འཛུལ་ནས་རོགས་སྐྱོབ་བྱས།
  

  སྲིད་ཇུས།
  

• ཀན་སུའུ་ཡིས་བྱེད་ཐབས་བཏོན་ནས་སྡེ་ཁུལ་གྱི་ལས་བྱེད་མི་སྣ་བཀོད་སྒྲིག་དང་དོ་དམ་བྱེད་པའི་ཚད་གཞི་ནི་གྲོང་ཁྱེར་དང་གྲོང་རྡལ་གྱི་རྒྱུན་སྡོད་མི་གྲངས་ཁྲི18ལས་མི་ཉུང་བ་བྱས་ཡོད།
  

• ཅང་སུའུ་ཡིས་བྱེད་ཐབས་བཏོན་ནས། རྒན་པ་རེ་ལ་སྒོར1100ཡི་ཚད་གཞི་ལྟར། ཞིང་ཆེན་ཡོངས་ཀྱི་དམངས་གཉེར་རྒན་གསོའི་སྒྲིག་གཞིར་ཐེངས་གཅིག་རང་བཞིན་གྱི་དཀའ་ངལ་ཁ་གསབ་སྤྲོད་རྒྱུ་རེད།
  

• སི་ཁྲོན་གྱིས་བྱེད་ཐབས་བཏོན་ནས། 2023ལོའི་ཟླ10པའི་ཚེས1ཉིན་ནས་ཟླ12ཚེས31ཉིན་བར། ནུས་ཁུངས་གསར་བའི་འཁོར་སྤྱོད་རླངས་འཁོར་གྱི་ཐོན་སྐྱེད་ཚད་ཁྲི4ལ་སླེབས་པའི་གྲོང་ཁྱེར་ཁུལ་དུ་སྒོར་ཁྲི5000ཡི་ཐེངས་གཅིག་རང་བཞིན་གྱི་བྱ་དགའ་སྤྲོད་རྒྱུ་ཁ་གསལ་བཟོས།
  

  དེ་རིང་གི་གནམ་གཤིས།

  
  

• ཞིན་ཅང་ལྷོ་རྒྱུད་ཀྱི་གཤོང་སའི་ནུབ་རྒྱུད་ཀྱི་རི་ཁུལ་དང་། མཚོ་སྔོན་གྱི་ལྷོ་རྒྱུད། བོད་ལྗོངས་ཀྱི་ཤར་རྒྱུད། བོད་ལྗོངས་ཀྱི་ཤར་ཁུལ་སོགས་སུ་ཁ་བའམ་ཡང་ན་ཁངས་ཆར་ཡོད་པ་དང་། བོད་ལྗོངས་ཀྱི་ཤར་ལྷོ་དང་སི་ཁྲོན་གཤོང་སའི་ཤར་རྒྱུད་དང་ལྷོ་རྒྱུད། ཡུན་ནན་དབུས་ཤར་རྒྱུད་དང་། ཧྥུ་ཅན་དབུས་རྒྱུད། ཀོང་ཏུང་ཤར་རྒྱུད། ཧའེ་ནན་གླིང་ཕྲན་གྱི་ལྷོ་རྒྱུད། ཐའེ་ཝན་གླིང་ཕྲན་ནུབ་རྒྱུད་སོགས་ས་ཁུལ་ཁ་ཤས་སུ་ཆར་པ་ཆེན་པོ་འབབ་རྒྱུ་རེད།