མཚོ་བྱང་ཁུལ་གྱི་འཕྲིན་བཅར་ལས་དོན་གྱི་མཉམ་བསྡུས་གྲོས་ཚོགས་ཀྱི་ཚང་འཛོམས་གྲོས་ཚོགས་དང་ཁུལ་ཡོངས་ཀྱི་འཕྲིན་བཅར་གྱི་མིག་སྔའི་གནས་བབ་ལ་དབྱེ་ཞིབ་དང་ཞིབ་འཇུག་བྱེད་པའི་ཚོགས་འདུ་འཚོགས་པ།

སྒྲིག་སྒྱུར། དམ་ཆོས་བསམ་འགྲུབ། ཡོང་ཁུངས། མཚོ་བྱང་ཁུལ་འཕྲིན་བཅར་བྱ་བའི་མཉམ་བསྡུས་གྲོས་ཚོགས་གཞུང་ལས་ཁང་། བཤེར་འབེབས། རིན་ཆེན་ཚེ་རིང་།

ཟླ1པའི་ཚེས16ཉིན་གྱི་ཕྱི་དྲོར། མཚོ་བྱང་ཁུལ་གྱི་འཕྲིན་བཅར་ལས་དོན་གྱི་མཉམ་བསྡུས་གྲོས་ཚོགས་ཀྱི་ཚང་འཛོམས་གྲོས་ཚོགས་དང་ཁུལ་ཡོངས་ཀྱི་འཕྲིན་བཅར་གྱི་མིག་སྔའི་གནས་བབ་ལ་དབྱེ་ཞིབ་དང་ཞིབ་འཇུག་བྱེད་པའི་ཚོགས་འདུ་འཚོགས།   ཁུལ་སྲིད་གཞུང་གི་ཁུལ་དཔོན་གཞོན་པ་མ་རུའུ་ཞང་གིས་ཚོགས་འདུ་གཙོ་སྐྱོང་གནང་། ཁུལ་ཨུའི་རྒྱུན་ཨུའམ་འཐབ་ཕྱོགས་གཅིག་གྱུར་པུའི་པུ་ཀྲང་མགོན་པོ་ཚེ་བརྟན་ཚོགས་འདུར་ཕེབས་ཏེ་གསུང་བཤད་གནང་།

ཚོགས་འདུའི་ཐོག 2023ལོ་དང་མིག་སྔའི་འཕྲིན་བཅར་ལས་དོན་གྱི་གནས་ཚུལ་གྱི་བརྡ་ཁྱབ་བཏང་བ་དང་། མིག་སྔའི་འཕྲིན་བཅར་གྱི་གནས་བབ་ལ་དབྱེ་ཞིབ་དང་ཞིབ་འཇུག་བྱས་ཏེ། མིག་སྔའི་འཕྲིན་བཅར་གྱི་ལས་དོན་བཀོད་སྒྲིག་བྱས།

ཚོགས་འདུའི་ཐོག   ས་གནས་ཁག་དང་སྡེ་ཚན་ཁག་གིས་འགན་འཁྲི་བརྟན་སྲུང་བྱས་ཏེ། ཚད་གཞི་མཐོ་ཤོས་དང་། བླང་བྱ་ནན་མོ། ཤུགས་ཚད་ཆེ་ཤོས་བཅས་ཀྱི་ཐོག་ནས་འཕྲིན་བཅར་གྱི་ལས་དོན་ཁག་ཡག་པོ་སྒྲུབ་དགོས་པར་བསྟན།

ཚོགས་འདུའི་ཐོག  གཅིག་ནས་བསམ་བློའི་ངོས་འཛིན་མཐོ་རུ་བཏང་སྟེ། “དུས་དང་རྣམ་པ་ཀུན་ཏུ་ལྷོད་གཡེང་མི་བྱེད་པའི”་འགན་འཁྲིའི་བསམ་པ་དང་“དུས་དང་རྣམ་པ་ཀུན་ཏུ་སེམས་སུ་ཉར་བའི”ཀུན་སློང་གིས་འཕྲིན་བཅར་གྱི་ཞབས་ཞུའི་འགན་སྲུང་ལེགས་པོར་སྒྲུབ་དགོས། 

གཉིས་ནས་བྱེད་ཐབས་ལ་ཤུགས་སྣོན་བྱས་ཏེ། རང་སོ་སོའི་ལས་ཀའི་དོན་དངོས་དང་ཟུང་འབྲེལ་དམ་ཟབ་བྱས་ནས《འཕྲིན་བཅར་གྱི་ལས་དོན་སྲོལ་ཡིག》ལ་སློབ་སྦྱོང་དང་དྲིལ་སྒྲོག ལག་བསྟར་བཅས་གཏིང་ཟབ་བྱས་ཏེ། འཕྲིན་བཅར་གྱི་མཉམ་བསྡུས་གྲོས་ཚོགས་ཀྱི་ཕྱོགས་བསྡུས་མཐུན་སྦྱོར་དང་། སྒྲིག་འཛུགས་སྐུལ་འདེད། ལྟ་སྐུལ་མཛུབ་ཁྲིད་སོགས་ཀྱི་ནུས་པ་དོན་འཁྱོལ་བྱེད་པར་ཤུགས་སྣོན་དགོས། 

གསུམ་ནས་འགན་འཁྲི་ནན་དུ་བཏང་སྟེ། འཕྲིན་བཅར་གྱི་གནད་དོན་དངོས་རང་བཞིན་གྱིས་ཐག་གཅོད་བྱེད་པར་སྐུལ་འདེད་གཏོང་དགོས། ཁོངས་མིའི་ཚན་པ་ཁག་གིས་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་བ་དང་། ཆ་འཕྲིན་སྤེལ་རེས་དང་། ལེགས་ཆ་གསབ་རེས།  ལས་དོན་མཉམ་འགུལ། འགལ་བ་མཉམ་འདུམ་བཅས་བྱས་ཏེ། གནས་ཚུལ་དག་འཕྲལ་མར་ཁོང་དུ་ཆུད་པ་དང་ཆ་འཕྲིན་ལ་ཕྱིར་ལན་སྤྲོད་པའི་འགན་ལེན་བྱས་ཏེ། བརྟན་ལྷིང་མིན་པའི་རྒྱུ་རྐྱེན་སྣ་ཚོགས་ས་བོན་གྱི་དུས་ནས་ཐག་གཅོད་བྱེད་དགོས།