རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་སྔོན་བོད་ཡིག་ཁྲིམས་སྐྱོང་ཚགས་པར། བཤེར་འབེབས། རིན་ཆེན་ཚེ་རིང་།
ཟླ3པའི་ཚེས3ཉིན་གྱི་ཕྱི་དྲོར། རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གཉིས་པར་ཞུགས་པའི་མཚོ་སྔོན་འཐུས་ཚབ་ཚོགས་པས་ཚང་འཛོམས་གྲོས་ཚོགས་ཐེངས་དང་པོ་བསྡུས། ཚོགས་འདུའི་སྟེང་ཁྲིན་ཀང་མཚོ་སྔོན་འཐུས་ཚབ་ཚོགས་པའི་ཚོགས་གཙོ་རུ་བདམས་པ་དང་། ཝུའུ་ཞའོ་ཅུན་དང་ཝང་ལིས་མེན་ཚོགས་གཙོ་གཞོན་པར་བདམས།
ཚོགས་འདུའི་སྟེང་རང་ཞིང་གི་འཐུས་ཚབ་ཚོགས་པས་རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གཉིས་པའི་ཀྲུའུ་ཞི་ཚོགས་པ་དང་དྲུང་ཡིག་ཆེན་མོའི་མིང་ཐོའི་འཆར་ཟིན། རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གཉིས་པའི་གྲོས་རིམ་འཆར་ཟིན་བཅས་ལ་གྲོས་ཞིབ་བྱས་པར་མ་ཟད། རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གཉིས་པའི་གྲ་སྒྲིག་གྲོས་ཚོགས་སྟེང་གྲོས་ཞིབ་བྱེད་པར་སྤྲོད་རྒྱུར་འཐད་པ་བྱུང་།
ཁྲིན་ཀང་གིས་བཤད་རྒྱུར། རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གཉིས་པ་ནི་ཀྲུང་གོ་གསར་པ་དབུ་བརྙེས་ནས་ལོ་དོན་ལྔ་འཁོར་བའི་ལོ་དང་ལོ་ལྔའི་འཆར་འགོད་བཅུ་བཞི་པའི་དམིགས་འབེན་ལས་འགན་མངོན་འགྱུར་བྱེད་པའི་གནད་འགག་གི་ལོར་བསྡུ་བའི་གྲོས་ཚོགས་ཧ་ཅང་གལ་ཆེན་ཞིག་ཡིན་ལ། སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཕྱོགས་ཡོངས་ནས་འཛུགས་སྐྲུན་བྱེད་པའི་སྐྱོད་ལམ་གསར་པའི་སྟེང་བསྡུ་བའི་ཚོགས་ཆེན་གལ་ཆེན་ཞིག་ཀྱང་ཡིན། མཚོ་སྔོན་འཐུས་ཚབ་ཚོགས་པའི་འཐུས་མི་ཡོངས་ཀྱིས་གཏན་ཕབ་གཉིས་ཀྱི་ཐག་གཅོད་རང་བཞིན་གྱི་དོན་སྙིང་ལ་རྒྱུས་ལོན་ཟབ་མོ་ལེན་པ་དང་། སྲུང་སྐྱོང་གཉིས་བཟང་པོར་སྒྲུབ་པ། ཏང་དང་རྒྱལ་ཁབ། རྒྱལ་ཡོངས་དང་མཚོ་སྔོན་མི་དམངས་བཅས་ལ་ཧ་ཅང་འགན་ཁུར་བའི་རྣམ་འགྱུར་དང་། ཆབ་སྲིད་ཀྱི་ཁག་ཁུར་ཆེན་པོ་དང་འགན་འཁྲིའི་འདུ་ཤེས་ཆེན་པོས་འཐུས་མིའི་འགན་འཁྲི་ལག་བསྟར་བྱེད་པ། ཚོགས་ཞུགས་སྒྲིག་ལམ་ཇེ་དམ་དུ་བཏང་སྟེ། མི་དམངས་ཀྱི་ཚབ་བྱས་ནས་རང་ཁྱིམ་རང་བདག་བྱེད་པའི་དབང་ཆ་ལག་བསྟར་བྱེད་པའི་གཟི་བརྗིད་འགན་འཁྲི་དང་བླ་མེད་འགན་འཁྲི་ཕྲག་ཏུ་ལེན་དགོས་ཟེར།
སྐད་འཕྲིན་སྤྱི་སྟེགས།
དྲ་ཚིགསAPP
iOSAPP