རྒྱལ་ཁབ་ཀྱི་སྲུང་སྐྱོབ་རིམ་པ་གཉིས་པའི་སྲོག་ཆགས་ཤྭ་དམར་མཚོ་སྔོན་ཐེམ་ཆེན་དུ་རྒྱུ་བ།

2024-03-12 09:59:23 | 1151

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མཚོ་སྔོན་ཞིང་ཆེན་མི་དམངས་སྲིད་གཞུང་བོད་ཡིག་དྲ་བ། བཤེར་འབེབས། རིན་ཆེན་ཚེ་རིང་།

ཉེ་ལམ་པར་ལེན་ལ་དགའ་བ་ཞིག་གིས་མཚོ་སྔོན་ཞིང་ཆེན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཐེམ་ཆེན་རྫོང་གི་བུ་ཧྭ་ཆུ་འགྲམ་དུ། རི་སྐྱེས་ཤྭ་དམར་ཁྱུ་ཞིག་རྒྱུ་བ་མཐོང་ནས་པར་དུ་བླངས་འདུག རགས་རྩིས་བྱས་ན་ཤྭ་དམར་ཁྱུ་དེར་ཤྭ་དམར40ལྷག་ཙམ་ཡོད་ཅིང་། དེ་ཚོ་དང་ཆེས་ཐག་ཉེ་བའི་སྡོད་ཁུལ་བར་ལ་སྨི400ཡས་མས་ལས་མེད། ཤྭ་དམར་ནི་གཟུགས་བོངས་ཅུང་ཆེ་བའི་ཤྭ་བའི་རིགས་ཤིག་ཡིན་ལ། རྒྱལ་ཁབ་ཀྱི་སྲུང་སྐྱོབ་རིམ་པ་གཉིས་པའི་སྲོག་ཆགས་རེད། དུས་རྒྱུན་ཅུང་མི་མེད་ཀྱི་རི་ཁུལ་དུ་འཚོ་བ་ཡིན། སྐྱེ་ཁམས་ཁོར་ཡུག་ཇེ་ལེགས་ནས་ཇེ་ལེགས་སུ་ཕྱིན་པ་དང་བསྟུན་ཏེ། མཚོ་སྔོན་པོར་འབབ་པའི་ཆུ་བོ་ཆེ་ཤོས་བུ་ཧྭ་ཆུ་བོ་འབབ་རྒྱུད་ཀྱི་སྐྱེ་དངོས་སྣ་ཁ་ཇེ་མང་དུ་ཕྱིན་པ་དང་། ཡུལ་དེའི་མང་ཚོགས་ཀྱི་ཁོར་སྲུང་འདུ་ཤེས་ཀྱང་ཇེ་ཆེར་ཕྱིན་པས། རི་སྐྱེས་སྲོག་ཆགས་རི་ལུང་ཐང་སྟོང་ནས་རིམ་བཞིན་ཡུལ་གྲོང་གི་མཐའ་རུ་ཡོང་བཞིན་ཡོད།

སྐབས་སྔོན་མ། རྒྱལ་ཡོངས་དམངས་ཆེན་སྐབས་བཅུ་བཞི་པའི་གྲོས་ཚོགས་ཐེངས་གཉིས་པ་གྲོལ།

སྐབས་རྗེས་མ། 《ཞི་ཅིན་ཕིང་གི་གསུང་རྩོམ་བདམས་ཀློག》ཅེས་པའི་པོད་དང་པོ་དང་གཉིས་པའི་དབྱིན་ཡིག་གི་པར་གཞི་དཔེ་སྐྲུན་འགྲེམས་སྤེལ་བྱས།