རྩོམ་སྒྲིག སངས་རྒྱས་སྐྱིད། ཡོང་ཁུངས། མི་དམངས་དྲ་བ། བཤེར་འབེབས། རིན་ཆེན་ཚེ་རིང་།
བོད་ལྗོངས་མལ་གྲོ་གུང་དཀར་རྫོང་ནས་གསར་དུ་རྙེད་པའི་བོད་རང་སྐྱོང་ལྗོངས་ཀྱི་རྒྱལ་ཡོངས་རིག་དངོས་ཡོངས་བཤེར་ཚོད་ལྟའི་ལས་དོན་ཐེངས་བཞི་པ་དེ་ཉེ་ཆར་ལྷ་ས་གྲོང་ཁྱེར་མལ་གྲོ་གུང་དཀར་རྫོང་དུ་དངོས་སུ་མགོ་ཚུགས་པ་རེད། གསར་འགོད་པས་མགོ་ཚུགས་མཛད་སྒོའི་ཐོག་ནས་ཤེས་རྟོགས་བྱུང་གསལ་ལྟར་ན། 2012ལོ་ནས་བཟུང་། མལ་གྲོ་གུང་དཀར་རྫོང་ནས་གསར་དུ་རྙེད་པའི་གནའ་ཤུལ་དང་བང་སོ། ཁང་ཤུལ། བྲག་ཕུག རྡོ་བརྐོས་སོགས་རིག་དངོས་ཁྱོན་སྡོམ54ཡོད།
མལ་གྲོ་གུང་དཀར་རྫོང་ནི་སྲོང་བཙན་སྒམ་པོའི་འཁྲུངས་ཡུལ་ཡིན་ཞིང་། དེ་གར་ལོ་རྒྱུས་ཡུན་རིང་ལྡན་པའི་ཧོར་ཁང་གཞིས་ཀ་དང་། རྒྱ་བསམ་གནའ་ལམ་སོགས་རིག་དངོས་ཤུལ་བཞག་མང་པོ་ཡོད་ཅིང་། བོད་ཀྱི་རིག་གནས་འབྱུང་ཁུངས་གཙོ་བོ་ཞིག་ཀྱང་རེད།
ཤེས་རྟོགས་བྱུང་བར་གཞིགས་ན། བོད་རང་སྐྱོང་ལྗོངས་རྒྱལ་ཡོངས་རིག་དངོས་ཡོངས་བཤེར་ཐེངས་བཞི་པའི་རིང་ལ། རྒྱལ་ཡོངས་རིག་དངོས་ཡོངས་བཤེར་ཐེངས་གསུམ་པའི་རྗེས་སུ་ངོས་འཛིན་དང་ཐོ་བཀོད་ཟིན་པའི་རིག་དངོས4277ལ་ཡང་བསྐྱར་ཞིབ་བཤེར་བྱ་རྒྱུ་དང་ཆབས་ཅིག་ཏུ། 2012ལོ་ནས་བཟུང་གསར་ཏུ་རྙེད་ཅིང་གནས་སྤོ་མི་རུང་བའི་རིག་དངོས་ཐོ་འགོད་མ་བྱས་པའི་རིགས་བརྟག་དཔྱད་ངོས་འཛིན་དང་། ཐོ་འགོད་བཅས“གསུམ་བཤེར”བྱ་རྒྱུ་རེད།
སྐད་འཕྲིན་སྤྱི་སྟེགས།
དྲ་ཚིགསAPP
iOSAPP