གནས་སྐོར་པ་མང་པོ་མཚོ་སྔོན་པོར་སླེབས་པ།

རྩོམ་སྒྲིག  དོན་འགྲུབ་མཚོ།  ཡོང་ཁུངས།  མཚོ་སྔོན་བོད་ཡིག་གསར་འགྱུར་ཚགས་པར།  བཤེར་འབེབས།  རིན་ཆེན་ཚེ་རིང་།

ཉེ་ཆར། རྒྱལ་ཡོངས་ཀྱི་ས་ཆ་སོ་སོ་ནས་ཐོན་པའི་གནས་སྐོར་པ་མང་པོ་མཚོ་སྔོན་པོར་ཐོན་ཏེ། “ཀྲུང་གོའི་ཆེས་མཛེས་པའི་མཚེའུ”ཡི་ལྟ་ན་སྡུག་པའི་མཛེས་ལྗོངས་ལ་ལྟད་མོར་རོལ་བཞིན་ཡོད། ལོ་རེའི་ཟླ1པའི་ཟླ་དཀྱིལ་ནས་བཟུང་མཚོ་དར་ཁ་འགྲིག་པ་དང་། ལོ་རྗེས་མའི་ཟླ4པའི་ཟླ་དཀྱིལ་དུ་མཚོ་དར་ལྷུང་བ་ཞིག་ཡིན། ད་ལྟ། མཚོ་སྔོན་པོའི་མཚོ་དར་ཡོངས་སུ་ལྷུང་སྟེ། སྔོ་བསངས་བསངས་ཀྱི་མཚོ་སྔོན་པོ་ཨིནྡྲ་ནཱི་ལ་ཞིག་དང་འདྲ་བར་མཚོ་བོད་མཐོ་སྒང་གི་རྒྱན་དུ་གྱུར་ཡོད། མཚོ་དར་ལྷུང་རྗེས་ཉིན་རེར་གནས་སྐོར་པ་ཆིག་སྟོང་ལྷག་གིས་གནས་འདི་ན་གནས་སྐོར་བྱེད་བཞིན་ཡོད།