མདོ་ལ་འགྲིམ་འགྲུལ་ཉེན་རྟོག་གིས་ཁུལ་ཁྱད་ཟོན་ཡན་ལག་རུ་ཁག་དང་མཉམ་དུ2024ལོའི་གནས་སྐོར་རྫོགས་ལྡན་དུས་སྐབས་ཀྱི་འགྲིམ་འགྲུལ་ཁོར་ཡུག་བཅོས་སྒྲིག་ཆེ་མོའི་གཅིག་སྡུད་གཙང་བཤེར་བྱ་སྤྱོད་སྤེལ་བ།

རྩོམ་སྒྲིག དམ་ཆོས་བསམ་འགྲུབ། ཡོང་ཁུངས། མདོ་ལ་རྫོང་མི་རིགས་སྐད་ཡིག་ལས་དོན་ལྟེ་གནས། བཤེར་འབེབས། རིན་ཆེན་ཚེ་རིང་།

གོང་རིམ་སྤྱི་བདེ་ལས་ཁུངས་ཀྱི་གནས་སྐོར་རྫོགས་ལྡན་དུས་སྐབས་ཀྱི་འགྲིམ་འགྲུལ་ཁོར་ཡུག་བཅོས་སྒྲིག་ཆེན་པོའི་ལས་དོན་གྱི་བཀོད་སྒྲིག་ལག་བསྟར་དོན་འཁྱོལ་ནན་ཏན་བྱ་ཆེད། མདོ་ལ་རྫོང་སྤྱི་བདེ་ཅུའི་འགྲིམ་འགྲུལ་ཉེན་རྟོག་རུ་ཆེན་གྱིས་དང་ལེན་ཧུར་ཐག་དང་རང་འགུལ་ངང་ལས་དོན་སྤེལ། ཟླ4བའི་ཚེས24ནས་ཚེས25ཉིན་བར་ཁུལ་སྤྱི་བདེ་ཅུའི་ཁྱད་ཟོན་ཡན་ལག་རུ་ཁག་དང་མཉམ་དུ་ཁོངས་གཏོགས་ཁུལ་དུ་འགྲིམ་འགྲུལ་ཁོར་ཡུག་བཅོས་སྒྲིག་ཆེན་པོའི་བྱ་སྤྱོད་སྤེལ་ནས་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ལ་ནུས་ཤུགས་ཡོད་རྒུས་འགན་ལེན་བྱས།

བཅོས་སྒྲིག་བྱ་སྤྱོད་སྤེལ་རིང་། མཉམ་འབྲེལ་བཅོས་སྒྲིག་ཚོགས་ཆུང་གིས་གྲོང་ཁུལ་གྱི་བགྲོད་ལམ་འགྲིམ་འགྲུལ་གྱི་དོན་དངོས་གནས་ཚུལ་དང་ཟུང་འབྲེལ་སྒོས་ལས་ཚོགས་ལས་གྲོལ་སོགས་དུས་མཚམས་གལ་ཆེན་དང་ལམ་དུམ་གཙོ་བོར་དམ་པོར་དམིགས་ནས་གནས་གཏན་འཁེལ་གྱི་ཞིབ་བཤེར་དང་སྐབས་བསྟུན་སྐོར་ཞིབ་ཟུང་འབྲེལ་བྱེད་པའི་ལས་སྒྲུབ་བྱེད་སྟངས་སྤྱད་དེ་ཆང་བཏུངས་ནས་རླངས་འཁོར་སྐོར་བ་དང་ཆང་བཟི་ནས་རླངས་འཁོར་སྐོར་བ། ཨང་རྟགས་ལག་ཁྱེར་དང་འབྲེལ་བའི་འགྲིམ་འགྲུལ་སྒྲིག་འགལ་བྱ་སྤྱོད་མངོན་གསལ་དོད་རིགས་ལ་ཞིབ་བཤེར་ཐག་གཅོད་ནན་པོ་བྱས་ཏེ། ནུས་ཤུགས་ཡོད་རྒུས་ནན་བཤེར་ནན་སྡོམ་གྱི་ཁོར་ཡུག་དམ་པོ་བསྐྲུན་ཞིང་། བགྲོད་ལམ་འགྲིམ་འགྲུལ་བདེ་འཇགས་བྱུར་རྐྱེན་སེལ་ནས་གྲོང་ཁུལ་གྱི་བགྲོད་ལམ་འགྲིམ་འགྲུལ་ཁོར་ཡུག་ནུས་ཤུགས་ཡོད་རྒུས་གཙང་བཟོ་བྱས། དེ་དང་ཆབས་ཅིག “ས་ཆ་གཞན་གྱི་རླངས་འཁོར་སྒྲིག་འགལ་ལ་ཆད་པ་ཡང་གཅོད”ཀྱི་རྩ་དོན་མཐའ་འཁྱོངས་བྱས་ཏེ་ཕྱི་ཕྱོགས་ཁ་ལོ་བའི་སྒྲིག་འགལ་ལ་ཉེན་བརྡ་གཏོང་བ་ལས་ཆད་པ་མི་གཅོད་པར་ཡང་བའི་ཁྲིམས་འཛིན་གྱིས་ཚོང་གཉེར་ཁོར་ཡུག་ལེགས་སུ་གཏོང་ཐུབ་པ་བྱས། འགྲོ་འོང་གི་མང་ཚོགས་ལ་དྲིལ་སྒྲོག་སློབ་གསོ་བཏང་ནས་འགྲིམ་འགྲུལ་སྒྲིག་སྲོལ་བརྩི་སྲུང་བྱེད་པའི་གལ་ཆེའི་རང་བཞིན་ལ་འགྲེལ་བཤད་ཞིབ་ཚགས་བྱས་པ་དང་། འགྲིམ་འགྲུལ་སྒྲིག་སྲོལ་ཚན་རིག་དང་མཐུན་པའི་ཁྱབ་གདལ་བཏང་ནས་མང་ཚོགས་བདེ་འཇགས་དང་དཔལ་ཡོན་ལྡན་པའི་ཕྱིར་སྐྱོད་བྱ་རྒྱུར་ཁྲིད་སྟོན་ཧུར་ཐག་བྱས།

ཐེངས་འདིའི་བྱ་སྤྱོད་ནང་ཉེན་རྟོག་པ་མི་ཐེངས120དང་། ཉེན་རྟོག་རླངས་འཁོར་ཐེངས16 རླངས་འཁོར500ལྷག་ཙམ་ལ་ཞིབ་བཤེར་བྱས་པའི་ཁྲོད། འགྲིམ་འགྲུལ་སྒྲིག་འགལ་བྱ་སྤྱོད་སྣ་ཚོགས40ལྷག་ཞིབ་བཤེར་ཐག་གཅོད་བྱས། གོམ་སྟབས་རྗེས་མར་འགྲིམ་འགྲུལ་ཉེན་རྟོག་རུ་ཆེན་གྱིས་མུ་མཐུད་དུ་གཙོ་གནད་སྒྲིག་འགལ་ལ་བཅོས་སྒྲིག་བྱས་ཏེ་རྡུང་རྡེག་གི་ཟིལ་ཤུགས་ཆེ་རུ་གཏོང་བ་དང་། ཚད་གཞི་མཐོ་ཤོས་ཀྱི་སྒོ་ནས་ཉེན་རྟོག་པ་ལམ་ངོས་སུ་བཀོད་སྒྲིག དོ་དམ་ནན་པོ་བྱེད་པའི་རྣམ་པ་ཐོག་མཐའ་བར་གསུམ་དུ་ཁྱབ་པ་བཅས་བྱས་ཏེ་བཅོས་སྒྲིག་ཆེན་པོའི་བྱ་སྤྱོད་ལ་སྔོན་དཔག་གི་ཕན་འབྲས་ཐོན་པའི་འགན་ལེན་བྱེད།