གཅིན་སྙི་ཟ་ཁུའི་ནད་ཀྱི་མཚན་ཉིད་དང་འབྱུང་ཉེན་ཆེ་བའི་མི་ཚོགས།

རྩོམ་སྒྲིག   དོན་འགྲུབ་མཚོ།    ཡོང་ཁུངས།   འཛམ་གླིང་ཡང་རྩེའི་ཚན་སྤེལ་སྐད་འཕྲིན་སྤྱི་སྟེགས།    བཤེར་འབེབས།  རིན་ཆེན་ཚེ་རིང་།

གཅིག   གཅིན་སྙི་ཟ་ཁུའི་ནད་ཀྱི་མཚན་ཉིད།

གཅིན་སྙི་ཟ་ཁུའི་ནད་ཅེས་པ་ནི་མིའི་ལུས་ནང་གི་གཤེར་མའི་ཕུང་རྩིའི་ཟགས་ཐོན་དང་བྱེད་ནུས་ཆ་མི་ཚང་བར་གྱུར་པ་ལས་བྱུང་བའི་ཁྲག་ཧགས་ཇེ་མཐོར་འགྲོ་བའི་ནད་ཅིག་ཡིན་ལ། གཅིན་སྙི་ཟ་ཁུའི་ཆེས་དཔེ་མཚོན་ལྡན་པའི་ནད་རྟགས་ནི“མང་གསུམ་ཉུང་གཅིག”སྟེ་ཆུ་མང་པོ་འཐུང་བ་དང་ཟས་མང་པོ་ཟ་བ། གཅིན་མང་བ། གཟུགས་པོའི་ལྗིད་ཚད་ཇེ་ཡང་ལ་འགྲོ་བ་བཅས་ཡིན། གོང་གི་དཔེ་མཚོན་ནད་རྟགས་འདི་དག་གི་སྟེང་དུ་གཤམ་གྱི་ཆ་རྐྱེན་གང་རུང་གཅིག་ཡོད་ན་གཅིན་སྙི་ཟ་ཁུའི་ནད་དུ་ངོས་འཛིན་བྱས་ཆོག

1.ཉིན་གཅིག་གི་དུས་ཚོད་གང་ཡང་རུང་བའི་ཁྲག་ཧགས་ཆུ་ཚད11.1mmol/L(200mg/dl) ལས་མཐོ་བའམ་དེ་དང་མཚུངས་པ། 

2.ལྟོ་སྟོང་སྐབས་ཀྱི་ཁྲག་ཧགས་ཆུ་ཚད7.0mmol/L(126mg/dl)ལས་མཐོ་བའམ་དེ་དང་མཚུངས་པ།

3.བཏུང་རུང་རྒུན་འབྲུམ་མངར་གྱི་བཟོད་ཚད་ཚོད་ལྟའི་ཆུ་ཚོད2རིང་གི་ཁྲག་ཧགས་ཆུ་ཚད11.1mmol/L（200mg/dll)ལས་མཐོ་བའམ་དེ་དང་མཚུངས་པ། 

གཉིས། གཅིན་སྙི་ཟ་ཁུ་འབྱུང་ཉེན་ཆེ་བའི་མི་ཚོགས། 

1.ལོ་ན40འམ་དེ་ལས་ཆེ་བ།

2.ལུས་པོའི་ལྗིད་ཚད་ཚད་ལས་བརྒལ་བའམ་ཤ་རྒྱགས་པ།

3.ཁྲག་ཤེད་མཐོ་བ། 

4.ཁྲག་ཚིལ་རྒྱུན་ལྡན་མིན་པ། 

5.དུས་རྒྱུན་ཙོག་ནས་འདུག་པ། 6.ཁྱིམ་རྒྱུད་ལ་གཅིན་སྙི་ཟ་ཁུའི་ནད་ཡོད་པ།

7.མངལ་ཆགས་སྐབས་གཅིན་སྙི་ཟ་ཁུའི་ནད་བྱུང་མྱོང་བ། 

8.སྐྱེས་མ་ཐག་ལྗིད་ཚད་ལ་རྒྱ་མ８དམ་དེ་ལས་ཆེ་བ་ཡོད་པའི་ཕྲུ་གུ་ཆེན་པོ་བཙས་མྱོང་བ། 

དེའི་ཁར་ལྟོ་སྟོང་གི་ཁྲག་ཧགས6.1 mmol/Lནས7.0mmol/L བར་ཡིན་པ་དང་། ཧགས་ཐེགས་ཆུ་ཚོད་རིང་གི་ཁྲག་ཧགས（2hPG）7.8mmol/Lནས11.1mmol/Lབར་ཡིན་ན་ཧགས་སྙོམ་སྒྲིག་ལ་གནོད་སྐྱོན་ཐེབས་ཡོད་པས། སྐབས་འདི་ལ་གཅིན་སྙི་ཟ་ཁུའི་ནད་ཀྱི་སྔ་དུས་ཞེས་འབོད་ལ། སྣང་ཚུལ་འདི་རིགས་ཡོད་མཁན་ནི་གཅིན་སྙི་ཟ་ཁུར་འགྱུར་རྒྱུའི་ཉེན་ཁ་ཧ་ཅང་ཆེ་བའི་མི་ཚོགས་ལ་གཏོགས་པ་ཡིན།