མཚོ་སྔོན་ཞིང་ཆེན་གྱི“དྲིལ་སྒྲོག་སྡེ་ཁག་སློབ་རར་བསྐྱོད་དང་བརྙན་གཟིགས་ལ་བརྟེན་ནས་མི་སྣ་གསོ་སྐྱོང་བྱེད་པ”ཅེས་པའི2024ལོའི་དུས་ཚིགས་གཉིས་པའི་བྱ་འགུལ་དེ་མདའ་བཞི་རྫོང་དུ་སྤེལ།

རྩོམ་སྒྲིག  སངས་དོན།   ཡོང་ཁུངས།  མདའ་བཞི་རྫོང་མི་རིགས་སྐད་ཡིག་ལས་དོན་ལྟེ་གནས།   བཤེར་འབེབས།   རིན་ཆེན་ཚེ་རིང་།

ཉེ་ཆར།  མཚོ་སྔོན་ཞིང་ཆེན་གྱི“དྲིལ་སྒྲོག་སྡེ་ཁག་སློབ་རར་བསྐྱོད་པ་དང་བརྙན་གཟིགས་ལ་བརྟེན་ནས་མི་སྣ་གསོ་སྐྱོང་བྱེད་པ”ཅེས་པའི2024ལོའི་དུས་ཚིགས་གཉིས་པའི་བྱ་འགུལ་དེ་མདའ་བཞི་རྫོང་དུ་སྤེལ། 

བྱ་འགུལ་སྤེལ་རིང་། རྒྱལ་གཅེས་རིང་ལུགས་ཀྱི་སློབ་གསོའི་གློག་བརྙན《ཆན་ཞུའེ་སེན》གྱི་འཁྲབ་གཞུང་རྩོམ་པ་པོ་ཁྲེན་ཧོའེ་གོ་ཡིས་ཡུལ་དངོས་སུ་གསར་རྩོམ་གྱི་མྱོང་ཚོར་སྒྲོག་འགྲེལ་བྱས་ཤིང་། དགེ་སློབ་དང་མཉམ་དུ་གློག་བརྙན་ལ་བལྟས། གློག་བརྙན་དེའི་ནང་པེ་ཅིན་སློབ་ཆེན་གྱི་ཚན་རིག་མཁས་ཅན་ཆན་ཞུའེ་སེན་གཞོན་ནུ་སྐབས་སུ་ཨ་རིར་སློབ་སྦྱོང་དུ་སོང་ནས་ཕྱིར་རྒྱལ་ནང་དུ་ལོག་རྗེས་ཀྱི་གཏམ་རྒྱུད་བརྗོད་པ་དེས་ཀྲུང་གོ་གསར་པའི་རྒན་རབས་ཚན་རིག་པས་རྒྱལ་ཁབ་ལ་ཞབས་འདེགས་ཞུ་བའི་བརྩེ་སེམས་དང་རྒྱལ་གཅེས་ཀྱི་བསམ་བློ། རྒྱལ་ཁབ་སྟོབས་ལྡན་གྱི་ཕུགས་འདུན་མངོན་ཡོད། མདའ་བཞི་རྫོང་གི་སློབ་གྲྭ་འབྲིང་ཆུང་གི་སློབ་མའི་འཐུས་མིས་མདེལ་གཉིས་སྐར་གཅིག་གི་སྙིང་སྟོབས་དར་སྤེལ་གཏོང་རྒྱུ་བརྗོད་དོན་གཙོ་བོར་བྱས་ནས་སྐེ་དར་དམར་པོ་ལོ་རྒྱུས་ཀྱི་གཏམ་བཤད་དང་། གླིང་བུ་འབུད་པ། གྱེར་འདོན་བྱེད་པ་སོགས་ཀྱི་ལེ་ཚན་འཁྲབ་སྟོན་བྱས། 

དྲིལ་སྒྲོག་སྡེ་ཁག་སློབ་རར་ཕྱིན་ནས་བརྙན་གཟིགས་ལ་བརྟེན་ནས་མི་སྣ་གསོ་སྐྱོང་བྱེད་པ་ཅེས་པའི་སློབ་རའི་བརྙན་གཟིགས་ཀྱི་སྤྱི་ཕན་ཞབས་ཞུའི་སྟེགས་བུ་བརྒྱུད་དེ་ཕུལ་བྱུང་གློག་བརྙན་ལ་ལྟ་བའི་བྱ་འགུལ་སྤེལ་བ་དང་། སློབ་རའི་གློག་བརྙན་དང་བསམ་བློ་ཆབ་སྲིད་སློབ་གསོ་མཉམ་འདྲེས་ཀྱི་བྱེད་སྟངས་འཚོལ་ཞིབ་དང་གསར་གཏོད་བྱས་ཏེ། རྒྱ་ཆེའི་དགེ་སློབ་ཚོས་བརྙན་གཟིགས་ལ་བལྟ་བའི་དུས་མཚུངས་སུ་རྒྱལ་གཅེས་རིང་ལུགས་ཀྱི་སློབ་གསོ་སྤེལ་ནས་ཀྲུང་ཧྭ་མི་རིགས་ཀྱི་སྙིང་སྟོབས་དར་སྤེལ་གཏོང་བ་དང་། ཀྲུང་ཧྭ་མི་རིགས་ཀྱི་ཐུན་མོང་ཚོགས་པའི་འདུ་ཤེས་སྲ་བརྟན་དུ་གཏོང་བར་སྐུལ་འདེད་བཏང་།