ཀྲུང་གུང་ཀྲུང་དབྱང་གཞུང་ལས་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་ལས་ཐིང་གིས་དེང་རབས་ལས་རིགས་སློབ་གསོའི་མ་ལག་འཛུགས་སྐྲུན་དང་བཅོས་སྒྱུར་གཏིང་ཟབ་བྱེད་པའི་སྐོར་གྱི་བསམ་འཆར་འགྲེལ་སྤེལ་བྱས་པ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཉེ་ལམ། ཀྲུང་གུང་ཀྲུང་དབྱང་གཞུང་ལས་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་ལས་ཐིང་གྱིས་དེང་རབས་ལས་རིགས་སློབ་གསོའི་མ་ལག་འཛུགས་སྐྲུན་དང་བཅོས་སྒྱུར་གཏིང་ཟབ་བྱེད་པའི་སྐོར་གྱི་བསམ་འཆར་འགྲེལ་སྤེལ་བྱས་པར་མ་ཟད་བརྡ་ཐོ་བཏང་སྟེ། ས་གནས་སོ་སོ་དང་ལས་ཁུངས་སོ་སོས་དོན་དངོས་དང་སྦྲེལ་ནས་ལག་བསྟར་དང་དངོས་འབེབས་བཟང་བོ་བྱེད་དགོས་པའི་རེ་བ་བཏོན།

བསམ་འཆར་ལས། ཏང་གིས་ལས་རིགས་སློབ་གསོའི་བྱ་བར་ཕྱོགས་ཡོངས་ནས་མགོ་ཁྲིད་པ་རྒྱུན་འཁྱོངས་དང་ཤུགས་སྣོན་ཞིང་དེང་རབས་ལས་རིགས་སློབ་གསོའི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་དེ་འབུར་ཐོན་གོ་གནས་སུ་འཇོག་པ་དང་། སློབ་མའི་ཕྱོགས་ཡོངས་ཀྱི་འཕེལ་རྒྱས་དང་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཞབས་འདེགས་ཞུ་བ་རྒྱུན་འཁྱོངས་བྱས་ཏེ། ལས་རིགས་སློབ་གྲྭའི་གནད་འགག་ནུས་པ་མཐོར་འདེགས་སུ་གཏོང་བ་རྨང་གཞི་བྱེད་པ་དང་། ཐོན་སློབ་མཉམ་བསྲེས་གཏིང་ཟབ་བྱེད་པ་གཙོར་འཛིན་པ། ལས་རིགས་དང་སྤྱིར་བཏང་བ་མཉམ་འདྲེས་བྱེད་པར་སྐུལ་འདེད་གཏོང་བ་གནད་འགག་ཏུ་འཛིན་པ། ཚན་སློབ་མཉམ་བསྡུས་ཁ་ཕྱོགས་གསར་བ་བྱས་ནས། ཕྱོགས་སོ་སོའི་བརྩོན་སེམས་གང་ལེགས་སྒོས་སྐུལ་ཞིང་ལས་རིགས་སློབ་གསོ་དང་མཐོ་རིམ་སློབ་གསོ། རྒྱུན་མཐུད་སློབ་གསོའི་རོགས་ལས་གསར་སྐྲུན་ལ་གཅིག་གྱུར་སྒོས་འཆར་འགོད་བྱེད་པ་དང་། གོ་རིམ་ལྡན་ཞིང་ནུས་ལྡན་སྒོས་དེང་རབས་ལས་རིགས་སློབ་གསོའི་མ་ལག་འཛུགས་སྐྲུན་དང་བཅོས་སྒྱུར་ལ་སྐུལ་འདེད་གཏོང་དགོས་ཤིང་། ལས་རིགས་སློབ་གསོའི་སྤུས་ཚད་དང་མཐུན་པའི་རང་བཞིན་དང་འགུག་ཤུགས་མཐོར་འདེགས་སུ་གཏོང་བ་དང་། སྔར་ལས་མང་ཞིང་བྱང་ཚད་མཐོ་བའི་ལག་རྩལ་ནུས་ལྡན་འཇོན་མི་དང་ལག་ཤེས་པ་སྐྱེད་སྲིང་བྱས་ནས། སློབ་གསོའི་སྟོབས་ལྡན་རྒྱལ་ཁབ་དང་ཚན་རྩལ་སྟོབས་ལྡན་རྒྱལ་ཁབ། འཇོན་མིའི་སྟོབས་ལྡན་རྒྱལ་ཁབ་མྱུར་དུ་འཛུགས་སྐྲུན་བྱེད་པར་རྨང་གཞི་བརྟན་པོ་འདིང་དགོས་པའི་རེ་བ་བཏོན།

བསམ་འཆར་ལས་བཏོན་པའི་འཐབ་ཇུས་ལས་འགན་ནི། ཞིང་ཆེན་ཁུལ་ཁོངས་སུ་དེང་རབས་ལས་རིགས་སློབ་གསོའི་མ་ལག་འཛུགས་སྐྲུན་གྱི་དཔེ་མཚོན་འཚོལ་ཞིབ་བྱེད་པ་དང་། གྲོང་ཁྱེར་ཁུལ་ཁོངས་སུ་ཐོན་སློབ་མཉམ་འབྲེལ་སྒྲིག་གཞི་གསར་སྐྲུན་བྱེད་པ། ལས་རིགས་ཐོན་སློབ་མཉམ་འབྲེལ་ཐུན་མོང་ཚོགས་པ་གསར་སྐྲུན་བྱ་རྒྱུ་དེ་རེད།

བསམ་འཆར་ལས་གཏན་འཁེལ་བྱས་པའི་བྱ་བ་གཙོ་བོ་ནི། ལས་རིགས་སློབ་གྲྭའི་གནད་ཆེ་སའི་སློབ་སྒྲུབ་ནུས་པ་མཐོར་འདེགས་སུ་གཏོང་བ་དང་། དགེ་རྒན་དཔུང་སྡེ་འཛུགས་སྐྲུན་ལ་ཤུགས་སྣོན་པ། སྒོ་འབྱེད་རང་བཞིན་གྱི་ཁུལ་ཁོངས་ཐོན་སློབ་མཉམ་འབྲེལ་ལག་ལེན་ལྟེ་གནས་འཛུགས་སྐྲུན་བྱེད་པ། སློབ་མ་འཚར་ལོངས་འབྱུང་བའི་ཐབས་ལམ་རྒྱ་བསྐྱེད་པ། རྒྱལ་སྤྱིའི་བརྗེ་རེས་དང་མཉམ་ལས་རྐྱེན་སྲོལ་གསར་སྐྲུན་བྱ་རྒྱུ་དེ་རེད།  །

ཡོངས་ཁུངས། ཀྲུང་གོ་བོད་ཀྱི་དྲ་བ།       མཁའ་མཚོ་སྐྱིད་ཀྱིས་བསྒྱུར།